2 kubaseKorinthe 7:7 - Siswati 1996 Bible

⁷ Asidvudvutwanga ngiko kuphela, kodvwa sadvudvuteka nangekudvudvuteka kwakhe asemkhatsini wenu. Wasitjela kutsi beninesifiso sekungibona, nekutsi naba buhlungu kangakanani etinhlitiyweni, nekutsi benifisa kangakanani kuma kanye nami. Loko kwangenta ngajabula kakhulu futsi.

2 kubaseKorinthe 7:7 Referencias Cruzadas

Tihlabelelo 141:5

Ngingamane ngijeziswe ngumuntfu lolungile, loko kungumusa kimi; angamane angitsetsise, loko kungemafutsa enhloko yami, kodvwa umkhuleko wami uphambene netento letimbi talababi.

Tihlabelelo 30:5

Ngobe kutfukutsela kwakhe kuba kwesikhashana, kodvwa umusa wakhe uhlala ukhona njalo umuntfu asaphila. Tinyembeti tingaba khona ebusuku, kodvwa ngakusasa ekuseni kube kujabula.

Tihlabelelo 38:18

Ngiyalivuma licala lekona kwami, ngidzabukile ngenca yesono sami.

Tihlabelelo 51:1

Ngihawukele, Nkulunkulu, ngekwemusa wakho; yesula tiphambuko tami ngekwesihawu sakho lesikhulu.

Matewu 26:75

Phetro wase uyawakhumbula emavi aJesu ngesikhatsi atsi: “Lichudze litakutsi likhala, utakube sewungiphike katsatfu.” Wase uphumela ngephandle, wakhala kabuhlungu.

Matewu 5:4

Babusisiwe labakhalako, ngobe bayawudvudvutwa.

Lukha 22:44

Inhlitiyo yakhe yayilusizi; wathandaza ngekuciniseka lokukhulu, titfukutfuku takhe taze taba njengematfonsi engati, atfontsela phansi.

Imisebenti yebaPhostoli 11:23

Lapho efika wabona kutsi Nkulunkulu abebabusisile bantfu, watfokota wabancusa bonkhe kutsi betsembeke baciniseke eNkhosini ngetinhlitiyo tonkhe tabo.

KubaseRoma 1:12

Ngisho kutsi nine nami sitewusitakala kanyekanye, nine ngekukholwa kwami, nami ngekukholwa kwenu.

1 kubaseKorinthe 5:2

Kodvwa ngulapho niyatikhukhumeta! Anikhali ngani, kutsi lowo lowente lentfo lembi nimkhiphe emkhatsini wenu?

2 kubaseKorinthe 1:14

njengaloku senibonabona kutsi tsine singaba ligugu lenu, nani nibe ligugu letfu ngalelo langa lekubuya kweNkhosi yetfu Jesu.

2 kubaseKorinthe 1:4

Yena uyasidvudvuta etinhluphekweni tetfu tonkhe; kuze labo labasetinhluphekweni sibe nemandla ekubadvudvuta ngaleyo ndvudvuto lesiyemukela kuNkulunkulu.

2 kubaseKorinthe 2:9

Empeleni ngakubhalela kutsi nginihlole nje kutsi nihlonipha kuko konkhe yini.

2 kubaseKorinthe 5:2

Empeleni siyabubula silangatelela kakhulu likhaya lasezulwini,

2 kubaseKorinthe 7:6

Kodvwa Nkulunkulu lodvudvuta labanetinhlitiyo letephukile, wasidvudvuta ngekufika kwaThithusi.

2 kubaseKorinthe 7:8

Ngobe nome nganidzabukisa ngalencwadzi, noko angitisoli ngayo. Ngiyabona kutsi lencwadzi yanivisa buhlungu nome nje kwakukwesikhashana. Kodvwa nome ngake ngatisola,

2 kubaseKorinthe 8:16

Kodvwa akabongwe Nkulunkulu lobeke enhlitiyweni yaThithusi lenshisekelo lenjengeyetfu yekunisita.

KubaseFiliphi 1:20

Ngukulangatelela nekwetsemba kwami kutsi ngibete emahloni, kepha ngibe nesibindzi, njengobe bengivele nginaso ngaso sonkhe sikhatsi, kutsi Khristu entiwe abe mkhulu emphilweni yami, nome kwenteka ngemphilo yami nome kwenteka ngekufa kwami.

KubaseKholose 2:5

Nome ngingekho emkhatsini wenu ngemtimba, kodvwa ngikhona ngemoya, ngijabulela kubona kuhlela kwenu lokuhle, nekusima kwekukholwa kwenu nguKhristu.

1 kubaseThesalonika 3:6

Kodvwa nyalo, Thimothi sewubuyile kitsi wasiletsela netindzaba letimnandzi ngekukholwa nangelutsandvo lwenu. Usitjele nekutsi ngaso sonkhe sikhatsi ninenkhumbulo lenhle ngatsi, nekutsi nani nifisa kusibona, njengobe natsi sifisa kunibona.

1 kubaseThesalonika 3:8

Ngobe nyalo siyaphila, nanime nicinile eNkhosini.

KumaHebheru 2:1

Ngako-ke ngabe siyakucaphelisisa sikubambe loko lesikuvile, funa sikhweshe kuko.

YaJakobe 5:17

Elija labengumuntfu afana natsi, wakhuleka ngekuncusa kutsi lingani, langete lana emhlabeni iminyaka lemitsatfu netinyanga letisitfupha.

2 yaJohane 1:4

Maye, ngajabula, nangikhandza kutsi labanye bebantfwabakho bahamba ecinisweni, njengobe sayalwa nguBabe.

YaJuda 1:3

Batsandzekako bami, bengitimisele kutsi nginibhalele ngikhulume ngalensindziso lesihlanganyele kuyo. Kodvwa ngibone kunesidzingo lesimatima sekutsi nginibhalele nginikhutsate kutsi nilwele kukholwa lokuphiwe bantfu baNkulunkulu kwaba kanye kwenela, sonkhe tsine lesibakhe.