2 kubaseKorinthe 11:15 - Siswati 1996 Bible

¹⁵ Ngako-ke akumangalisi nangabe tisebenti takhe titigucula tibe tisebenti tekulunga. Siphetfo sato siyawuya ngemisebenti yato.

2 kubaseKorinthe 11:15 Referencias Cruzadas

2 Emakhosi 5:13

Tinceku taNamani taya kuye, tafike tatsi: “Babe, kube lomphrofethi abetsite yenta intfo lelukhuni, bewungeke uyente yini leyontfo? Kakhulu kanganani-ke njengobe akutjele watsi: ‘Geza utewuhlambuluka.’ ”

Jeremiya 29:32

naku lokushiwo nguSimakadze utsi: Ngempela, ngitamjezisa Shemaya waseNehelamu kanye nesitukulwane sakhe. Kute namunye loyawusala kulabantfu laba, futsi akayiwubona nakunye kwetintfo letinhle lengiyawutentela bantfu bami, ngobe yena ushumayele kuhlubuka mine, kusho Simakadze.’ ”

Jeremiya 5:31

Baphrofethi baphrofetha emanga, baphristi baphetse ngeligunya labo, nebantfu bami bakutsandza ngaleyo ndlela. Kodvwa nitakwenta njani ekupheleni?”

Hezekeli 13:22

Njengobe nibajabhisile labalungile ngalamanga enu, ngibe mine ngingakabadzabukisi, nangenca yekutsi nikhutsate lababi kutsi bangaphendvuki etindleleni tabo letimbi kuze basindzise timphilo tabo,

Imisebenti yebaPhostoli 13:10

Watsi: “Wena ndvodzana yaSathane! Usitsa sako konkhe lokuhle; ugcwele onkhe emachinga ebubi, uyawuyekela nini kuvimbela liciniso leNkhosi ngemanga?

KubaseRoma 2:6

Phela Nkulunkulu uyawuvuza wonkhe umuntfu njengekwemisebenti yakhe.

KubaseRoma 3:8

Pho, akushiwo ngani-ke kutsi: “Asente lokubi, khona kutawuvama lokuhle”? Labanye bantfu, badzimate bangetfuka ngekungibeka licala ngekutsi ngikhuluma kanjalo! Bayawulahlwa njengobe kufanele.

1 kubaseKorinthe 9:11

Nangabe tsine sihlanyele kini kwaMoya, kuyintfo lenkhulu yini kini nasivuna kwenu kwemhlaba?

2 kubaseKorinthe 11:13

Ngobe labantfu babaphostolimbumbulu, tisebenti temanga; batenta shangatsi baphostoli baKhristu.

2 kubaseKorinthe 11:23

Batisebenti taKhristu yini? Mine ngingulesincono. Loku sengikukhuluma njengeluhlanya. Ngasebenta kakhulu kunabo, ngidvonsa matima, ngaboshwa kanyenti, ngashaywa kanyenti, ngabasengotini yekufa.

2 kubaseKorinthe 3:9

Nangabe inkonzo yemtsetfo leletsa kulahlwa yefika nenkhatimulo lengaka, iyawuba yinkhulu kangakanani-ke inkhatimulo yalenkonzo lesenta silungelane naNkulunkulu?

Kubase-Efesu 6:12

Ngobe asilwi nebantfu, kodvwa silwa netikhulu temimoya, nemandla, nebabusi bendalo yalobumnyama, nemabutfo abomoya lababi labasemkhatsini.

KubaseFiliphi 3:19

Kuphela kwabo kubhujiswa, nkulunkulu wabo sisu, ludvumo lwabo lusehlazweni labo, bangulabanaka tintfo temhlaba.

2 yaPhetro 2:3

Ngenca yebudli babo bayawutsengiselana ngani ngemavi ebucili. Kusukela emandvulweni kulahlwa kwabo akulibali, nekubhujiswa kwabo akweteli.

YaJuda 1:4

Ngobe kukhona labangene ngekunyelela ebandleni. ImiBhalo kadze yasho ngalabo bantfu kutsi bamiselwe kubhujiswa kwaphakadze. Abamesabi Nkulunkulu; sebaguculele umusa wakhe bawenta siyalu sebugwadla nebuphingi, baphika Jesu Khristu, iNkhosi yetfu, lekunguye yedvwa uMbusi.

Sembulo 13:14

Silo sesibili savunyelwa kutsi sikhohlise bonkhe bantfu labahlala emhlabeni ngaletibonakaliso lesasitenta ngeligunya lesilo sekucala. Lesilo sesibili sabatjela kutsi bakhe umfanekiso, bakhele lesilo sekucala lesasinelinceba lenkemba lelelashwa laphiliswa.

Sembulo 13:2

Lesilo sasifanana nengwe, tinyawo taso tatifanana netelibhele, umlomo waso wawufanana newelibhubesi. Nyokangwenya wasinika emandla akhe, nesihlalo sakhe sebukhosi, nemagunya akhe lamakhulu.

Sembulo 9:11

Inkhosi yaso lesibusako bekuyingilosi yemgodzi longenamkhawulo. Libito layo ngesiHebheru ngu-Abadoni, ngesiGriki ngu-Apoliyoni.