2 Emakhosi 1:3 - Siswati 1996 Bible

³ Kodvwa ingilosi yaSimakadze yakhuluma ku-Elija, waseThishbe, yatsi: “Hamba uhlangabete letitfunywa tenkhosi yaseSamariya, ufike utibute utsi: ‘Kungobe kute yini Nkulunkulu ka-Israyeli, kutsi ningaze niyewubuta kuBhalzebubi, nkulunkulu wase-Ekroni?’

2 Emakhosi 1:3 Referencias Cruzadas

1 Emakhosi 11:33

Ngitakwenta loku, ngobe bangishiyile mine, bakhonta bo-Ashtarothe, sithicokati semaSidoni, naKhemoshi, sithico semaMowabi, naMoloki, sithico sema-Amoni, bangete bahamba ngendlela yami, bangete bakwenta lokuhle emehlweni ami, bangete batigcina netimiso tami nemitsetfo yami njengaDavide, uyise waSolomoni.

1 Emakhosi 17:1

Elija waseThishbe, labewekutalwa eThishbe kulakaGileyadi, wakhuluma ku-Ahabi watsi: “Ngelibito laSimakadze, Nkulunkulu lophilako wema-Israyeli, lengimkhontako, ngiyakutjela ngitsi kungeke kube khona ematolo ngisho nemvula kuleminyaka lembalwa letako, kuze kusho mine.”

1 Emakhosi 18:1

Emvakwesikhatsi lesidze, emnyakeni wesitsatfu wesomiso, livi laSimakadze lefika ku-Elija, latsi: “Hamba uyekutiveta ku-Ahabi, ngitawutfumela imvula eveni.”

1 Emakhosi 18:36

Kwase kutsi ngesikhatsi semhlatjelo wakusihlwa Elija wasondzela ngaselatini wathandaza watsi: “Awu, Simakadze, Nkulunkulu wa-Abrahama, na-Isaka, na-Israyeli, akwatiwe lamuhla lapha kutsi wena unguNkulunkulu wema-Israyeli nekutsi mine ngiyinceku yakho, nekutsi tonkhe letintfo ngitente ngekuyalwa nguwe.

1 Emakhosi 19:5

Wacambalala lapho ngaphansi kwesihlahla semtsanyelo, watunywa butfongo, walala. Masinyane ingilosi yafike yamtsintsa yakhuluma kuye, yatsi: “Vuka udle.”

1 Emakhosi 19:7

Ingilosi yaSimakadze yaphindze yabuya kwesibili, yamtsintsa, yatsi: “Vuka udle, ngobe luhambo losetalutsatsa ludze kakhulu.”

1 Emakhosi 21:17

Livi laSimakadze lefika ku-Elija, waseThishbe, latsi:

2 Emakhosi 1:2

Inkhosi Ahaziya abewele phansi esuka egumeni lelalisetulu esitezi sakhe, lesasiseSamariya, walimala. Ngako-ke watfumela titfunywa watsi: “Hambani niyekuva kuBhalzebubi, nkulunkulu wase-Ekroni, kutsi ingabe kutawuphola yini lapho ngilimele khona.”

2 Emakhosi 1:6

Tayiphendvula tatsi: “Kukhona indvodza lesihlangabetile lefike yatsi: ‘Ncandzekani, nibuyele enkhosini lenitfumile, nifike niyibute nitsi: “Naku lokushiwo nguSimakadze, utsi: Kungobe kute yini Nkulunkulu ka-Israyeli, kutsi ungaze utfumele uyewubuta kuBhalzebubi, nkulunkulu wase-Ekroni? Ngako-ke ungeke usuke kulombhedze lolele kuwo. Nakanjani utakufa!” ’ ”

2 Emakhosi 1:8

Tayiphendvula tatsi: “Bekuyindvodza leyembetse ingubo yeboya, ibophe libhande lesikhumba lapha elukhalweni.” Inkhosi yatsi: “Lowo bekungu-Elija waseThishbe.”

2 Emakhosi 5:15

Namani kanye netinceku takhe tonkhe wahamba wabuyela kulomuntfu waNkulunkulu. Wafike wema embikwakhe watsi: “Manje sengiyati kutsi emhlabeni wonkhe kute nkulunkulu lofanana naNkulunkulu wema-Israyeli. Ngicela kutsi wemukele nasi sipho lesiphuma kimi, inceku yakho.”

2 Emakhosi 5:8

Watsi kube Elisha, umuntfu waNkulunkulu, eve kutsi inkhosi iklebhule tingubo tayo, watfumela umlayeto watsi: “Utiklebhuleleni tingubo takho? Letsa lowo muntfu lapha kimi, futsi yena utawukwati kutsi kukhona umphrofethi ka-Israyeli!”

Tihlabelelo 76:1

Nkulunkulu uyatiwa kaJuda, libito lakhe likhulu ka-Israyeli.

Isaya 8:19

Bantfu batanitjela kutsi: “Yanini etangomeni nakulababhulako, labo labahlebako banhhinklile.” Batsi: “Sive akukafaneli yini kutsi sibute kuNkulunkulu waso?” Indlela ifunelwani kulabafile egameni lalabaphilako?

Jona 2:8

Labo labakhonta bonkulunkulu labalite bamshiyile Nkulunkulu sibili lophatsana ngemusa.

Makho 3:22

Kepha tati temtsetfo letatichamuka eJerusalema tatsi: “UnaBhelzebule,” labanye batsi: “Yinkhosi yemadimoni lena lakhipha ngayo emadimoni.”

Imisebenti yebaPhostoli 8:26

Ingilosi yeNkhosi yakhuluma kuFiliphu yatsi: “Tilungiselele kuya endleleni leseNingizimu lesuka eJerusalema yehlele eGaza.” (Lendlela ilihlane).

1 Samuweli 17:46

Lamuhla Simakadze utakunikela esandleni sami, ngitakushaya ngikulahle phansi, ngihhumbule inhloko yakho esidvunjini sakho. Lamuhla tidvumbu temaFilisti ngitatinika tinyoni telizulu kanye netilwane tesiganga, kuze umhlaba wonkhe wati kutsi kukhona Nkulunkulu ka-Israyeli,