2 kubaseKorinthe 3:5 - Siswati 1996 Bible

⁵ Akusho noko kwekutsi sinemandla ekwenta lutfo ngekwetfu; kute lokuphuma kitsi, kepha emandla etfu avela kuNkulunkulu,

2 kubaseKorinthe 3:5 Referencias Cruzadas

Genesisi 41:16

Josefa waphendvula watsi: “Akusimi, nkhosi, kodvwa nguNkulunkulu lotawunika Faro inchazelo lengiyo.”

2 Tikhronike 30:12

NakaJuda sandla saNkulunkulu sasisetikwebantfu kutsi sibanike bunye bengcondvo ekwenteni loko inkhosi netiphatsimandla tayo babetsite akwentiwe, ngekulandzela livi laSimakadze.

Lukha 21:15

ngobe phela ngiyawuninika emavi nekuhlakanipha lekuyawubate nome sinye setitsa tenu lesiyawuba nemandla ekumelana nekuphikisana nani.

Lukha 24:49

Mine-ke ngiyawunitfumelela sipho lesetsenjiswa nguBabe; kodvwa hlalani eJerusalema, nize nemukeliswe emandla lavela ngetulu.”

Johane 15:5

“Mine ngingumvini, nine ningemagala. Lowo lohlala kimi nami kuye, uyawutsela titselo letinyenti, ngobe kute leningakwenta ngaphandle kwami.

KubaseRoma 15:18

Ngobe ngiyawubate sibindzi sekukhuluma lutfo lolunye ngaphandle kwaleto tintfo Khristu latente ngami. Khristu wasebenta ngemavi ami nangetento tami, kuze betive bamlalele;

1 kubaseKorinthe 15:10

Kepha ngemusa waNkulunkulu nginguloku lengingiko, nemusa wakhe kimi awuzange ube lite, kodvwa ngasebenta kakhulu kunabo bonkhe, noko kungesimi, kodvwa kungumusa waNkulunkulu lonami.

1 kubaseKorinthe 3:10

Ngemusa waNkulunkulu lengiwuphiwe, nanjengachwephesha wetekwakha, ngabeka sisekelo sendlu, lomunye wakha etikwaso. Kodvwa akube ngulowo nalowo acaphelisise kahle kutsi wakhela njani etikwaso.

1 kubaseKorinthe 3:6

Mine ngahlanyela nje, Apolosi yena wafike wanisela, kepha nguNkulunkulu lokhulisile.

2 kubaseKorinthe 12:9

Kodvwa iNkhosi yatsi kimi: “Umusa wami ukwanele wena, ngobe emandla ami abonakaliswa aphelele ebutsakatsakeni.” Ngako-ke ngitawutigabatisa kakhulu ngebutsakatsaka bami, kuze phela emandla aKhristu atewuhlala kimi.

2 kubaseKorinthe 2:16

Siliphunga lekufa kube kufa kulababhujiswako, kantsi siliphunga lekuphila kube kuphila kulabasindziswako. Ngubani-ke longakumela loko?

2 kubaseKorinthe 4:7

Kepha lamagugu lesinawo siwaphetse ngetitja telibumba. Loko kubonakalisa kutsi lamandla lamakhulu kangaka akasiwo etfu kepha ngaNkulunkulu.

KubaseFiliphi 2:13

ngobe nguNkulunkulu losebenta kini kutsandza nekwenta ngekwentsandvo yakhe lenhle.

KubaseFiliphi 4:13

Nginemandla ekwenta konkhe ngaye Khristu longicinisako.

2 kuThimothi 2:2

Loko lokuve kimi embikwabofakazi labanyenti, nawe kuphatsise bantfu labetsembekile labatawuba nemandla ekukufundzisa kulabanye.

YaJakobe 1:17

Tonkhe tipho letinhle naletiphelele tivela ngetulu, tiphuma kuBabe uMdali wetibane tasesibhakabhakeni, lote kugucugucuka, njengobe tona tigucuka, tibohle tisishiya ebumnyameni.