2 Emakhosi 1:4 - Siswati 1996 Bible

⁴ Ngako-ke naku lokushiwo nguSimakadze, utsi: ‘Ungeke usuke kulombhedze lolele kuwo. Nakanjani utakufa!’ ” Elija wahamba.

2 Emakhosi 1:4 Referencias Cruzadas

Genesisi 2:17

kodvwa ungasidli sitselo sesihlahla sekwati lokulungile nalokungakalungi, ngobe mhlazana usidla uyakufa nekufa.”

Genesisi 3:4

Inyoka yatsi kumfati: “Ningeke nife.

1 Emakhosi 14:12

Ahiya wachubeka akhuluma kumkaJerobowamu, watsi: “Wena-ke, ncandzeka ubuyela ekhaya. Utawutsi usangena nje edolobheni, umfana afe.

1 Emakhosi 18:2

Ngako Elija wahamba wayakutiveta ku-Ahabi. Ngaleso sikhatsi bekunendlala lenkhulu eveni laseSamariya,

2 Emakhosi 1:16

Wafike watjela inkhosi, watsi: “Naku lokukhulunywa nguSimakadze, utsi: ‘Kungobe kute yini Nkulunkulu ka-Israyeli kutsi ungaze utfumele uyewubuta kuBhalzebubi, nkulunkulu wase-Ekroni? Njengobe wente loku, ungeke usuke kulombhedze lolele kuwo. Nakanjani utakufa!’ ”

2 Emakhosi 1:5

Titfunywa tatsi kube tincandzeke tibuyele enkhosini, yafike yatibuta yatsi: “Nincandzekeleni?”

2 Emakhosi 1:6

Tayiphendvula tatsi: “Kukhona indvodza lesihlangabetile lefike yatsi: ‘Ncandzekani, nibuyele enkhosini lenitfumile, nifike niyibute nitsi: “Naku lokushiwo nguSimakadze, utsi: Kungobe kute yini Nkulunkulu ka-Israyeli, kutsi ungaze utfumele uyewubuta kuBhalzebubi, nkulunkulu wase-Ekroni? Ngako-ke ungeke usuke kulombhedze lolele kuwo. Nakanjani utakufa!” ’ ”

2 Emakhosi 20:1

Kulawo malanga Hezekiya wagula wabangwa netibi. Umphrofethi, Isaya, umsa wa-Amose, waya kuye, wafike watsi: “Naku lokushiwo nguSimakadze, utsi: Sale ulungisa kahle tonkhe tintfo tasemndenini wakakho, ngobe sewutakufa, ngeke usindze.”

2 Emakhosi 8:10

Elisha waphendvula watsi: “Hamba ufike kuye utsi: ‘Ngempela utawusindza.’ Kodvwa Simakadze ukwembulile kimi kutsi empeleni yena utakufa.”

Taga 11:19

Lotimisele kwenta lokulungile uyawuphila; kodvwa loneluphike lwekwenta lokubi uyakufa.

Taga 14:32

Umuntfu lomubi ucitfwa kutiphatsa kabi kwakhe; kodvwa lolungile uyasindza ngekuhlonipheka kwakhe.

Hezekeli 18:4

Ngobe wonkhe umuntfu lophefumulako, wami, uyise kanye nemsa wakhe, bonkhe ngalokufananako, bami. Umuntfu lowonako nguye loyakufa.

Numeri 26:65

Kungobe Simakadze abetjele ema-Israyeli kutsi nakanjani atawufela ehlane, ngako kwabate nome munye lowasala ngaphandle kwaboKhalebi, umsa waJefune, naJoshuwa, umsa waNuni.

1 Samuweli 28:19

Simakadze utaninikela etandleni temaFilisti, wena kanye naso sonkhe sive sema-Israyeli. Kusasa wena kanye nemadvodzana akho nitawube senikanye nami lapha. Simakadze utawunikela ngisho nemphi yema-Israyeli etandleni temaFilisti.”