2 kubaseKorinthe 3:12 - Siswati 1996 Bible

¹² Ngulelo litsemba letfu, ngiko nje sikhuluma ngesibindzi.

2 kubaseKorinthe 3:12 Referencias Cruzadas

Johane 10:24

Ase ayamkaka emaJuda atsi: “Kutawudzimate kube ngunini solomane usibambelela wena, ulibatisa tinhlitiyo tetfu? Nangabe unguKhristu sitjele ngalokuvakalako.”

Johane 16:25

“Tonkhe letintfo senginitjele ngemifanekiso. Siyeta sikhatsi lapho ngingaseyiwukhuluma kini ngemifanekiso, kodvwa ngiyawuvele nginitjele ngaBabe ngalokukhanyako.

Johane 16:29

Bafundzi bakhe batsi kuye: “Buka-ke manje, ngukhona ukhuluma kahle, sekuyacaca nje ngaphandle kwekukhuluma ngemifanekiso!

Imisebenti yebaPhostoli 14:3

Baphostoli bahlala lapho sikhatsi lesidze. Bakhuluma ngesibindzi ngeNkhosi, leyafakaza kutsi inshumayelo yabo ngemusa wayo iliciniso, ibanika emandla ekwenta tibonakaliso netimangaliso ngetandla tabo.

Imisebenti yebaPhostoli 4:13

Emalunga aleLiqoqo letiphatsimandla amangala kubona sibindzi saboPhetro naJohane, nekubona kutsi babebantfukatana nje labebangakafundzi. Bavele babona kutsi babehamba naJesu.

Imisebenti yebaPhostoli 9:27

Noko Bhanabasi wamsita ngekutsi amtsatse amyise kubaphostoli. Wafike wabachazela kutsi Sawula wayibona kanjani iNkhosi endleleni, nekutsi iNkhosi yakhuluma naye. Wabatjela futsi nekutsi Sawula washumayela kanjani ngesibindzi ngelibito laJesu eDamaseko.

Imisebenti yebaPhostoli 9:29

Wakhuluma waphikisana nemaJuda labekhuluma siGriki; kodvwa abefuna kumbulala.

1 kubaseKorinthe 14:19

kodvwa ebandleni ngingatsandza kukhuluma emagama lasihlanu nje ngengcondvo yami khona ngitewufundzisa labanye, kunekukhuluma ngetilimi emagama lati-10 000.

2 kubaseKorinthe 10:1

Mine, Pawula matfupha, ngiyanincenga ngebumnene nangebubele baKhristu. Nginguye yena loPawula lenimtsatsa ngekutsi uyatikhobosa nasemkhatsini wenu, kodvwa abe nesibindzi kini nangekho embikwenu.

2 kubaseKorinthe 3:11

Ngobe nangabe loko lobekutawuphela kwaba neyako inkhatimulo, iyawuba yinkhulu kangakanani-ke inkhatimulo yaloko lokungayikuphela?

2 kubaseKorinthe 4:13

UmBhalo utsi: “Ngangikholwa kuNkulunkulu, ngako ngakhuluma.” Natsi futsi sinawo lowo moya wekukholwa kuNkulunkulu, ngako-ke sikhuluma

2 kubaseKorinthe 7:4

Nginesibindzi lesikhulu kini; ngitigcabha kakhulu ngani. Kuko konkhe lokuhlupheka kwetfu ngiva nginendvudvuto, nenjabulo yami iyaphuphuma.

KubaseFiliphi 1:14

Ngekuboshwa kwami linyenti lebazalwane litfole sibindzi lesikhulu eNkhosini sekukhuluma livi laNkulunkulu ngekungesabi.

KubaseFiliphi 1:20

Ngukulangatelela nekwetsemba kwami kutsi ngibete emahloni, kepha ngibe nesibindzi, njengobe bengivele nginaso ngaso sonkhe sikhatsi, kutsi Khristu entiwe abe mkhulu emphilweni yami, nome kwenteka ngemphilo yami nome kwenteka ngekufa kwami.

KubaseKholose 4:4

Ningincusele kuze ngiyibonakalise ngalokuphelele, njengobe ngifanele kukhuluma.

1 kubaseThesalonika 2:2

Kodvwa nome sase sihlushiwe satselwa ngelihlazo eFiliphi, njengobe nani nati, saba nesibindzi kuNkulunkulu wetfu kutsi sishumayele kini liVangeli laNkulunkulu sibhekene nebulukhuni lobukhulu.

1 kuThimothi 3:13

Ngobe labo labake bawenta kahle lomsebenti webudikhoni batizuzela ludvumo loluhle nesibindzi lesikhulu ekukholweni kuKhristu Jesu.

kuFilemoni 1:8

Ngako-ke bengingaba nesibindzi ngaKhristu kutsi ngikutfume wente lokufanele kwentiwe,