2 kubaseKorinthe 4:8 - Siswati 1996 Bible

⁸ Sicindzetelwa ndzawo tonkhe, kodvwa asibotfoki; siyacakeka, kodvwa asipheli emandla.

2 kubaseKorinthe 4:8 Referencias Cruzadas

Tihlabelelo 129:2

“Bangihlupha kwasebusheni bami, kodvwa abazange bangehlule.

Tihlabelelo 37:33

Simakadze angeke amyekelele esandleni salomubi, futsi lowo lolungile angeke alahlwe ngelicala, nakehlulelwa.

Taga 14:26

Kwesaba Simakadze umuntfu kumenta abe nenqaba yekuphephela; lenqaba iba siphephelo sebantfwabakhe.

Taga 18:10

Libito laSimakadze liyinqaba lecinile, lapho kungabalekela khona bantfu labalungile basindze.

Isaya 40:31

kodvwa labo labetsembele kuSimakadze batfola emandla lamasha. Bayawukhuphuka ngemaphiko njengetinsweti, bayawugijima bangadzinwa, bayawuhamba bangaphelelwa ngemandla.

Habakhuki 3:17

Nome sihlahla semkhiwa singahlumi, nemagelebisi kute esihlahleni semvini, nome umncumo ungatseli, nemasimi angasatitseli tivuno, nome sekute timvu esibayeni, netinkhomo sekute esibayeni,

Johane 14:18

“Ngingeke nginishiye nitintsandzane, ngitawubuya ngite kini.

1 kubaseKorinthe 10:13

Anikefikelwa kulingwa lokwehlukile kunekwalabanye bantfu. Kepha Nkulunkulu wetsembekile, yena angeke avume kutsi nilingwe ngalokungetulu kwemandla enu. Ngesikhatsi sekulingwa utaninika emandla ekuma, anentele nendlela yekuphepha.

2 kubaseKorinthe 12:10

Ngenca yaKhristu-ke, ngiyeneliswa butsakatsaka, netinhlamba, nebulukhuni, nekutingelelwa kuhlushwa kanye netingoti; ngobe nangibutsakatsaka, kulapho ngiba nemandla khona.

2 kubaseKorinthe 6:12

Kute lesinigodlele kona tsine, kodvwa ngini lenisivalele tinhlitiyo tenu.

2 kubaseKorinthe 6:4

Esikhundleni saloko konkhe lesikwentako sikwenta sikhombisa kutsi sitisebenti taNkulunkulu ngekutsi konkhe sikumele: ngekucinisela lokukhulu ekuhlushweni, nasebulukhunini, nasekugongonyekeni,

2 kubaseKorinthe 7:5

Kuliciniso kutsi nasifika eMasedoniya, asikutfolanga kuphumula. Satikhandza sisenhluphekweni macala onkhe: Kwakunekulwa ngephandle, kunekwesaba ngekhatsi.

KubaseGalathiya 4:20

Bengifisa shangatsi ngingake ngibe nani nyalo, kumbe ngingake ngikhulume ngalenye indlela, ngobe sengidzidzekile ngani.

1 Samuweli 28:15

Samuweli wabuta Sawula watsi: “Ungiphatamiselani ngalokube ungikhuphula?” Sawula watsi: “Ngisebuhlungwini lobukhulu. EmaFilisti ayangihlasela. Nkulunkulu ungifulatsele. Akasangiphendvuli ngisho nangebaphrofethi nome ngemaphupho. Manje sengibite wena kutsi ungitjele kutsi ngifanele ngente njani.”

1 Samuweli 30:6

Davide wadzabuka kakhulu, ngobe lamadvodza abesakhuluma ngekumgcoba ngematje. Ngulowo nalowo abemunyu emoyeni wakhe ngemadvodzana nangemadvodzakati akhe. Kodvwa Davide watfola emandla kuSimakadze Nkulunkulu wakhe.

1 Samuweli 31:4

Sawula wakhuluma neludzibi lwakhe, watsi: “Khipha inkemba yakho ungicedzele, kungaze kufike labantfu labangasoki bangicedzele, ngihlazeke.” Kodvwa loludzibi lwakhe lwalwesaba, lungeke lukwente loko; ngako Sawula watsatsa inkemba yakhe, watiwisela kuyo, atibulala.