1 yaPhetro 5:9 - Siswati 1996 Bible

⁹ Melanani naso nicinile ekukholweni, nati kutsi tona leto tinhlupheko tiyabehlela nebazalwane benu labasemhlabeni wonkhe.

1 yaPhetro 5:9 Referencias Cruzadas

Lukha 22:32

Noko sengikukhulekele, Simoni, kuze kungehluleki kukholwa kwakho. Nase uphendvukile wabuya kimi, kufanele ucinise nalabanakenu.”

Johane 16:33

Senginitjele loku, kuze nitewuba nekuthula kimi. Eveni niyawuhlupheka nibe nelusizi. Kodvwa manini sibindzi, ngobe mine ngilincobile live.”

Imisebenti yebaPhostoli 14:22

Bacinisa emakholwa bawakhutsata ekubambeleleni ekukholweni. Babafundzisa kutsi: “Sifanele sendlule ekuhluphekeni lokunyenti kuze singene embusweni waNkulunkulu.”

1 kubaseKorinthe 10:13

Anikefikelwa kulingwa lokwehlukile kunekwalabanye bantfu. Kepha Nkulunkulu wetsembekile, yena angeke avume kutsi nilingwe ngalokungetulu kwemandla enu. Ngesikhatsi sekulingwa utaninika emandla ekuma, anentele nendlela yekuphepha.

Kubase-Efesu 4:27

Ningamniki Sathane litfuba.

Kubase-Efesu 6:16

Kunako konkhe, nitsatse lihawu lelikukholwa, lenitawuba nemandla ekucima ngalo tonkhe tikhali letivutsako taLomubi.

KubaseKholose 2:5

Nome ngingekho emkhatsini wenu ngemtimba, kodvwa ngikhona ngemoya, ngijabulela kubona kuhlela kwenu lokuhle, nekusima kwekukholwa kwenu nguKhristu.

1 kubaseThesalonika 3:3

kuze kutsi kubete namunye wenu lohlubukako ngenca yekutanyatanyiswa nguletinhlupheko. Nine ngekwenu niyati kutsi simiselwe loko,

1 kuThimothi 6:12

Lwani kulwa lokuhle kwekukholwa, kuze uzuze kuphila lokuphakadze lowabitelwa kuko, wavuma kuvuma lokuhle embikwabofakazi labanyenti.

2 kuThimothi 3:12

Yebo, bonkhe labafisa kuphila ngekukholwa nguKhristu Jesu bayawutingelwa bahlushwe,

2 kuThimothi 4:7

Ngikulwile kulwa lokuhle, sengiyicedzile indzima yami, ngibambelele ekukholweni.

KumaHebheru 11:33

Ngekukholwa balwa bancoba imibuso, benta kulunga, bazuza tetsembiso, bavimba imilomo yemabhubesi,

KumaHebheru 12:8

Naningayalwa njengawo onkhe emadvodzana, kusho kutsi anisiwo emadvodzana, ningemavezandlebe.

YaJakobe 4:7

Ngako-ke tfobelani Nkulunkulu, kodvwa nimelane naSathane, uyawunibalekela.

1 yaPhetro 1:6

Ngaloko-ke niyajabula, nome kwanyalo nisadzatjukiswa tilingo letitinhlobonhlobo.

1 yaPhetro 2:21

Ngobe vele, nabitelwa kona loko; ngobe Khristu naye wanihluphekela, wanishiyela sibonelo sekutsi nimlandzele etinyatselweni takhe.

1 yaPhetro 3:14

Kepha nangabe nihlushwa ngenca yekwenta lokulungile, nibusisiwe. Ningesabi muntfu, ningakhatsateki.

1 yaPhetro 4:13

Kodvwa tfokotani, ngobe ninesabelo etinhluphekweni taKhristu, kuze kutsi nitfokote kakhulu nakwembulwa bukhosi bakhe.

Sembulo 1:9

Mine Johane, umzalwane wenu, nginesabelo kanye nani kuJesu ekuhlushweni, nasebukhosini, nasekuciniseleni. Ngangisesichingini, lesibitwa ngekutsi yiPhatmose, ngenca yekushumayela livi laNkulunkulu ngekufakaza ngaJesu.

Sembulo 6:11

Ngamunye ngamunye wabo wase unikwa ingubo lemhlophe; batjelwa kutsi ase baphumule kancane, kuze kuphelele linani lalababetinceku kanye nabo nebazalwane babo, lababesetawubulawa njengabo.

Sembulo 7:14

Ngatsi kulo: “Nkhosi, nguwe lobatiko.” Lase litsi kimi: “Laba-ke ngibo labaphume ekuhluphekeni lokukhulu. Bageze tingubo tabo taba mhlophe ngengati yeliWundlu.