2 kubaseKorinthe 1:1 - Siswati 1996 Bible

¹ Lencwadzi iphuma kuPawula, umphostoli waKhristu Jesu ngekwentsandvo yaNkulunkulu, nakuThimothi, umzalwane. Iya ebandleni laNkulunkulu leliseKhorinte, nakubo bonkhe labangcwele labakulo lonkhe lase-Akhaya.

2 kubaseKorinthe 1:1 Referencias Cruzadas

Imisebenti yebaPhostoli 16:1

BoPawula bahamba behlela eDebe naseListra, lapho bekukhona likholwa lelitsite, libito lalo kunguThimothi, indvodzana yemfati labengumJuda lokholwako, kodvwa uyise abengumGriki.

KubaseRoma 15:26

Ngobe kwaba kuhle kubaseMasedoniya nebase-Akhaya kutsi banikelele labangcwele labamphofu baseJerusalema.

KubaseRoma 16:21

Thimothi, losebenta kanye nami, uyanihambisa, kanye naLukhiyosi, naJasoni, naSosipateri, tihlobo tami.

KubaseRoma 16:5

Hambisani nalelo bandla lelihlanganela endlini yabo. Hambisani Ephayinethosi wami lotsandzekako lowaba yindvodza yekucala leyakholwa kuKhristu eveni lase-Asiya.

1 kubaseKorinthe 10:32

Ningabi sikhubekiso kumaJuda nakumaGriki, nakulo libandla laNkulunkulu,

1 kubaseKorinthe 16:10

Nakufika Thimothi lapho kini, nibocaphelisisa kutsi nimemukele, ativele asekhaya, ngobe wenta msebenti munye nami, umsebenti weNkhosi.

1 kubaseKorinthe 16:15

Bazalwane, niyati kutsi bakaStefanasi baba bekucala kubase-Akhaya labaphendvuka nekutsi batimisela kukhonta labangcwele.

1 kubaseKorinthe 16:24

Lutsandvo lwami alube nani nonkhe kuKhristu Jesu.

1 kubaseKorinthe 6:11

Babenjalo labanye emkhatsini wenu. Kodvwa-ke nyalo senagezwa, nangcweliswa, nemukeleka kuNkulunkulu kutsi nilungile egameni leNkhosi Jesu Khristu nangaMoya waNkulunkulu wetfu.

2 kubaseKorinthe 1:19

INdvodzana yaNkulunkulu lenguKhristu Jesu leyashunyayelwa ngitsi kini, mine nginaboSilasi, naThimothi, beyingesiye “Yebo” na “Cha”; kepha yona ingu “Yebo”.

2 kubaseKorinthe 1:23

Ngibita Nkulunkulu kutsi abe ngufakazi wami wekutsi mine ngangisita nine ngekungaphindzi kwami ngite eKhorinte.

2 kubaseKorinthe 11:10

Njengobe liciniso laKhristu likimi, kute loyawungibindzisa kulokutigabatisa kwami etifundzeni tase-Akhaya.

2 kubaseKorinthe 9:2

Ngiyati kutsi nitimisele kangakanani kusita. Ngiko loko lengiyaye ngitigcabhe ngako kubaseMasedoniya, ngibatjela kutsi base-Akhaya bese bavele bakulungele kunikela khona nyakenye. Inshisekelo yenu ibavusele umdlandla labanyenti.

KubaseGalathiya 1:1

Lencwadzi iphuma kuPawula umphostoli, longatfunywanga bantfu nome ngemuntfu, kodvwa ngaJesu Khristu naNkulunkulu longuYise lowamvusa kulabafile.

KubaseGalathiya 3:26

Ngako-ke nonkhe ningemadvodzana aNkulunkulu ngekukholwa nguKhristu Jesu.

Kubase-Efesu 1:1

Lencwadzi iphuma kuPawula, longumphostoli waKhristu Jesu ngekwentsandvo yaNkulunkulu. Iya kulabangcwele labase-Efesu labakholwa nguKhristu Jesu ngekwetsembeka.

KubaseFiliphi 1:1

Lencwadzi iphuma kuboPawula naThimothi, tinceku taKhristu Jesu. Iya kubo bonkhe labangcwele baseFiliphi, labakuJesu Khristu, nakubabonisi nebadikhoni:

1 kubaseThesalonika 1:1

Lencwadzi iphuma kuboPawula, naSilasi, naThimothi; iya kubaseThesalonika labalibandla laNkulunkulu, longuBabe, neleNkhosi Jesu Khristu. Umusa nekuthula akube kini.

1 kubaseThesalonika 3:2

sase sinitfumelela Thimothi, umzalwane wetfu, lesibambisene naye emsebentini waNkulunkulu wekushumayela liVangeli laKhristu. Samtfumela kutsi atenicinisa anikhutsate ekukholweni kwenu,

2 kubaseThesalonika 1:1

Lencwadzi iphuma kuboPawula, naSilasi, naThimothi; iya kubaseThesalonika labalibandla laNkulunkulu, longuBabe wetfu, neleNkhosi Jesu Khristu.

1 kuThimothi 1:1

Lencwadzi iphuma kuPawula, umphostoli waKhristu Jesu ngekutfunywa nguNkulunkulu, uMsindzisi wetfu, naKhristu Jesu lolitsemba letfu.

2 kuThimothi 1:1

Lencwadzi iphuma kuPawula, umphostoli waKhristu Jesu ngekwentsandvo yaNkulunkulu lowetsembisa kuphila lokukuKhristu Jesu.

kuThithusi 1:1

Lencwadzi iphuma kuPawula, sisebenti saNkulunkulu, nemphostoli waJesu Khristu. Ngitfunyelwe kwakha kukholwa kwalabakhetsiwe baNkulunkulu ngibafundzise lwati lweliciniso ngekwesaba Nkulunkulu.

kuFilemoni 1:1

Lencwadzi iphuma kuPawula, siboshwa ngenca yaKhristu Jesu, nakuThimothi, umzalwane wakhe. Iya kuFilemoni lotsandzekako nalosisebenti kanye natsi,

KumaHebheru 13:23

Kufanele nati kutsi Thimothi, umzalwane, sewukhululiwe ejele. Nasheshe wefika, ngitawufika naye lapho kini.