2 kubaseKorinthe 7:13 - Siswati 1996 Bible

¹³ Ngako-ke siyadvudvuteka. Ngaphandle kwalendvudvuto sajabula kakhulu ngekujabula kwaThithusi, ngobe nonkhe namcinisa lidvolo.

2 kubaseKorinthe 7:13 Referencias Cruzadas

KubaseRoma 12:15

Nijabule nalabajabulako, nikhale nalabakhalako.

KubaseRoma 15:32

kuze kutsi ngite kini ngentsandvo yaNkulunkulu nangenjabulo ngitewuphumula kanye nani.

1 kubaseKorinthe 12:26

Nangabe kuhlupheka sitfo sinye, kuhlupheka titfo tonkhe kanye naso; nangabe kudvunyiswa sitfo sinye, kujabula titfo tonkhe kanye naso.

1 kubaseKorinthe 16:13

Lindzani nisime ekukholweni, nibe ngemadvodza, nicine.

1 kubaseKorinthe 16:18

Ngobe bawuhlumelele umoya wami newenu; ngako-ke bahlonipheni labanjalo.

2 kubaseKorinthe 2:13

Kodvwa ngabate kuphumula emphefumulweni, ngobe ngangingakamboni Thithusi umzalwane. Ngako-ke ngase ngiyabavalelisa, ngaya eMasedoniya.

2 kubaseKorinthe 2:3

Nguloko lokwabangela kutsi ngibhale njengaloku ngenta. Ngangentela kutsi nangifika ngingete ngaviswa buhlungu ngulabo lekufanele bangijabulise. Mine nginati kahle kamhlophe, kangangekutsi ngingasho ngitsi nangijabulile mine, nani nijabulile.

2 kubaseKorinthe 7:14

Kube benginidvumisile kuye, ngabe anikangijabhisi. Kute lesakukhuluma kini ngaphandle kweliciniso, nekunidvumisa kwetfu kuThithusi kwatfolakala kuliciniso.

2 kubaseKorinthe 7:15

Inhlitiyo yakhe seyinamatsele kini, ngobe phela ukhumbula inhlonipho yenu, nekutsi namemukela ngekwesaba nangekutfutfumela.

2 kubaseKorinthe 7:6

Kodvwa Nkulunkulu lodvudvuta labanetinhlitiyo letephukile, wasidvudvuta ngekufika kwaThithusi.

KubaseFiliphi 2:28

Ngaloko-ke ngakhutsalela kakhulu kumtfuma, kuze kutsi nase nimbonile futsi nitfokote, nakimi kunciphe lusizi.

2 kuThimothi 1:16

Shangatsi iNkhosi ingaba nebubele kubaka-Onesiforusi, labevame kungihlumelelisa njalo, ngobe abengenamahloni ngekuboshwa kwami.

kuFilemoni 1:20

Yebo, mzalwane wami, ngicela kutsi ngitfokotiswe nguwe eNkhosini, ngekuhlumelelisa inhlitiyo yami kuKhristu.

kuFilemoni 1:7

Lutsandvo lwakho luyangijabulisa, futsi luyangikhutsata, mzalwane wami. Tinhlitiyo talabanyenti labangcwele tihlunyelelisiwe ngalo.

1 yaPhetro 3:8

Kwekugcina-ke, hawukelanani, nibe munye nonkhe, nitsandzane ngebuzalwane, nibe nebubele nekutfobeka.