2 kubaseKorinthe 1:8 - Siswati 1996 Bible

⁸ Asitsandzi, bazalwane, kutsi ningete nati ngetinhlupheko tetfu letasehlela ngesikhatsi sisese-Asiya. Lapho satfolana nebulukhuni lobabungetulu kwemandla etfu kangangekutsi sacishe salahlekelwa nalitsemba lekuphila.

2 kubaseKorinthe 1:8 Referencias Cruzadas

Imisebenti yebaPhostoli 16:6

Base badzabula live laseFrigiya nelaseGalathiya, ngobe Moya Longcwele wabalela kushumayela livi leNkhosi eveni lase-Asiya.

Imisebenti yebaPhostoli 19:41

Ngalamavi wawucitsa umhlangano.

Imisebenti yebaPhostoli 2:9

Siphuma ePhathiya, eMediya nase-Elamu, eMesophothamiya, eJudiya naseKhaphadosiya, ePhontusi nase-Asiya,

KubaseRoma 1:13

Kufanele nati, bazalwane bami, kutsi sengemahlandla lamanyenti kanganani ngetama kunivakashela, kodvwa bengisolomane ngivimbeleka, kwadzimate kwaba ngulamuhla. Kukhona lengifuna kubazuza baphendvuke emkhatsini wenu, njengobe ngentile nakulabanye betive,

1 kubaseKorinthe 15:32

Nangabe e-Efesu ngalwa nalokutsiwa tilwane, kungisita ngani loko? Nangabe labafile abavuswa: “Kuncono sidle sinatse, ngobe kusasa sitawufa.”

1 kubaseKorinthe 16:9

Ngobe litfuba lekusebenta lingivulekele, noko banyenti labemelene nami.

1 kubaseKorinthe 4:8

Senenele! Seninjingile! Senitente emakhosi ngaphandle kwetfu! Maye, ngifisa shangatsi ngabe ningemakhosi sibili, sitewuhlephunelana nani lokubusa!

2 kubaseKorinthe 1:9

Yebo, kona, tsine ngekwetfu besesibona kutsi litfunti lekufa selisengeme. Leyontfo yasifundzisa kutsi singatetsembi tsine, kodvwa setsembe Nkulunkulu; ngobe nguye yedvwa lovusa labafile.

2 kubaseKorinthe 6:9

Asinakwa, kodvwa satiwa kakhulu. Shangatsi siyafa, kodvwa siyaphila. Siyajeziswa, kodvwa asigwetjwa intsambo.

1 Samuweli 20:3

Kodvwa Davide wenta sifungo, watsi: “Uyihlo uyati kutsi wena ungitsandza kanganani, waze watsi: ‘Jonathani akufanele akwati loku, ngobe angaphatseka kabi.’ Noko ngifunga ngekuphila kwaSimakadze nangekwakho kutsi sinye sinyatselo kuphela lesisemkhatsini wami nekufa.”

1 Samuweli 27:1

Kodvwa Davide wacabanga watsi: “Kuwo lamalanga Sawula utangibulala. Lokuncono kakhulu kutsi vele ngibaleke ngiye eveni lemaFilisti. Sawula utawuvele adzinwe angabe asangifuna nome ngabe kukuphi kulelive laka-Israyeli, ngiyawube sengiphephile-ke esandleni sakhe.”