2 kubaseKorinthe 6:6 - Siswati 1996 Bible

⁶ nangekuhlanteka, nangelwati, nangekubeketela, nangemusa, nangaMoya Longcwele, nangelutsandvo lolujulile,

2 kubaseKorinthe 6:6 Referencias Cruzadas

Hezekeli 33:31

Bantfu bami beta kuwe, njengobe bavame kwenta, bahlale embikwakho balalele emavi akho, kodvwa abawenti. Ngemilomo yabo bakhuluma kutsi batinikele, kodvwa tinhlitiyo tabo tibukhali, tifuna inzuzo lembi.

KubaseRoma 12:9

Lutsandvo kufanele lubete kutentisa. Tondzani lokubi, nibambisise lokuhle.

KubaseRoma 15:19

abesebenta ngemandla etibonakaliso netimangaliso, nangemandla aMoya Longcwele. Ngako-ke, ngacala eJerusalema ngahamba ngijikeleta ngaze ngefika nangase-Ilirikhu ngihamba ngishumayela liVangeli laKhristu kuto tonkhe tindzawo.

1 kubaseKorinthe 12:8

Lomunye uphiwa ngaMoya livi lekuhlakanipha, kepha lomunye livi lekwati, ngaye yena lowo Moya,

1 kubaseKorinthe 13:4

Lutsandvo luyabeketela, lutsandvo lumnene, lute umona, lutsandvo alutigabatisi, futsi alutikhukhumeti.

1 kubaseKorinthe 2:16

UmBhalo utsi: “Ngubani lowati umcondvo weNkhosi? Ngubani longayifundzisa?” Kodvwa tsine sinawo umcondvo waKhristu.

1 kubaseKorinthe 2:4

Kukhuluma kwami nekushumayela kwami akuzange kube ngemavi ekuhlakanipha lokuhunganako, kodvwa kwaba sibonakaliso saMoya nesemandla.

2 kubaseKorinthe 1:23

Ngibita Nkulunkulu kutsi abe ngufakazi wami wekutsi mine ngangisita nine ngekungaphindzi kwami ngite eKhorinte.

2 kubaseKorinthe 11:11

Leni? Ngobe nginganitsandzi yini? Nkulunkulu uyati kutsi ngiyanitsandza.

2 kubaseKorinthe 11:4

Nangabe kufika lomunye umuntfu ashumayele lomunye Jesu kunalowo lesamshumayela, nome-ke nangabe nemukela lomunye umoya lowehlukile kunalowo lenamemukela, nome-ke nangabe nemukela lelinye livangeli lelehlukile kunalelo lenalemukela, konkhe loko shangatsi nikubeketelele ngalokumangalisako.

2 kubaseKorinthe 11:6

Nome ngingesilo libeka ekukhulumeni, kodvwa nginalo lwati. Loko-ke sinikhombise ngato tonkhe tindlela etintfweni tonkhe.

2 kubaseKorinthe 12:15

Ngiyawujabula kutsi nginikele ngako konkhe ngize nginikelwe nami lucobo, kuze kusitakale imiphefumulo yenu. Nanginitsandza kakhulu, pho, mine kufanele yini kutsi ngitsandvwe kancane?

2 kubaseKorinthe 13:10

Loku ngikubhala ngisengakefiki kini, kuze kutsi nangifika lapho kungadzingeki kutsi nginiphatse ngesandla lesimatima lenginikwe sona yiNkhosi, kutsi ngakhe, ngingahliphiti.

2 kubaseKorinthe 2:10

Nome ngubani lenimtsetselelako, nami ngiyamtsetselela; ngobe mine nase ngitsetselele, ngisuke ngikwente ngempela, ngikwentele nine kube shangatsi ngusebukhoneni baKhristu.

2 kubaseKorinthe 2:4

Nganibhalela ngisebuhlungwini ngidzabukile enhlitiyweni, tinyembeti tigcwele emehlo, hhayi ngobe ngifuna kunivisa buhlungu, kepha kuze nati kutsi nginitsandza kangakanani.

2 kubaseKorinthe 3:3

Kuyakhanya kutsi niyincwadzi yaKhristu leletfwe ngitsi, lengakabhalwa ngenki, kepha ngaMoya Longcwele, waNkulunkulu lophilako, hhayi etibhelekeceni tematje kepha etinhlitiyweni tebantfu.

2 kubaseKorinthe 4:6

Ngobe yena lowo Nkulunkulu lowatsi: “Akuvele kukhanya ebumnyameni,” nguye futsi lokhanyise etinhlitiyweni tetfu, kuze sikwati kubona inkhatimulo yaNkulunkulu ebusweni baKhristu.

2 kubaseKorinthe 7:2

Semukeleni ngenhlitiyo lemhlophe. Kute lesamona, kute lesamphatsa kabi, kute nalesamphamba.

KubaseGalathiya 3:2

Ase ningitjele naku: Moya waNkulunkulu namemukela ngekwenta lokufunwa ngumtsetfo yini, nome namemukela ngekukholwa liVangeli lenaliva nalishunyayelwa?

KubaseGalathiya 3:5

Nkulunkulu uyaninika yini Moya wakhe ente imisebenti lemangalisako emkhatsini wenu ngobe nigcina umtsetfo, nome uninika ngobe nikholwe liVangeli lenaliva nalishunyayelwa?

KubaseGalathiya 5:22

Kodvwa titselo taMoya nguleti: lutsandvo, nekujabula, nekuthula, nekubeketela, nebubele, nekulunga, nekwetsembeka,

Kubase-Efesu 3:4

Nanifundza loku, nitawubona kwati kwami ngemfihlakalo yaKhristu.

Kubase-Efesu 4:2

Nikhombise lutsandvo lwenu ngekubeketelelana ngekutfobeka konkhe, nangebumnene, nangekucinisela.

Kubase-Efesu 4:32

Kodvwa phatsanani ngebumnene, nihawukelane, nitsetselelane, njengobe naNkulunkulu wanitsetselela ngaKhristu.

KubaseKholose 1:27

Nkulunkulu watsandza kutsi kwateke kubo kutsi iyini ingcebo nebukhosi balemfihlakalo kubetive. Lemfihlakalo inguKhristu kini, lolitsemba lebukhosi.

KubaseKholose 2:3

Kuye kutfukuswe emagugu onkhe ekuhlakanipha newekwati.

KubaseKholose 3:12

Ngako-ke njengebantfu labakhetsiwe baNkulunkulu, labangcwele nalabatsandzekako, yembatsani bubele benhlitiyo, nesisa, nekutitfoba, nebumnene, nekucinisela.

1 kubaseThesalonika 2:10

Nine naNkulunkulu nibofakazi betfu bekutsi indlela lesasitiphetse ngayo emkhatsini wenu nine labakholwako yayingcwele, ilungile ingenasici.

1 kuThimothi 4:12

Ungavumi kutsi busha bakho bedzeleleke kubantfu. Kodvwa bani sibonelo kulabakholwako; ube sibonelo ngekukhuluma, nangesimilo, nangelutsandvo, nangekukholwa, nangekuba msulwa.

1 kuThimothi 5:2

Labasikati labadzala ubaphatse shangatsi uphetse bonyoko, nalabasikati labasebancane ubaphatse shangatsi uphetse bodzadzewenu, ube msulwa kubo bonkhe.

2 kuThimothi 3:10

Kodvwa wena ungilandzele kunaku: esifundzisweni, nasekutiphatseni, nasemgomeni, nasekukholweni, nasekubeketeleni, naselutsandvweni, nasekubambeleleni,

2 kuThimothi 4:2

Shumayela livi, ulimele nome tikhatsi tivuma nome tingavumi; sola, ucwayise, uyale ngako konkhe kubeketela nekufundzisa.

kuThithusi 2:7

Wena-ke ube sibonelo lesihle ngato tonkhe tindlela. Ufundzise ngebucotfo nangekutimisela,

YaJakobe 3:17

Kodvwa kuhlakanipha lokuchamuka ngetulu kwekucala kumsulwa, bese kuba nekuthula, nekutfobeka, nekulalela, kugcwele bubele netitselo letihle; akunalo lubandlululo nekutentisa.

1 yaPhetro 1:12

Bona bembulelwa kutsi tiphrofetho tabo tatingakacondzani nabo, taticondzene nani, njengobe babekhuluma ngaloko nani lese nikuve ngalabo labanishumayela liVangeli ngaMoya Longcwele lophuma ezulwini. Ngisho netingilosi tiyafisa kutibona letintfo.

1 yaPhetro 1:22

Njengobe senihlambulule imiphefumulo yenu ngekulalela liciniso ngaMoya kuze nitsandze bazalwane benu ngelutsandvo lolute kutentisa, tsandzanani ngenhlitiyo lephelele.

1 yaJohane 3:18

Bantfwabami, asingatsandzi ngemavi nje emlomo kuphela, kodvwa asitsandze ngetento nangeliciniso.

Tikhulu 16:15

Delila watsi kuye: “Ungasho kanjani kimi kutsi ‘Ngiyakutsandza,’ nawungangetsembi? Loku sekwesitsatfu solomane ungenta silima sakho, ungangitjeli imfihlakalo yemandla akho lamakhulu.”