2 Emakhosi 1:2 - Siswati 1996 Bible

² Inkhosi Ahaziya abewele phansi esuka egumeni lelalisetulu esitezi sakhe, lesasiseSamariya, walimala. Ngako-ke watfumela titfunywa watsi: “Hambani niyekuva kuBhalzebubi, nkulunkulu wase-Ekroni, kutsi ingabe kutawuphola yini lapho ngilimele khona.”

2 Emakhosi 1:2 Referencias Cruzadas

1 Emakhosi 11:33

Ngitakwenta loku, ngobe bangishiyile mine, bakhonta bo-Ashtarothe, sithicokati semaSidoni, naKhemoshi, sithico semaMowabi, naMoloki, sithico sema-Amoni, bangete bahamba ngendlela yami, bangete bakwenta lokuhle emehlweni ami, bangete batigcina netimiso tami nemitsetfo yami njengaDavide, uyise waSolomoni.

1 Emakhosi 14:3

Tsatsa imikhama lelishumi yetinkhwa uhambe nayo, nemacebelengwane, kanye nelijeke leluju, uye kuye. Yena utakutjela kutsi kutakwentekani kulomsa wami.”

1 Emakhosi 22:34

Kodvwa lomunye wantsala butjoki bakhe wajijimeta, kwagwazeka Ahabi, inkhosi yaka-Israyeli, emahlanganweni etembatfo takhe tensimbi letatimvikela. Inkhosi Ahabi wakhuluma kuloloshayela incola yakhe yemphi, watsi: “Jikisa incola, ungikhiphe lapha emphini. Sengilimele.”

1 Emakhosi 22:40

Ahabi wafa; Ahaziya, umsa wakhe, waba yinkhosi esikhundleni sakhe.

2 Emakhosi 1:16

Wafike watjela inkhosi, watsi: “Naku lokukhulunywa nguSimakadze, utsi: ‘Kungobe kute yini Nkulunkulu ka-Israyeli kutsi ungaze utfumele uyewubuta kuBhalzebubi, nkulunkulu wase-Ekroni? Njengobe wente loku, ungeke usuke kulombhedze lolele kuwo. Nakanjani utakufa!’ ”

2 Emakhosi 1:3

Kodvwa ingilosi yaSimakadze yakhuluma ku-Elija, waseThishbe, yatsi: “Hamba uhlangabete letitfunywa tenkhosi yaseSamariya, ufike utibute utsi: ‘Kungobe kute yini Nkulunkulu ka-Israyeli, kutsi ningaze niyewubuta kuBhalzebubi, nkulunkulu wase-Ekroni?’

2 Emakhosi 1:6

Tayiphendvula tatsi: “Kukhona indvodza lesihlangabetile lefike yatsi: ‘Ncandzekani, nibuyele enkhosini lenitfumile, nifike niyibute nitsi: “Naku lokushiwo nguSimakadze, utsi: Kungobe kute yini Nkulunkulu ka-Israyeli, kutsi ungaze utfumele uyewubuta kuBhalzebubi, nkulunkulu wase-Ekroni? Ngako-ke ungeke usuke kulombhedze lolele kuwo. Nakanjani utakufa!” ’ ”

2 Emakhosi 17:16

Bayifulatsela yonkhe imiyalo yaSimakadze Nkulunkulu wabo, batakhela tabo tithico letimbili letimise kwematfole, batakhela nensika ya-Ashera. Bakhotsama tinkhanyeti, bakhonta sithico saBhali.

Jobe 31:3

Akusiyo yini imbhubhiso kulababi, sehlakalo kulabo labenta sono?

Ingoma Yetingoma 2:9

Longitsandzako unjengemphala nanjengelitfole lemgankla. Bukela! Nango phela aseme emvakwelubondza lwakitsi, uhlola ngemafasitelo, alungute ngetikhala telutsango.

Isaya 19:3

EmaGibhithe ayawuphelelwa ngemandla; emasu awo ngiyawuwacedza atsi nya. Ayawuya etithicweni ayewuphengula, aze ayewufuna labaphansi, netangoma, nalababhulako.

Isaya 2:6

Ubalahlile bantfu bakho, indlu yakaJakobe, ngobe sebagcwele bungoma basemphumalanga; bagcwele nekuphengula njengemaFilisti, bamdzibimunye nemahedeni.

Isaya 37:12

Labonkulunkulu betive letabhujiswa bobabemkhulu, batikhulula yini letive tabo, bonkulunkulu baseGozani, nebaseHarani, nebaseResefu kanye nebebantfu base-Edeni lababeseThelasari?

Isaya 37:19

Bajikijele bonkulunkulu bato emlilweni, bababhubhisa, ngobe bebangesibo bonkulunkulu sibili, bekutingodvo nje nematje labatwe tandla tebantfu.

Matewu 10:25

Ngako-ke umfundzi kufanele eneliswe kutsi ufanana nemfundzisi wakhe, nenceku kufanele yeneliswe kutsi ifanana nenkhosi yayo. Nangabe inhloko yemuti kwatsiwa nguBhelzebule, emalunga alowo muti ayawubitwa ngemagama lamabi kakhulu!”

Makho 3:22

Kepha tati temtsetfo letatichamuka eJerusalema tatsi: “UnaBhelzebule,” labanye batsi: “Yinkhosi yemadimoni lena lakhipha ngayo emadimoni.”

Lukha 11:15

kodvwa labanye batsi: “NguBhelzebule, inkhosi yemadimoni, lomnika emandla ekukhipha lamadimoni.”

Imisebenti yebaPhostoli 20:9

Libhungu lebekutsiwa ngu-Oyithikhusi lalihleti efasitelweni. Kwatsi ngekuchubeka kwetinkhulumo taPawula Oyithikhusi wefikelwa butfongo walala, waze wawela phansi esuka esitezi sesitsatfu. Nase bamtsatsa, bakhandza kutsi sewufile.

Joshuwa 15:11

Wawuhamba ucondze eceleni kweligcuma lelingasenyakatfo ne-Ekroni ujikele eShikheroni, wendlule ugudle iNtsaba iBhala ufike eJabniyeli. Umnyele wawugcina elwandle.

Tikhulu 11:24

Ungete wamane ulidle kuphela lelo lonikwa lona ngunkulunkulu wakho longuKhemoshi? Ngalokunjalo natsi sitalidla lelo lesilinikwa nguSimakadze Nkulunkulu wetfu, kube letfu.

Tikhulu 5:28

“Unina waSisera wahlola ngelifasitelo, wakhala emvakwelutsango lwendlu watsi: ‘Kwentiwa yini kutsi incola yakhe yephute kangaka kubuya? Kwentiwa yini bukhehlekhehle betincola takhe bephute kuvakala?’

1 Samuweli 5:10

Ngako lelibhokisi lesivumelwane saNkulunkulu alimikisa e-Ekroni. Latsi nje libhokisi lesivumelwane saNkulunkulu lisangena e-Ekroni, bantfu base-Ekroni bakhala batsi: “Sebaliletse lapha kitsi lelibhokisi laloNkulunkulu wema-Israyeli kutsi sitewubulawa tsine kanye nabo bonkhe bantfu bakitsi!”