2 kubaseKorinthe 7:5 - Siswati 1996 Bible

⁵ Kuliciniso kutsi nasifika eMasedoniya, asikutfolanga kuphumula. Satikhandza sisenhluphekweni macala onkhe: Kwakunekulwa ngephandle, kunekwesaba ngekhatsi.

2 kubaseKorinthe 7:5 Referencias Cruzadas

Genesisi 8:9

Kepha lituba lehluleka kutfola indzawo, ngisho neyekubeka lunyawo lwalo, lancandzeka labuyela kuye emkhunjini, ngobe emanti abesemanyenti emhlabeni wonkhe. Ngako welula sandla sakhe walitsatsa, walingenisa emkhunjini kuye.

Jobe 18:11

Tesabiso timetfusa ndzawana tonkhe, timhleli etitsendzeni.

Isaya 33:12

Tive tiyakushiswa kube shangatsi ngumcakaco; njengetihlahla temanyeva letigawuliwe, tiyawulunyekwa ngemlilo.”

Jeremiya 20:10

Ngiva bayahebeta labanyenti batsi: “Sesabiso yonkhe indzawo! Mcebe! Asimcebe!” Bonkhe bangani bami balindzele mine kutsi ngishelele, batsi: “Mhlawumbe utawuyengeka; khona sitawube sesiyamehlula, sitiphindzisele kuye.”

Jeremiya 45:3

Watsi kimi: ‘Nako kimi! Simakadze sewengete iminjunju etinhlungwini tami, sengiphelile ngenca yekububula kwami, angisatfoli nekuphumula.’ ”

Jeremiya 6:25

Ningaphumeli emasimini, nome-ke nihambe emigwacweni, ngobe sitsa siphetse inkemba, kuyesabeka yonkhe indzawo.

Jeremiya 8:18

Kute likhambi kulolusizi lwami, inhlitiyo yami iselusizini.

Imisebenti yebaPhostoli 20:1

Emvakwalesiphitsiphitsi Pawula wabita labakholwako wabakhutsata, wabavalelisa, wabashiya, waya eMasedoniya.

KubaseRoma 15:26

Ngobe kwaba kuhle kubaseMasedoniya nebase-Akhaya kutsi banikelele labangcwele labamphofu baseJerusalema.

1 kubaseKorinthe 15:31

Bazalwane, ngekubongwa lenginako ngani kuKhristu Jesu iNkhosi yetfu ngiyacinisa kutsi: Ngifa mihla yonkhe le!

1 kubaseKorinthe 16:5

Ngitawufika lapho kini sengendlule eMasedoniya, ngobe ngifuna kwendlula khona kucala.

2 kubaseKorinthe 2:13

Kodvwa ngabate kuphumula emphefumulweni, ngobe ngangingakamboni Thithusi umzalwane. Ngako-ke ngase ngiyabavalelisa, ngaya eMasedoniya.

2 kubaseKorinthe 2:3

Nguloko lokwabangela kutsi ngibhale njengaloku ngenta. Ngangentela kutsi nangifika ngingete ngaviswa buhlungu ngulabo lekufanele bangijabulise. Mine nginati kahle kamhlophe, kangangekutsi ngingasho ngitsi nangijabulile mine, nani nijabulile.

2 kubaseKorinthe 2:9

Empeleni ngakubhalela kutsi nginihlole nje kutsi nihlonipha kuko konkhe yini.

KubaseGalathiya 4:11

Ngineluvalo ngani, shangatsi konkhe lokukhandleka kwami lapho kini kwaba lite.

Dutheronomi 32:25

Esitaladini inkemba iyawubenta babe ngulabangenabantfwana. Emakhaya abo kuyawubusa luvalo. Emajaha netintfombi kuyawubhubha, emakhehla netinswane kuphele.

1 kubaseThesalonika 3:5

Ngako-ke ngitsite kube ngehluleke kubeketelela situnge ngani, ngase ngitfumela Thimothi, khona ngitekwati ngekukholwa kwenu. Bengesaba kutsi kungahle kube umlingi unilingile, kuze kutsi kusiphalata kwetfu kube lite.