2 kubaseKorinthe 10:13 - Siswati 1996 Bible

¹³ Kodvwa singeke sitigabatise kwendlula, noko sitawugcina emaphetselweni lesinikwe wona nguNkulunkulu cobo lwakhe. Lawo maphetselo anifaka ngekhatsi nine baseKhorinte.

2 kubaseKorinthe 10:13 Referencias Cruzadas

Tihlabelelo 19:4

Noko-ke liphimbo lako liphumele emhlabeni wonkhe, nemavi ako aphumele emhlabeni wonkhe. Lilanga ulakhele umpheme ngaphansi kwesibhakabhaka.

Taga 25:14

Njengemoya nemafu late imvula, unjalo umuntfu lotigabatisa ngetipho langatenti.

Isaya 28:17

Ngitakwenta kwehlulela ngekwemtsetfocotfo kube ngumugca wekulinganisa, nekulunga kube ngumugca wekucondzisa, sangcotfo siyawuhlwitsa lesiphephelo senu lesingemanga, nesikhukhula semanti siyakwemukisa lendzawo yenu yekubhaca.

Matewu 25:15

Lesinye yasinika emathalenta lasihlanu, lesinye yasinika aba mabili, lesinye laba linye: nguleso njengemandla aso; yesuka ekhaya yahamba.

KubaseRoma 10:18

Kodvwa ngiyabuta ngitsi: “Abakeva yini?” Empeleni bevile, “ngobe inkhulumo yabo iphumele emhlabeni wonkhe, nemavi abo asafike emikhawulweni yonkhe yemhlaba.”

KubaseRoma 12:3

Ngenca yesipho semusa saNkulunkulu kimi, ngitsi kini nonkhe: Ningacabangi kutsi nibakhulu kunaloku leningiko. Esikhundleni saloko zitsani ekucabangeni kwenu, ngulowo nalowo atehlulele ngebungako bekukholwa kwakhe lakunikwe nguNkulunkulu.

KubaseRoma 12:6

Ngako kufanele sisebentise tipho tetfu letehlukene ngekwemusa lesinikwe wona: Nakusekuphrofetha, asisisebentise ngekwesilinganiso sekukholwa kwetfu;

KubaseRoma 15:20

Ngihlala nginenshisekelo lenkhulu yekushumayela liVangeli etindzaweni lapho Khristu angazange eviwe khona, khona ngingetukwakha esisekelweni lesibekwe ngulomunye umuntfu,

1 kubaseKorinthe 12:11

Konkhe loko kusetjentwa nguye lowo Moya munye, ababela ngulowo nalowo njengekutsandza kwakhe.

Kubase-Efesu 4:7

Kepha ngulowo nalowo emkhatsini wetfu uphiwe umusa ngekwesilinganiso sesipho saKhristu.

1 yaPhetro 4:10

Lowo nalowo lowemukele sipho semusa, akasisebentise ekukhonteni labanye njengenceku lenhle yemusa lomnyenti waNkulunkulu.