2 Emakhosi 1:10 - Siswati 1996 Bible

¹⁰ Elija wayiphendvula, watsi: “Nangabe ngingumuntfu waNkulunkulu, akwehle umlilo ezulwini ukubhubhise wena nalamadvodza langema-50 lohamba nawo!” Ngako umlilo waNkulunkulu wehla ezulwini, wabhubhisa lendvuna kanye nalamadvodza langema-50 leyayihamba nawo.

2 Emakhosi 1:10 Referencias Cruzadas

1 Emakhosi 22:28

Mikhaya watsi: “Nawungahle nje ubuye uphephile, Simakadze utawube akaze wakhuluma ngami.” Wachubeka watsi: “Nonkhe nine tive, wanakeni lamavi ami.”

2 Emakhosi 1:11

Inkhosi yatfumela lenye indvuna nemadvodza langema-50. Lendvodza yakhuluma kuye yatsi: “Ye muntfu waNkulunkulu, inkhosi itsi: ‘Yehla ngekushesha!’ ”

2 Tikhronike 36:16

Kodvwa baphukuta letitfunywa taNkulunkulu, bawedzelela emavi akhe, babahhalatisa nalabaphrofethi, lwadzimate lulaka lwaNkulunkulu lwavukela bantfu bakhe, futsi kwabate nalobasindzisako.

Jobe 1:16

Satsi sisakhuluma lesigijimi, kwefika lesinye, satsi: “Umlilo waNkulunkulu wehle esibhakabhakeni washisa tonkhe timvu takho kanye nato tonkhe tinceku takho; ngimi kuphela losindzile, ngase ngiyabaleka ngita lapha kuwe kutekwatisa ngaloko!”

Tihlabelelo 105:15

Watsi: “Ningabatsintsi labagcotjiwe bami, ningacali nilimate baphrofethi bami.”

Tihlabelelo 106:18

kwalumekeka umlilo ebutfweni labo, lilangabi lashisa lacedza bonkhe lababi.

Danyela 3:22

Lomlayeto wenkhosi bewuphutfuma kakhulu, nalamalangabi emlilo lowesabekako nalohhumako abesashisa kangangekutsi lamalangabi alomlilo adzimate abulala wona lamadvodza labejikijele boShadraki, naMeshaki, na-Abednego ekhatsi kuwo,

Danyela 3:25

Yatsi: “Ase nibuke! Ngibona emadvodza lamane ahambahamba lapha ekhatsi emlilweni, atfukululiwe, futsi akalimali ndzawo, kantsi lona wesine ufanana nendvodzana yabonkulunkulu.”

Danyela 6:24

Inkhosi yakhipha umyalo, kwaletfwa kuyo onkhe lamadvodza labebeke Danyela licala ngekumcalela emanga, ajikijelwa emgodzini wemabhubesi, wona, nabomkawo, kanye nebantfwabawo. Emabhubesi atseleka etikwabo, abadzabudzabula abacedza bangakefiki ngisho nasesiyilweni salomgodzi wemabhubesi, ababhasha ngisho nematsambo abo.

Levithikusi 10:2

Masinyane kwachamuka umlilo kuSimakadze wabadla, bafela khona lapho, ebukhoneni bakhe Simakadze.

Numeri 11:1

Sive sacala sasola Simakadze ngenca yetinhlupheko taso; watsi kube asive, lulaka lwakhe lwabavutsela. Watfumela umlilo lowavutsa emkhatsini wabo, waze washisa nalababesemaphetselweni enkambu.

Numeri 16:35

Umlilo lowaphuma kuSimakadze wadla onkhe lamadvodza labengema-250 labekashisa imphepho.

Matewu 21:41

Bamphendvula batsi: “Uyawutibhubhisa kabi leticashi letimbi, atsatse lesivini sakhe acashise ngaso kuletinye ticashi letiyakumnika titselo ngetikhatsi tato.”

Lukha 9:54

BoJakobe naJohane, bafundzi bakhe, nabakubona loku, batsi: “Nkhosi, uyafuna yini sibite umlilo wehle ezulwini ubacedze bonkhe?”

Imisebenti yebaPhostoli 12:19

Herodi watfumela kutsi afunwe, kepha abazange bamtfole. Ngako-ke wabita balindzi wababutisisa, wase utsi ababulawe. Emvakwaloko Herodi wehlela eKhesariya aphuma eJudiya, wahlala sikhatsi khona.

KumaHebheru 12:29

ngobe loNkulunkulu wetfu ungumlilo locotfulako.

Sembulo 11:5

Nakukhona lotama kubalimata, kutawuphuma umlilo emlonyeni wabo utishise uticedze tonkhe leto titsa tabo; nangabe-ke kukhona lotama kubalimata, nakanjani uyawubulawa.