2 kubaseKorinthe 1:9 - Siswati 1996 Bible

⁹ Yebo, kona, tsine ngekwetfu besesibona kutsi litfunti lekufa selisengeme. Leyontfo yasifundzisa kutsi singatetsembi tsine, kodvwa setsembe Nkulunkulu; ngobe nguye yedvwa lovusa labafile.

2 kubaseKorinthe 1:9 Referencias Cruzadas

Jobe 40:14

Nami-ke ngitakuvumela kutsi sandla sakho sangesekudla singakusindzisa.

Tihlabelelo 22:29

Yebo, bonkhe labacebile emhlabeni, bayawudla bakhotsame embikwakhe; bonkhe labayakuya phansi elutfulini, bayawuguca embikwakhe bakhonte, yebo, nabo bonkhe labangeke batibambe kutsi bafe.

Taga 14:32

Umuntfu lomubi ucitfwa kutiphatsa kabi kwakhe; kodvwa lolungile uyasindza ngekuhlonipheka kwakhe.

Taga 28:26

Umuntfu lotetsemba yena usilima; kodvwa lohamba ngekuhlakanipha uyawuphepha.

Isaya 38:10

Ngatsi mine: “Kantsi kutawutsi nase ngikhulile nginemandla, ngiyakwendlula emasangweni ekufa, ngidlelelwe incenye yeminyaka lesasele yemphilo yami?”

Hezekeli 33:13

Nangabe ngitjela lolungile kutsi ngempela utawuphila, kodvwa yena bese wetsembela kuloko kulunga kwakhe, ente lokubi, kute nome sinye kuletento takhe letinhle latente kucala lesiyawukhunjulwa; uyakufa ngenca yaloko lokubi lakwentile.

Lukha 18:9

Jesu wabatjela futsi nankhu umfanekiso acondzise kubantfu labetsemba kulunga kwabo bese bababukela phansi labanye bantfu:

KubaseRoma 8:36

Kubhaliwe kutsi: “Ngenca yakho sibasengotini yekufa lonkhe lilanga; sitsatfwa njengetimvu tekuhlatjwa.”

2 kubaseKorinthe 1:10

Nkulunkulu wasikhulula kuleyo ngoti yekufa. Nanyalo usetawusikhulula futsi. Litsemba letfu silibeke kuye kwekutsi uyawusikhulula nangemuso,

2 kubaseKorinthe 1:8

Asitsandzi, bazalwane, kutsi ningete nati ngetinhlupheko tetfu letasehlela ngesikhatsi sisese-Asiya. Lapho satfolana nebulukhuni lobabungetulu kwemandla etfu kangangekutsi sacishe salahlekelwa nalitsemba lekuphila.

2 kubaseKorinthe 3:5

Akusho noko kwekutsi sinemandla ekwenta lutfo ngekwetfu; kute lokuphuma kitsi, kepha emandla etfu avela kuNkulunkulu,

2 kubaseKorinthe 4:7

Kepha lamagugu lesinawo siwaphetse ngetitja telibumba. Loko kubonakalisa kutsi lamandla lamakhulu kangaka akasiwo etfu kepha ngaNkulunkulu.

KumaHebheru 11:19

Abrahama wabona kutsi Nkulunkulu unemandla ekuvusa umuntfu ngisho kulabafile; ngiko nje, ngekufanekisa, Abrahama emukela Isaka asaphila.