2 Emakhosi 4:1 - Siswati 1996 Bible

¹ Umfati walomunye webaphrofethi wakhala ku-Elisha, watsi: “Inceku yakho, lebekuyindvodza yami, seyifile; nawe uyati kutsi beyesaba Simakadze. Manje lomuntfu lebeyimkweleda uyeta utawutsatsa lamadvodzana ami lamabili, kutsi ayekuba tigcili takhe.”

2 Emakhosi 4:1 Referencias Cruzadas

Genesisi 22:12

Yatsi: “Ungacali ubeke sandla kulomfana, futsi ungenti lutfo kuye; ngobe manje sengiyati kutsi uyamesaba Nkulunkulu, ngekutsi awukangigodleli indvodzana yakho lekukuphela kwayo.”

1 Emakhosi 18:3

na-Ahabi abesabite Obadiya, labephetse sigodlo sakhe. Obadiya abelikholwa lelalesaba Simakadze kakhulu.

1 Emakhosi 20:35

Ngelivi laSimakadze lomunye wemadvodzana ebaphrofethi wakhuluma kulomunye umnganakhe, watsi: “Ngishaye ngalesikhali sakho,” kodvwa lomnganakhe wala.

2 Emakhosi 2:15

Lesicumbi sebaphrofethi lesasiphuma eJerikho, sibukela, satsi: “Lomoya wa-Elija sewusetikwa-Elisha.” Bahamba bayakumhlangabeta, bafike bawa phansi embikwakhe bamkhotsamela,

2 Emakhosi 2:3

Sicumbi sebaphrofethi lesasihlala eBetheli seta ku-Elisha, safike sambuta satsi: “Uyati yini kutsi Simakadze utayitsatsa lenkhosi yakho lamuhla?” Elisha wabaphendvula, watsi: “Yebo, ngiyati; kodvwa yekelani kukhuluma ngalendzaba.”

2 Emakhosi 2:5

Emadvodza labaphrofethi baseJerikho enyuka aya ku-Elisha, afike ambuta atsi: “Uyati yini kutsi Simakadze utayitsatsa lenkhosi yakho lamuhla?” Elisha wabaphendvula, watsi: “Yebo, ngiyati; kodvwa yekelani kukhuluma ngalendzaba.”

2 Emakhosi 2:7

Labanye baphrofethi lababengema-50 nabo bahamba bafike bemela bucamama, kubhekana nalendzawo lapho bekume khona bo-Elija na-Elisha ngaseJordane.

2 Emakhosi 4:38

Elisha wancandzeka wabuyela eGilgali; bekunendlala kuleso sifundza. Satsi lesicumbi sebaphrofethi sisahlangene naye, wakhuluma kulenceku yakhe, watsi: “Ase ubeke libhodo lelikhulu etiko, uphekele nankha emadvodza sitjulo.”

2 Emakhosi 6:9

Elisha wase utfumela livi enkhosini yema-Israyeli, watsi: “Caphela ungendluli ngakuleyo ndzawo, ngobe emaSiriya asehlela khona.”

Nehemiya 10:31

“Ngesikhatsi labantfu lesakhelene nabo nabeta netintfo tabo tekutsengiswa nome emabele nemimbila yabo ngemaSabatha batsi batesitsengisela, ngeke sitsenge lutfo lwabo ngeliSabatha, ngisho nangalelinye nje lilanga lelingcwele. “Njalo nje ngemnyaka wesikhombisa singeke siwulime umhlaba, futsi siyawucisha tonkhe tikwelede.

Nehemiya 7:2

Ngabeka umnaketfu Hanani kutsi engamele iJerusalema abambisane naHananiya, indvuna yenqaba, ngobe Hananiya abeyindvodza leyayetsembekile yesaba Nkulunkulu kwendlula emadvodza lamanyenti.

Tihlabelelo 103:11

Njengobe emazulu aphakeme ngetulu kwemhlaba, unjalo-ke nemusa wakhe kulabamesabako.

Tihlabelelo 103:17

Kodvwa umusa waSimakadze ukubo bonkhe labamesabako, futsi uyawuhlala ukubo phakadze naphakadze, nekulunga kwakhe etikwebantfwana bebantfwana,

Tihlabelelo 115:13

Utababusisa bonkhe labamesabako Simakadze, labancane nalabakhulu.

Tihlabelelo 147:11

Simakadze ujatjuliswa ngulabamesabako nalabetsemba umusa wakhe.

Taga 22:7

Injinga iba yinkhosi yeluphuya, nemboleki uba sigcili sembolekisi.

Umshumayeli 12:13

Konkhe sekuvakele. Nasi-ke siphetfo sendzaba: Yesaba Nkulunkulu, ugcine imiyalo yakhe, kute lokunye lokungetulu kwaloko lokudzingekako kumuntfu.

Umshumayeli 8:12

Nome lomubi enta bubi kalikhulu, achubeke aphile sikhatsi lesidze, ngiyati kutsi kuyakubahambela kahle labo labesaba Nkulunkulu, bahloniphe Nkulunkulu.

Isaya 50:1

Naku lokushiwo nguSimakadze, utsi: “Iphi incwadzi yenyoko yesehlukaniso, lengamcosha ngayo kutsi ahambe? Nome-ke nganitsengisa kumuphi kulengibakweledako? Natsengiswa ngenca yetono tenu, ngenca yemacala enu unyoko wacoshwa.

Jeremiya 34:14

‘Njalo nje ngemnyaka wesikhombisa ngulowo nalowo wenu kufanele akhulule sigcili sakhe lesingumHebheru lotitsengise yena. Nasakusebentele iminyaka lesitfupha, kufanele umkhulule.’ Noko boyihlo abazange bangilalele, futsi abanginakanga nekunginaka.

Levithikusi 25:48

nome asatitsengisile, unalo lilungelo lekuhlengwa. Lomunye wabomnakabo angamhlenga,

Malakhi 3:16

Nalabo-ke labesaba Nkulunkulu bakhulumisana bodvwana, Simakadze walalela weva. Incwadzi legocotwako yesikhumbuto yabhalwa embikwakhe macondzana nalabo labesaba Simakadze bahloniphe Libito lakhe.

Malakhi 4:2

Kodvwa kini lenilesabako Libito lami, lilanga lekulunga liyawuphuma linekuphilisa etimphikweni talo. Niyawuphuma nitjakadvule njengemankhonyane lakhululwe etisingeni tawo.

Matewu 18:25

Kepha ngobe sasite lutfo lwekukhokha lesikwelede, lenkhosi yatsi akutsengiswe ngaso, nangemkaso, nangebantfwabaso, kanye nangako konkhe lesasinako, kuze kutewukhokhwa lesikwelede.

Matewu 18:30

Kepha sona sala, sahamba sayawusifaka ejele, size siyikhokhe.

Matewu 18:35

“Kanjalo-ke naBabe wami wasezulwini uyawukwenta loko kini naningatsetseleli bazalwane benu ngetinhlitiyo letiphelele.”

Imisebenti yebaPhostoli 13:26

“Bazalwane, ntalo ya-Abrahama, nani nonkhe lenimesabako Nkulunkulu, lelivi lensindziso litfunyelwe kitsi.

YaJakobe 2:13

Ngobe kwehlulela akunabo bubele kulowo longenabo bubele; kodvwa bubele buyawucoloshela kwehlulela.

Sembulo 15:4

Ngubani longayikwesaba advumise libito lakho, Nkhosi? Ngobe nguwe wedvwana longcwele. Tonkhe tive tiyawufika kuwe tikukhonte, ngobe tehlulelo takho letilungile setibonakalisiwe.”

Sembulo 19:5

Kwevakala livi liphuma esihlalweni sebukhosi litsi: “Dvumisani Nkulunkulu wetfu, nonkhe nine tinceku takhe, nine labancane nani labakhulu lenimesabako.”

Ruthe 1:3

Elimeleki, indvodza yaNawomi, wafa; Nawomi wasala nalamadvodzana akhe lamabili.

1 Samuweli 22:2

Kwatsi bonkhe laba bebahluphekile, nalababenetikwelede, nalababengeneliseki babutsana kuye, waba ngumholi wabo. Kwaba ngemadvodza labengaba ngema-400.