2 Emakhosi 4:2 - Siswati 1996 Bible

² Elisha wambuta watsi: “Pho, ngingakusita ngani? Ngitjele kutsi unani endlini yakho?” Lomfelokati wamphendvula, watsi: “Incekukati yakho kute lenako ekhaya, ngaphandle kwemafushana nje lamancane.”

2 Emakhosi 4:2 Referencias Cruzadas

1 Emakhosi 17:12

Lomfelokati waphendvula watsi: “Ngifunga kuphila kwaSimakadze Nkulunkulu wakho, ngitsi: Ngite nasinye sinkhwa. Nginengcosana nje yafulaha esitjeni, nenseketse yemafutsa eludziweni. Bengisasabutela tinkhunyana nje lapha, kutsi ngiye ekhaya ngitiphekele mine kanye nendvodzana yami, kuze sidle, emvakwaloko bese siyafa.”

2 Emakhosi 2:9

Batsi kube bewele, Elija wakhuluma ku-Elisha, watsi: “Ase ungitjele, ufuna ngikwenteleni ngisengakasuswa kuwe?” Elisha waphendvula, watsi: “Ngicela kutsi ungiphe sabelo sebundlalifa semoya wakho sesiphindvwe kabili.”

2 Emakhosi 4:3

Elisha watsi: “Hamba ucele bonkhe bomakhelwane bakho bakunike tindziwo letingenalutfo. Ungaticeli tibe mbalwa.

Eksodusi 4:2

Simakadze wambuta watsi: “Yini lena lesesandleni sakho?” Waphendvula watsi: “Yindvuku.”

Matewu 15:34

Jesu wababuta watsi: “Ninetinkhwa letingakhi?” Baphendvula batsi: “Sinetinkhwa letisikhombisa netinhlanti letimbalwa.”

Imisebenti yebaPhostoli 3:6

Phetro watsi kuyo: “Anginamali, kodvwa ngitakunika loko lenginako: Ngelibito laJesu Khristu waseNazaretha ngitsi kuwe: Sukuma uhambe!”

2 kubaseKorinthe 6:10

Siviswa buhlungu, kodvwa sitfokota njalonjalo. Siphuyile, kodvwa banyenti lesibanjingisako. Asinalutfo, kodvwa sinako konkhe.

YaJakobe 2:5

Ase nilalele, bazalwane bami labatsandzekako! Nkulunkulu akabakhetsanga yini labaphuyile lapha emhlabeni kutsi babe ngulabacebile ekukholweni, netindlalifa embusweni lawetsembisa labo labamtsandzako?