1 yaPhetro 5:6 - Siswati 1996 Bible

⁶ Ngako-ke titfobeni ngephansi kwesandla lesinemandla saNkulunkulu, kuze ateniphakamisa ngesikhatsi lesifanele.

1 yaPhetro 5:6 Referencias Cruzadas

1 Emakhosi 21:29

“Ubonile yini kutsi Ahabi utitfobe kanjani embikwami? Ngenca yekutsi utitfobile kimi, ngingeke ngisamehlisela lesigemegeme etikhatsini takhe, kodvwa ngiyawusehlisela etikwendlu yakakhe ngesikhatsi sekubusa kwemsa wakhe.”

2 Emakhosi 22:19

Njengobe inhlitiyo yakho itsintsekile, wase uyatitfoba embikwaSimakadze, nawuva loko lengikukhulumile ngalendzawo kanye nangebantfu bayo, kutsi batawucalekiswa balahlwe njengetibi, nekutsi njengobe uklebhule tingubo takho, wakhala embikwami, sengikuvile, kusho Simakadze.

2 Tikhronike 12:12

Njengobe abesatitfobile, intfukutselo yaSimakadze yagucuka, akazange abhujiswe. Ngempela kwaba khona lokuhle kaJuda.

2 Tikhronike 30:11

Noko, lamanye emadvodza aka-Asheri, newakaManase, newakaZebuloni atitfoba aya eJerusalema.

2 Tikhronike 32:26

Hezekiya wase uyaphendvuka kulokutiphakamisa kwenhlitiyo yakhe, njengaloku kwenta bantfu baseJerusalema; ngaloko lulaka lwaSimakadze lwangabe lusehlela etikwabo ngesikhatsi saHezekiya.

2 Tikhronike 33:12

Manase wafunisisa Simakadze asasekuhluphekeni, wafuna lusito lwaSimakadze Nkulunkulu wakhe, watitfoba kakhulu embikwaNkulunkulu waboyisemkhulu.

2 Tikhronike 33:19

Umthandazo wakhe, nekutsi Nkulunkulu watsintseka kanjani ngekutincengela kwakhe, kanye nato tonkhe tono takhe, nekungetsembeki kwakhe, netindzawo letiphakeme tekukhontela tithico, lapho bekakhe khona titfombe letikhontwako, wagcumeka netinsika ta-Ashera netithico, ngalesikhatsi asengakatitfobi, konkhe loko kubhaliwe etincwadzini tebaboniswa.

2 Tikhronike 33:23

Kodvwa yena akazange afute uyise Manase, ngobe akazange aphendvuke, atitfobe embikwaSimakadze, Amoni wachubeka wadlanga ngebubi bakhe.

2 Tikhronike 36:12

Wenta lokubi emehlweni aSimakadze Nkulunkulu wakhe, wangete watitfoba embikwaJeremiya, umphrofethi, lowakhuluma livi laSimakadze.

Jobe 36:22

“Nkulunkulu uphakeme emandleni akhe, ngubani nje lofundzisa njengaye?

Tihlabelelo 75:10

Nkulunkulu utsi: “Ngiyawubehlisa bonkhe lababi, ngiphakamise bonkhe labalungile.”

Tihlabelelo 89:13

Unengalo lenemandla, nesandla sakho sinemandla, nesandla sakho sekudla siphakeme.

Eksodusi 10:3

Ngako-ke boMosi na-Aroni bahamba baya kuFaro, bafike kuye batsi: “Simakadze, longuNkulunkulu wemaHebheru, utsi: ‘Kutawuze kube ngunini seloku wala kutitfoba kimi? Khulula bantfu bami bahambe, khona batewungikhonta.

Eksodusi 3:19

Ngiyati kutsi Faro, inkhosi yaseGibhithe, angeke anivumele ngaphandle kwekutsi avunyiswe sandla lesinemandla.

Eksodusi 32:11

Kodvwa Mosi wancenga Simakadze longuNkulunkulu wakhe watsi: “Hhawu Simakadze, lulaka lwakho lusivutselelani lesive sakho lowasikhipha eveni laseGibhithe ngesandla sakho lesinemandla lamakhulu?

Taga 29:23

Kutigcabha kwemuntfu kumletsela kuwa; kodvwa lotfobekile utfola kuhlonipheka.

Isaya 2:11

Emehlo ebantfu labatikhukhumetako ayawutfotjiswa, kutsi kutigcabha kwebantfu kwehliswe; Simakadze yena yedvwa uyawuphakanyiswa ngalelo langa.

Isaya 40:4

Tonkhe tigodzi tiyawugcwaliswa; tonkhe tintsaba nemagcuma kuyakwehliswa. Umhlaba lomagebhugebhu uyawulinganiswa, ematsafa latigodzigodzi entiwe abeke.

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Jeremiya 13:18

Khuluma enkhosini nasendlovukazini, utsi: “Yehlani etihlalweni tenu tebukhosi, ngobe lemichele yenu lemanyatelako itawudzilika lapha etinhloko tenu.”

Jeremiya 44:10

Kuze kube ngulamuhla basengakatitfobi nome bakhombise inhlonipho, futsi abakaze bawulandzele umtsetfo wami netimiso tami lengatimisa embikwenu naboyihlo.

Hezekeli 17:21

Onkhe lamabutfo akhe labalekako ayakuwa ngenkemba, nalabo labayawuphunyula bayawusakatelwa emimoyeni. Ngulapho-ke niyawukwati khona kutsi mine Simakadze ngikhulumile.’ ”

Hezekeli 21:6

“Ngako-ke bubula, ndvodzana yemuntfu! Bubula embikwabo ngenhlitiyo leyephukile nalenelusizi lolukhulu.

Danyela 5:22

“Kodvwa wena ndvodzana yakhe, Bhelshasari, awukatitfobi, lite nome bewukwati konkhe loku.

Levithikusi 26:41

lokungukona kwangenta ngaze ngabayisa eveni letitsa tabo, nangabe netinhlitiyo tabo letingakasoki titfobeka bayikhipha nenkhokhelo yesono sekuhlubuka kwabo,

Mikha 6:8

Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.

Matewu 23:12

Ngobe wonkhe umuntfu lotiphakamisako uyawutfotjiswa, nalotitfobako uyawuphakanyiswa.”

Lukha 1:52

Wehlisa emakhosi lanemandla etihlalweni tawo, waphakamisa labedzelelekile.

Lukha 14:11

Ngobe wonkhe umuntfu lotiphakamisako uyawutfotjiswa, nalotitfobako uyawuphakanyiswa.”

Lukha 18:14

Jesu watsi: “Nginitjela kutsi lendvodza lengumtselisi yabuyela ekhaya seyemukelwe nguNkulunkulu kutsi ilungile kunalona lomunye, ngobe phela wonkhe umuntfu lotiphakamisako, uyawutfotjiswa, wonkhe lotitfobako, uyawuphakanyiswa.”

KubaseRoma 5:6

Ngobe kwatsi sisebutsakatsaka, Khristu wafela labangamesabi Nkulunkulu; wafa ngesikhatsi lesifanele.

1 kubaseKorinthe 10:22

Sifuna kutsi iNkhosi ibe nesikhwele yini? Sinemandla yini kunayo?

Dutheronomi 32:35

Kuphindzisela kwami; ngimi loyawutibuyiselela. Ngesikhatsi lesikahle lunyawo lwabo luyawushelela. Lilanga labo lekuhlupheka selisedvute, kubhujiswa kwabo kuyabahlasela.”

1 kuThimothi 2:6

lowatinikela kutsi abe yinhlawulo yabo bonkhe, loko kwaba bufakazi ngesikhatsi lesifanele.

kuThithusi 1:3

Kodvwa ngesikhatsi lesifanele sekubonakaliswe evini lakhe ngekushumayela lengiphatsiswe kona mine ngekwemyalo waNkulunkulu, uMsindzisi wetfu.

YaJakobe 4:10

Titfobeni embikweNkhosi, yona-ke iyawuniphakamisa.

YaJakobe 4:7

Ngako-ke tfobelani Nkulunkulu, kodvwa nimelane naSathane, uyawunibalekela.

YaJakobe 5:10

Bazalwane, tsatsani sibonelo sekuhlupheka nekubeketela kwebaphrofethi labebakhuluma egameni leNkhosi.