2 kubaseKorinthe 12:18 - Siswati 1996 Bible

¹⁸ Ngakhutsata Thithusi kutsi ahambe, ngatfuma umzalwane kutsi ahambe naye. Ngobe loThithusi wanihlakaniphela yini? Sasingatenti ngamoya munye yini tintfo? Asititsatsanga yini tinyatselo letifanako?

2 kubaseKorinthe 12:18 Referencias Cruzadas

Nehemiya 5:14

Ngalesikhatsi seminyaka leli-12 ngingumbusi eveni lakaJuda, kusukela emnyakeni wema-20 wekubusa kwa-Athazeksesi kuye emnyakeni wema-32 wekubusa kwakhe, mine netihlobo tami asizange sikudle lokusabelo sami njengembusi.

Numeri 16:15

Mosi watfukutsela wabila, watsi kuSimakadze: “Ungawemukeli umnikelo wabo. Angizange ngitsatse ngisho imbongolo kubo, futsi angikoni ngisho nome munye wabo.”

KubaseRoma 4:12

Uphindze abe nguyise walabo labasokile, hayi ngobe basokile, kodvwa ngobe baphila imphilo yekukholwa lefanana nalena leyaphilwa ngubane wetfu Abrahama asengakasoki.

1 kubaseKorinthe 4:21

Manje-ke nifunani? Nifuna ngite kini nendvuku, nome ngite nelutsandvo nemoya lomuhle?

2 kubaseKorinthe 7:2

Semukeleni ngenhlitiyo lemhlophe. Kute lesamona, kute lesamphatsa kabi, kute nalesamphamba.

2 kubaseKorinthe 7:6

Kodvwa Nkulunkulu lodvudvuta labanetinhlitiyo letephukile, wasidvudvuta ngekufika kwaThithusi.

2 kubaseKorinthe 8:6

Ngiko nje sacela Thithusi kutsi acedzele lowo msebenti wemusa nakini, njengobe wawuvele usetandleni takhe kwasekucaleni.

1 yaPhetro 2:21

Ngobe vele, nabitelwa kona loko; ngobe Khristu naye wanihluphekela, wanishiyela sibonelo sekutsi nimlandzele etinyatselweni takhe.