2 kubaseKorinthe 12:1 - Siswati 1996 Bible

¹ Kufanele ngitigabatise, nome kungasiti lutfo nje. Sengitanitjela ngemibono netembulo teNkhosi.

2 kubaseKorinthe 12:1 Referencias Cruzadas

Hezekeli 11:24

Moya wangiphakamisa wangimikisa kulabo labebatfunjelwe eBhabhulona ngisembonweni lengangiwunikwe nguMoya waNkulunkulu. Lombono lengangiwubonile wenyuka wesuka kimi,

Numeri 12:6

Simakadze watsi kubo: “Lalelani la kimi: Nakunemphrofethi lapha emkhatsini wenu, ngimi Simakadze lengitibonakalisa ngemibono kuye ngikhulume naye ngemaphupho.

Johane 16:7

Kodvwa noko nginitjela liciniso: Kuncono kini kutsi ngihambe, ngobe nangingahambi, angeke ete kini uMeluleki. Kodvwa nangihamba, ngitamtfumela kini.

Johane 18:14

Bekunguye, yena loKhayafase, lowayala emaJuda kutsi bekufanele kufe umuntfu munye, afele bonkhe bantfu.

Imisebenti yebaPhostoli 18:9

Kepha kwatsi ngalelinye lilanga ebusuku Pawula wabona umbono, iNkhosi yatsi kuye: “Ungesabi, chubeka ukhulume ungabindzi,

Imisebenti yebaPhostoli 23:11

Ngebusuku lobulandzelako iNkhosi yema eceleni kwaPawula yatsi: “Mani sibindzi, njengobe ungifakazele nje la eJerusalema, kufanele wente njalo futsi naseRoma.”

1 kubaseKorinthe 10:23

Nitsi: “Kuvumelekile konkhe,” kodvwa akusiti konkhe. “Kuvumelekile konkhe,” kodvwa akwakhi konkhe.

1 kubaseKorinthe 14:6

Manje-ke, bazalwane, nangita kini ngikhuluma ngetilimi, nginganisita ngani, nangingakhulumi kini ngekwembulelwa lokutsite, nome ngelwati, nome ngekuphrofetha, nome ngekufundzisa?

1 kubaseKorinthe 6:12

Kutsiwa: “Konkhe kuvumelekile kimi,” kodvwa akusiko konkhe lokulusito. Yebo, “konkhe kuvumelekile kimi,” kodvwa kute nakunye lokunekungigcilata.

2 kubaseKorinthe 12:11

Ngibe silima! Ngiphocelelwe ngini kulobulima, ngobe bekufanele nginconywe ngini. Empeleni angikedzeleleki kunabo bonkhe labaphostoli labagcamile, nome ngingasibani nje.

2 kubaseKorinthe 12:5

Ngingamgabatisa-ke umuntfu lonjalo, kodvwa mine ngingeke ngitigabatise ngalutfo, ngaphandle kwebutsakatsaka bami.

2 kubaseKorinthe 12:7

Bengingahle ngikhukhunyetwe kakhulu ngenca yetembulo letinyenti, ngako-ke kwabekwa linyeva enyameni yami, ingilosi yaSathane yangihlaba, khona ngingetitikhukhumeta kakhulu.

2 kubaseKorinthe 12:9

Kodvwa iNkhosi yatsi kimi: “Umusa wami ukwanele wena, ngobe emandla ami abonakaliswa aphelele ebutsakatsakeni.” Ngako-ke ngitawutigabatisa kakhulu ngebutsakatsaka bami, kuze phela emandla aKhristu atewuhlala kimi.

2 kubaseKorinthe 8:10

Ngako ase nginivetele umcondvo wami ngalendzaba: Nine nakucala nyakenye kufaka sandla ekusiteni ngesihle. Nyalo-ke ngitsi kungaba ncono kutsi

KubaseGalathiya 1:12

Ngobe angilinikwanga ngumuntfu, kantsi futsi angilifundziswanga ngumuntfu, kodvwa ngalembulelwa nguJesu Khristu.

KubaseGalathiya 2:2

Ngenyukela kubo njengobe Nkulunkulu abengembulele kutsi ngiye khona, ngafike ngabalandzisa liVangeli lengilishumayela kubetive, labo labatiwa ngekutsi babaholi ngabalandzisa emasitseleni, funa mhlawumbe kwenteke kutsi ngigijimele lite, nome ngagijimela lite.

Kubase-Efesu 3:3

Nkulunkulu wangatisa imfihlakalo ngekungembulela, njengobe sengike ngatsintsa nje ekubhaleni kwami.

1 kubaseThesalonika 4:15

Ngaloko-ke sinitjela ngelivi leNkhosi kutsi tsine lesiyawube sisaphila ngelilanga lekubuya kweNkhosi singeke sibendvulele labo lesebafile.

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.