2 kubaseKorinthe 11:23 - Siswati 1996 Bible

²³ Batisebenti taKhristu yini? Mine ngingulesincono. Loku sengikukhuluma njengeluhlanya. Ngasebenta kakhulu kunabo, ngidvonsa matima, ngaboshwa kanyenti, ngashaywa kanyenti, ngabasengotini yekufa.

2 kubaseKorinthe 11:23 Referencias Cruzadas

Jeremiya 36:5

Jeremiya wase utjela Bharuki watsi: “Ngivalelwe; angikwati kuyawungena ethempelini laSimakadze.

Imisebenti yebaPhostoli 14:19

Lamanye emaJuda efika aphuma e-Antiyokhi yasePhisidiya nase-Ikhoniyumi; asasivumisile sicuku, agcoba Pawula ngematje, amhudvulela ngephandle kwelidolobha acabanga kutsi sewufile.

Imisebenti yebaPhostoli 20:23

Kepha-ke Moya Longcwele ungatisile kulelo nakulelo dolobha kutsi ngilindzelwe kuboshwa netinhlupheko.

Imisebenti yebaPhostoli 21:11

Wefika kitsi watsatsa libhande laPawula walibopha etinyaweni nasetandleni takhe watsi: “Naku lokushiwo nguMoya Longcwele: ‘Umnikati walelibhande utawuboshwa ngemaJuda kanje eJerusalema amnikele etandleni tebetive.’ ”

Imisebenti yebaPhostoli 25:14

Kulawo malanga basahleti lapho, Festusi wase utekela inkhosi ngalendzaba yaPawula utsi: “Kukhona indvodza lesiboshwa lesashiywa nguFeliksi;

Imisebenti yebaPhostoli 27:1

Kwatsi sekuncunyiwe kutsi sewelele eTaliyane, base baniketela Pawula naletinye tiboshwa kuJuliyusi, indvuna yembutfo lebekutsiwa ngeweMbusi, Agustusi.

Imisebenti yebaPhostoli 28:16

Satsi nasifika eRoma, Pawula wavunyelwa kutsi ahlale yedvwa, wabekwa nelisotja lekumgadza.

Imisebenti yebaPhostoli 28:30

Wacedza iminyaka lemibili Pawula ahleti lapho, ahlala endlini labeyicashile. Abemukela ngetandla totibili bonkhe labebeta batemvakashela.

Imisebenti yebaPhostoli 9:16

Mine ngekwami ngitamkhombisa konkhe lafanele ahlupheke ngako ngelibito lami.”

KubaseRoma 8:36

Kubhaliwe kutsi: “Ngenca yakho sibasengotini yekufa lonkhe lilanga; sitsatfwa njengetimvu tekuhlatjwa.”

1 kubaseKorinthe 15:10

Kepha ngemusa waNkulunkulu nginguloku lengingiko, nemusa wakhe kimi awuzange ube lite, kodvwa ngasebenta kakhulu kunabo bonkhe, noko kungesimi, kodvwa kungumusa waNkulunkulu lonami.

1 kubaseKorinthe 3:5

Pho, uyini Apolosi? Uyini Pawula? Batisebenti nje taNkulunkulu lenakholwa ngato, letisebenta njengekwaba kweNkhosi kuleso nakuleso sato.

1 kubaseKorinthe 4:1

Kufanele satiwe kutsi sitikhonti taKhristu nebaphatsi betimfihlakalo taNkulunkulu.

1 kubaseKorinthe 4:11

Kudzimate kube ngulesikhatsi siyalamba, some, sidzikite, simuklutwe, sibe ngimihambima lete emakhaya.

1 kubaseKorinthe 4:9

Ngiyabona kutsi Nkulunkulu usimisile tsine baphostoli kutsi sibe bekugcina, sifanane nalabagwetjwe intsambo. Ngobe sentiwe saba ngumbukiso kuyo yonkhe indalo, etingilosini, nakubantfu.

2 kubaseKorinthe 10:7

Tsatsani lamaciniso njengobe anjalo. Kukhona yini lokholwa kutsi yena waKhristu? Kuhle loko, kodvwa akase acabange naku: Natsi futsi sibaKhristu njengaye.

2 kubaseKorinthe 11:5

Ngitsi angisiye lodzelelekile kunalabaphostoli lababonakala bagcame kakhulu.

2 kubaseKorinthe 3:6

lowasenta safaneleka kuba baphatsi besivumelwane lesisha, lesingesiso semtsetfo lobhaliwe, kodvwa saMoya; umtsetfo lobhaliwe uyabulala, kodvwa Moya uyaphilisa.

2 kubaseKorinthe 4:11

Ngobe tsine, nome sisaphila, sinikelwa mihla le ekufeni, ngenca yaJesu, kuze kutsi nekuphila kwakhe kubonakaliswe emitimbeni yetfu lefako.

2 kubaseKorinthe 6:9

Asinakwa, kodvwa satiwa kakhulu. Shangatsi siyafa, kodvwa siyaphila. Siyajeziswa, kodvwa asigwetjwa intsambo.

KubaseGalathiya 6:17

Sale kubate longihluphako, ngobe emtimbeni wami nginetimphawu taJesu.

Kubase-Efesu 3:1

Ngalesizatfu ngiyanithandazela mine, Pawula, lengisiboshwa saKhristu Jesu ngenca yenu, nine betive.

Kubase-Efesu 4:1

Ngako-ke mine siboshwa eNkhosini, ngiyanincenga kutsi nihambe ngalokufanele kubitwa lenabitwa ngako.

Kubase-Efesu 6:20

Ngikhulekeleni-ke, kutsi mine lengilincusa lelisetinketaneni ngenca yeliVangeli, ngilikhulume ngesibindzi njengobe kungifanele.

KubaseFiliphi 1:13

Kubonakele kubalindzi bami, nakubo bonkhe labanye kutsi kuboshwa kwami kungenca yaKhristu.

KubaseFiliphi 2:17

Kukholwa kwenu kungumhlatjelo wenu lonikelwa kuNkulunkulu. Nome ingati yami beyingengetwa kuwo lomhlatjelo, mine bengingajabula, sijabule kanye nani nonkhe.

KubaseKholose 1:24

Namanje ngijabulela kuhlushwa kwami ngenca yenu, emtimbeni wami ngiphelelisela loko lokwasilela elusizini lwaJesu Khristu, ngenca yemtimba wakhe lolibandla.

KubaseKholose 1:29

Ngisebentela loko ngishikashikeka ngekusebenta kwakhe, lokusebenta ngemandla kimi.

1 kubaseThesalonika 3:2

sase sinitfumelela Thimothi, umzalwane wetfu, lesibambisene naye emsebentini waNkulunkulu wekushumayela liVangeli laKhristu. Samtfumela kutsi atenicinisa anikhutsate ekukholweni kwenu,

1 kuThimothi 4:6

Utawuba sisebenti saKhristu lesincomekako nawungayendlulisela kubazalwane lemiyalo. Nawe utakondleka emoyeni ngemavi ekukholwa nangemfundziso yeliciniso, lobambelele kuyo.

2 kuThimothi 1:16

Shangatsi iNkhosi ingaba nebubele kubaka-Onesiforusi, labevame kungihlumelelisa njalo, ngobe abengenamahloni ngekuboshwa kwami.

2 kuThimothi 1:8

Ngako-ke ungabi nemahloni ngekufakaza ngeNkhosi yetfu. Ubete emahloni nangami, siboshwa sayo, kodvwa hlanganyela nami ekuhluphekeleni liVangeli ngemandla aNkulunkulu.

2 kuThimothi 2:9

Ngilo leliVangeli lengilihluphekelako, ngidzimate ngaboshwa nangetinketane, kwaba shangatsi ngisigebengu. Kepha noko livi laNkulunkulu alikaboshwa.

2 kuThimothi 3:11

nasekutingelweni, nasekuhluphekeni lokwangehlela e-Antiyokhi, nase-Ikhoniyumi, naseListra; ngacinisela kuko konkhe lokutingelwa, futsi iNkhosi yangikhulula kuko konkhe.

kuFilemoni 1:9

kodvwa ngenca yelutsandvo ngiyakuncenga. Mine Pawula, njengemuntfu losamdzala nyalo, nalosasiboshwa ngenca yaKhristu Jesu,

KumaHebheru 10:34

Naba nesihawu kulabo bebaboshiwe, nacinisela ngekujabula nanemukwa timphahla tenu, ngobe nanati kutsi nine ninalokuncono lokukhonsako.