2 Emakhosi 2:3 - Siswati 1996 Bible

³ Sicumbi sebaphrofethi lesasihlala eBetheli seta ku-Elisha, safike sambuta satsi: “Uyati yini kutsi Simakadze utayitsatsa lenkhosi yakho lamuhla?” Elisha wabaphendvula, watsi: “Yebo, ngiyati; kodvwa yekelani kukhuluma ngalendzaba.”

2 Emakhosi 2:3 Referencias Cruzadas

1 Emakhosi 18:4

Kwatsi ngesikhatsi Jezebeli abulala baphrofethi baSimakadze, Obadiya wafihla labalikhulu emigedzeni, baba ngema-50 kulowo nakulowo mgedze, abebapha kudla, abanatsise nemanti.

1 Emakhosi 20:35

Ngelivi laSimakadze lomunye wemadvodzana ebaphrofethi wakhuluma kulomunye umnganakhe, watsi: “Ngishaye ngalesikhali sakho,” kodvwa lomnganakhe wala.

2 Emakhosi 2:15

Lesicumbi sebaphrofethi lesasiphuma eJerikho, sibukela, satsi: “Lomoya wa-Elija sewusetikwa-Elisha.” Bahamba bayakumhlangabeta, bafike bawa phansi embikwakhe bamkhotsamela,

2 Emakhosi 2:5

Emadvodza labaphrofethi baseJerikho enyuka aya ku-Elisha, afike ambuta atsi: “Uyati yini kutsi Simakadze utayitsatsa lenkhosi yakho lamuhla?” Elisha wabaphendvula, watsi: “Yebo, ngiyati; kodvwa yekelani kukhuluma ngalendzaba.”

2 Emakhosi 2:7

Labanye baphrofethi lababengema-50 nabo bahamba bafike bemela bucamama, kubhekana nalendzawo lapho bekume khona bo-Elija na-Elisha ngaseJordane.

2 Emakhosi 4:1

Umfati walomunye webaphrofethi wakhala ku-Elisha, watsi: “Inceku yakho, lebekuyindvodza yami, seyifile; nawe uyati kutsi beyesaba Simakadze. Manje lomuntfu lebeyimkweleda uyeta utawutsatsa lamadvodzana ami lamabili, kutsi ayekuba tigcili takhe.”

2 Emakhosi 4:38

Elisha wancandzeka wabuyela eGilgali; bekunendlala kuleso sifundza. Satsi lesicumbi sebaphrofethi sisahlangene naye, wakhuluma kulenceku yakhe, watsi: “Ase ubeke libhodo lelikhulu etiko, uphekele nankha emadvodza sitjulo.”

2 Emakhosi 5:22

Gehazi waphendvula, watsi: “Cha, kute lokonakele, konkhe kuhamba kahle; intfo nje, inkhosi yami ingitfume kuwe kutsi ngibofike ngitsi: ‘Emajaha lamabili labephuma kulabanye baphrofethi efike lapha kulaka-Efrayimu. Ngicela kutsi ubanike tinhlavu tesiliva letingemakhilogremu langaba ngema-34 netimphahla letinhle letimbili tekuntjintja.’ ”

2 Emakhosi 6:1

Ngalelinye lilanga kwesuka licembu lebaphrofethi laya ku-Elisha, labengumholi walo, lafike latsi: “Buka lapha, lendzawo lesihlala kuyo lapha embikwakho, seyincane kakhulu.

2 Emakhosi 9:1

Umphrofethi Elisha watfuma lomunye welicembu lebaphrofethi lababenaye, watsi kuye: “Bopha lijazi lakho ngelibhande, utsatse luphondvo lwemafutsa uhambe nalo uye eRamothi Gileyadi.

Isaya 8:18

Ngilapha mine kanye nalabo bantfwana Simakadze langiphe bona. Sitibonakaliso netimangaliso taSimakadze longuSomandla, esiveni sema-Israyeli, yena lohlala eNtsabeni iSiyoni.

Amose 7:14

Amose waphendvula Amasiya, watsi: “Angizange sengibe ngumphrofethi mine, ngisho nekuba ngumsa wemphrofethi nje. Kodvwa bengingumelusi nje, nanyalo ngisengumlimi wetihlahla temakhiwa.

Imisebenti yebaPhostoli 22:3

“Mine ngiliJuda lekutalwa, ngatalelwa eThasusi leseSilisiya, kodvwa ngifundze la eJerusalema, ngifundziswa nguGamaliyeli. Ngatfola kuceceshwa lokushubile ngemtsetfo wabokhokho betfu, futsi ngangitinikele ngenshisekelo lenkhulu kuNkulunkulu njengani nonkhe lenilapha embikwami lamuhla.

Dutheronomi 33:3

Ngempela nguwe lotsandza lesive; bonkhe labangcwele basesandleni sakho. Bakhotsama etinyaweni takho bonkhe. Kuwe bemukela tifundvo,

1 Samuweli 10:5

“Nawusuka lapho, ubokhuphukela eGibeya yaNkulunkulu, lapho kunenkambu yemaFilisti khona. Utawutsi nawuyawungena kulelidolobha, uhlangane neludvwendvwe lwebaphrofethi lwehla lubuya endzaweni lephakeme, luphetse emahabhu, netingitali, netingubhu, nemintjingozi, luhambe lushaya, luphrofetha.

1 Samuweli 19:20

Ngako Sawula wavele watfumela emadvodza kutsi ayekumtsatsa ngenkhani. Kodvwa atsi nakabona sicumbi sebaphrofethi sihhungulekile siphrofetha, naSamuweli akanye naso angumholi waso, Moya waNkulunkulu wehlela kulamadvodza akaSawula; nawo ahhunguleka aphrofetha.