2 kubaseKorinthe 3:6 - Siswati 1996 Bible

⁶ lowasenta safaneleka kuba baphatsi besivumelwane lesisha, lesingesiso semtsetfo lobhaliwe, kodvwa saMoya; umtsetfo lobhaliwe uyabulala, kodvwa Moya uyaphilisa.

2 kubaseKorinthe 3:6 Referencias Cruzadas

Jeremiya 31:31

Simakadze utsi: “Sikhatsi siyeta, lapho ngiyawukwenta khona sivumelwane lesisha nendlu yaka-Israyeli neyakaJuda.

Matewu 13:52

Wase utsi kubo: “Ngako-ke wonkhe umfundzisi wemtsetfo loba ngumfundzi embusweni welizulu, unjengemnikati wemuti lokhipha engcebeni yakhe lokusha nalokudzala.”

Matewu 26:28

ngobe loku kuyingati yami yesivumelwane, lecitselwe labanyenti kube kutsetselelwa kwetono.

Makho 14:24

Watsi kubo: “Loku kuyingati yami yesivumelwane, lecitselwa labanyenti.

Lukha 22:20

Wenta njalo futsi ngekubanika indzebe emvakwekudla, atsi: “Lendzebe sivumelwane lesisha sengati yami lecitselwe nine.]

Johane 5:21

Njengobe uYise avusa labafile baphile, nayo-ke iNdvodzana iyabaphilisa labo letsandza kutsi baphile.

Johane 6:63

Lokunika imphilo nguMoya; inyama ayinamsebenti; emavi lengiwakhuluma kini anguMoya, futsi akuphila.

KubaseRoma 1:5

Ngaye loJesu semukele umusa nebuphostoli, kuze kutsi egameni lakhe bantfu etiveni tonkhe sibaholele ekukholweni nasekutfobeleni Nkulunkulu.

KubaseRoma 3:20

Ngobe kute umuntfu loyakwemukeleka kuNkulunkulu kutsi ulungile ngekugcina umtsetfo. Umtsetfo wenta bantfu basati sono.

KubaseRoma 4:15

Umtsetfo uletsa intfukutselo; kodvwa lapho kute umtsetfo khona, kute nekuwephula.

KubaseRoma 4:17

njengobe kubhaliwe kutsi: “Ngikukhetsele kutsi ube nguyise wetive letinyenti.” Lesetsembiso wasemukela kuNkulunkulu labemetsemba; lowo-ke nguNkulunkulu lovusa labagfile baphile. Nguye lokhuluma bese kuba khona lokungazange sekube khona.

KubaseRoma 7:6

Noko, nyalo, sesikhululekile ekubeni ngaphansi kwemtsetfo, ngobe safa sehlukana naloko kwakusente tiboshwa, asisakhonti ngendlela lendzala yekwenta lokufunwa ngumtsetfo lobhaliwe, kodvwa sikhonta ngendlela lensha yaMoya.

KubaseRoma 8:2

Ngobe umtsetfo waMoya wekuphila lokukuKhristu Jesu ungikhululile emtsetfweni wesono newekufa.

1 kubaseKorinthe 11:25

Ngalokufananako watsatsa indzebe emvakwekudla kwakusihlwa, watsi: “Lendzebe sivumelwane lesisha, lesentiwe ngengati yami; yentani loku ngetikhatsi tonkhe, naninatsa kuyo, kuze ningikhumbule.”

1 kubaseKorinthe 12:28

Nkulunkulu umise labatsite ebandleni: kucala baphostoli, kwesibili baphrofethi, kwesitsatfu bafundzisi, bese kuba ngulabenta imisebenti yemandla, nalabanetiphiwo temusa tekuphilisa, nebasiti, nebaholi, nalabakhuluma ngetilimi.

1 kubaseKorinthe 15:45

Kanjalo futsi kubhaliwe kutsi: “Umuntfu wekucala Adamu waba ngumuntfu lophilako;” Adamu wekugcina waba nguMoya lonika kuphila.

1 kubaseKorinthe 3:10

Ngemusa waNkulunkulu lengiwuphiwe, nanjengachwephesha wetekwakha, ngabeka sisekelo sendlu, lomunye wakha etikwaso. Kodvwa akube ngulowo nalowo acaphelisise kahle kutsi wakhela njani etikwaso.

1 kubaseKorinthe 3:5

Pho, uyini Apolosi? Uyini Pawula? Batisebenti nje taNkulunkulu lenakholwa ngato, letisebenta njengekwaba kweNkhosi kuleso nakuleso sato.

2 kubaseKorinthe 11:23

Batisebenti taKhristu yini? Mine ngingulesincono. Loku sengikukhuluma njengeluhlanya. Ngasebenta kakhulu kunabo, ngidvonsa matima, ngaboshwa kanyenti, ngashaywa kanyenti, ngabasengotini yekufa.

2 kubaseKorinthe 3:14

Kodvwa ingcondvo yabo yaba lukhuni, ngisho nalamuhla loku nakufundvwa sivumelwane lesidzala, leyo ndvwangu isehleti; nanyalo ayikembulwa, ngobe yembuleka ngaKhristu kuphela.

2 kubaseKorinthe 3:3

Kuyakhanya kutsi niyincwadzi yaKhristu leletfwe ngitsi, lengakabhalwa ngenki, kepha ngaMoya Longcwele, waNkulunkulu lophilako, hhayi etibhelekeceni tematje kepha etinhlitiyweni tebantfu.

2 kubaseKorinthe 3:7

Inkonzo yemtsetfo lobhalwe etibhelekeceni tematje igcine iletse kufa noko yeta ngeludvumo, kangangekutsi baka-Israyeli abazange bakhone kubuka buso baMosi ngenca yenkhatimulo yayo, nome yabuye yaphela.

2 kubaseKorinthe 3:9

Nangabe inkonzo yemtsetfo leletsa kulahlwa yefika nenkhatimulo lengaka, iyawuba yinkhulu kangakanani-ke inkhatimulo yalenkonzo lesenta silungelane naNkulunkulu?

KubaseGalathiya 3:21

Pho, ngabe kusho kutsi umtsetfo uphambene yini netetsembiso taNkulunkulu? Cha, akunjalo. Ngobe nangabe ubekiwe umtsetfo longaphilisa, nakanjani kulunga bekungatfolakala ngekwenta lokufunwa ngumtsetfo.

Kubase-Efesu 2:1

Univusile nani lebenifile ngenca yetiphambuko netono tenu,

Kubase-Efesu 2:5

nome sase sifile ngetiphambuko tetfu, wasiphilisa kanye naKhristu. Nisindziswe ngemusa waNkulunkulu.

Kubase-Efesu 3:7

Ngentiwa sisebenti seliVangeli ngesipho semusa waNkulunkulu, lengiwuphiwe ngekusebenta kwemandla akhe.

Dutheronomi 27:26

“ ‘Ucalekisiwe umuntfu longawemukeli emavi alomtsetfo ngekutsi awente.’ “Bonkhe bantfu bayawuphendvula batsi: ‘Amen.’ ”

1 kuThimothi 4:6

Utawuba sisebenti saKhristu lesincomekako nawungayendlulisela kubazalwane lemiyalo. Nawe utakondleka emoyeni ngemavi ekukholwa nangemfundziso yeliciniso, lobambelele kuyo.

2 kuThimothi 1:11

Ngamiselwa kutsi ngibe ngummemeteli, nemphostoli, nemfundzisi waleliVangeli,

KumaHebheru 12:24

nakuJesu, uMlamuli wesivumelwane lesisha. Ingati yakhe isiphatsele lokukhulu kunengati ya-Abela.

KumaHebheru 13:20

Shangatsi Nkulunkulu wekuthula lowavusa iNkhosi yetfu Jesu kulabafile, wamenta uMelusi Lomkhulu wetimvu ngengati yakhe yesivumelwane saphakadze,

KumaHebheru 7:22

Nguloko-ke lokwenta kutsi Jesu abe sibambiso sesivumelwane lesincono.

KumaHebheru 8:13

Nakakhuluma ngesivumelwane “lesisha”, Nkulunkulu usho kutsi lesi sekucala sesidzala. Loko lese kukudzala kusuke sekugugile, sekutawunyamalala masinyane.

1 yaPhetro 3:18

Khristu wafela tono tetfu, kwaba kanye, kwenela. Yena lolungile wafela labangakalungi, kuze animikise kuNkulunkulu. Wabulawa ngekwemtimba, kepha wavuswa ngaMoya waNkulunkulu.

1 yaJohane 1:1

Lowo labekhona kusukela ekucaleni, lesamuva, nalesambona ngemehlo etfu, sambuka, samphatsa ngetandla tetfu bekunguLivi lekuphila.