2 kubaseKorinthe 12:14 - Siswati 1996 Bible

¹⁴ Sekwesitsatfu ngilungela kuta lapho kini. Ngingeke ngibe ngumtfwalo kini, ngobe angifuni kona lokukwenu, kodvwa ngifuna nine. Phela bantfwana akusibo labafanele kukhatsalela batali babo, kodvwa batali labafanele bakhatsalele bantfwababo.

2 kubaseKorinthe 12:14 Referencias Cruzadas

Taga 11:30

Sitselo salolungile sisihlahla sekuphila; kodvwa lohlakaniphile uzuza imiphefumulo.

Taga 13:22

Lifa lemuntfu lolungile lidliwa titukulwane takhe; kodvwa ingcebo lempongiswa soni igcina ilifa lalabalungile.

Taga 19:14

Indlu nemcebo lifa lelitfolakala kubatali, kodvwa umfati lohlakaniphile utfolakala kuSimakadze.

Hezekeli 34:2

“Ndvodzana yemuntfu, phrofetha umelane nebelusi baka-Israyeli; phrofetha ukhulume kubo, utsi: ‘Naku lokushiwo yiNkhosi Simakadze, itsi: Nako kubelusi baka-Israyeli labatinakekela bona kuphela! Belusi akukafaneli yini kutsi banakekele umhlambi?

Imisebenti yebaPhostoli 20:33

“Angizange ngifise isiliva negolide nome imphahla yemuntfu.

1 kubaseKorinthe 10:24

Akubete lotifunela kwakhe, akube ngulowo nalowo afunele lomunye.

1 kubaseKorinthe 10:33

njengobe nami ngijabulisa bonkhe bantfu ngako konkhe, ngingafuni kutisita mine, kodvwa ngifuna kusita labanyenti, kuze kutsi basindziswe.

1 kubaseKorinthe 11:34

Nakukhona lolambile, abodla ekhaya, khona ningetiwubutsanela kulahlwa. Lokunye lokusalako sengiyawukusho, nangifika lapho.

1 kubaseKorinthe 16:5

Ngitawufika lapho kini sengendlule eMasedoniya, ngobe ngifuna kwendlula khona kucala.

1 kubaseKorinthe 4:19

Kodvwa ngitawufika lapho kini masinyane, iNkhosi nayivuma, ngitetibonela, hhayi emavi alabo labatikhukhumetako, kodvwa emandla abo.

1 kubaseKorinthe 9:12

Nangabe labanye banalo lilungelo kini, pho, tsine asinalo kakhulu yini? Noko asilisebentisanga lelo lungelo, kepha sibeketelela nome yini, kuze singalivimbeli liVangeli laKhristu.

1 kubaseKorinthe 9:18

Pho, uyini umvuzo wami? Ungunaku: kutsi nangishumayela liVangeli ngingaholi lutfo, futsi ngingasebentisi lilungelo lami lenginalo eVangelini.

1 kubaseKorinthe 9:19

Ngobe nome ngikhululeke kubo bonkhe, noko ngatenta sigcili kubo bonkhe, ngidzimate ngizuzele labanyenti kuKhristu.

2 kubaseKorinthe 1:15

Kucala ngangifisa kuta kini, kuze nitewutfola umusa ngalokuphindziwe.

2 kubaseKorinthe 11:9

Ngisenani, angizange ngibe ngumtfwalo kunome ngubani, nangeswele. Tonkhe tidzingo tami tacedvwa bazalwane labebaphuma eMasedoniya. Ngako-ke angizange ngibe ngumtfwalo, futsi sonkhe sikhatsi ngiyawuchubeka ngingesiwo.

2 kubaseKorinthe 12:13

Empeleni nine nentiwa yini kutsi nibe nenhlanhla lembi kunalamanye emabandla ngaphandle kwekutsi nine angizange nginetfwese umtfwalo? Ngitsetseleleni kulesiphosiso!

KubaseGalathiya 4:19

Bantfwabami, nginemhelo ngani, kuyawudzimate kwakheke Khristu kini.

KubaseFiliphi 4:1

Ngako-ke, bazalwane bami labatsandzekako, nalengibalangatelelako, kujabula nemchele wami, manini nisime eNkhosini.

KubaseFiliphi 4:17

Akusho kutsi ngifuna sipho, kodvwa ngifuna sitselo saso lesingusona sitakwandzisa inzuzo kini.

1 kubaseThesalonika 2:11

Niyati nekutsi saniphatsa njani; saniphatsa njengendvodza iphetse bantfwabayo,

1 kubaseThesalonika 2:8

Ngenca yelutsandvo lwetfu kini satimisela kutsi sihlephunelane nani, hhayi liVangeli kuphela kodvwa nemphilo yetfu lucobo, ngobe natsandzeka kakhulu kitsi.