2 kubaseKorinthe 10:18 - Siswati 1996 Bible

¹⁸ Ngobe lowemukelela eNkhosini, akusiye lotincomako, kodvwa ngulowo lonconywa yiNkhosi.

2 kubaseKorinthe 10:18 Referencias Cruzadas

Taga 12:8

Umuntfu udvunyiswa ngekunakekela kwakhe; kodvwa lonenhlitiyo lembi ubukeleka phansi.

Taga 21:2

Yonkhe indlela yemuntfu ibonakala iyinhle emehlweni akhe; kodvwa Simakadze wehlulela inhlitiyo.

Taga 27:2

Ungatidvumisi wena, kodvwa dvunyiswa ngulabanye; dvunyiswa ngulabanye bantfu, hhayi wena.

Lukha 16:15

Kodvwa Jesu watsi kubo: “Nitenta labalungile emehlweni ebantfu, kodvwa Nkulunkulu uyatati tinhlitiyo. Loko bantfu labacabanga kutsi kuyintfo lenkhulu lebalulekile, kusinengiso ebusweni baNkulunkulu.

Johane 12:43

Babetsandza kakhulu kudvunyiswa bantfu kunekudvunyiswa nguNkulunkulu.

Imisebenti yebaPhostoli 2:22

“Madvodza aka-Israyeli, vanini lamavi! Jesu waseNazaretha abeyindvodza leyafakazelwa nguNkulunkulu embikwenu, ngemisebenti lemikhulu yemandla, nangetimangaliso kanye nangetibonakaliso letentiwa nguNkulunkulu ngaye; nani matfupha niyakwati loku, ngobe kwenteka emehlweni enu.

KubaseRoma 14:18

Lowo lokhonta Khristu ngalendlela, uyemukeleka kuNkulunkulu, futsi wetsembekile nakubantfu.

KubaseRoma 16:10

Hambisani Apelesi lotsembekile kuKhristu. Nihambise nalabo lababendlu ya-Aristobulusi.

KubaseRoma 2:29

Kodvwa umJuda weliciniso ngumuntfu longumJuda ngekhatsi, lokusho kutsi, usoke enhlitiyweni ngaMoya, hhayi ngalokubhaliwe. Umuntfu lonjalo-ke ubongeka kuNkulunkulu, hhayi kubantfu.

1 kubaseKorinthe 11:19

Ngobe vele kubhekekile kutsi kube khona kwehlukana emkhatsini wenu, kuze kutsi labetsembekile babonakale.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

2 kubaseKorinthe 10:12

Asisho kutsi ngaloko sicondze kutilinganisa nalabo labatincomako, singeke sikwente loko. Kodvwa nabaticatsanisa bona bodvwa, batilinganise bona bodvwa, batilima.

2 kubaseKorinthe 13:7

Kodvwa sithandaza kuNkulunkulu kutsi ningoni, hhayi kutsi sibonakale singulabancono, kodvwa kuze nente loko lokufanele, nome kungabonakala shangatsi sehlulekile.

2 kubaseKorinthe 3:1

Sesiphindze siyatincoma yini? Siyatidzinga yini tsine tincwadzi tekusincoma letiya kini nome letiphuma kini, njengobe labanye batidzinga? Cha!

2 kubaseKorinthe 5:12

Ngaloko-ke asetami kubuye sitincome kini. Sininika litfuba lekutsi nitigabatise ngatsi, kuze kutsi nitekwati kubaphendvula labo labatigabatisa ngalokubonakala emehlweni, esikhundleni sekutigabatisa ngalokusenhlitiyweni.

2 kubaseKorinthe 6:4

Esikhundleni saloko konkhe lesikwentako sikwenta sikhombisa kutsi sitisebenti taNkulunkulu ngekutsi konkhe sikumele: ngekucinisela lokukhulu ekuhlushweni, nasebulukhunini, nasekugongonyekeni,

2 kuThimothi 2:15

Khutsalela kutiveta wemukelekile kuNkulunkulu, ube sisebenti lesetsembekile kuye lesite emahloni nalesiliphakela kahle livi leliciniso.

1 yaPhetro 1:7

Injongo yaletilingo kutsi kukholwa kwenu kuvivinywe, kuze kubonakale bungiko bako. Ngisho negolide lebhubhako ihlolisiswa ngemlilo bungiyo bayo, kanjalo-ke nekukholwa kwenu lokuligugu kunegolide kufanele kutsi kuvivinywe bungiko bako. Khona-ke niyawutfola kubongwa, nebukhosi, neludvumo ekwembulweni kwaJesu Khristu.