1 yaPhetro 5:3 - Siswati 1996 Bible

³ Ningatenti emakhosi etikwalabo lenibaphetse, kodvwa nibe tibonelo letinhle emhlambini leniwelusile.

1 yaPhetro 5:3 Referencias Cruzadas

Tihlabelelo 33:12

Sibusisiwe leso sive lesiNkulunkulu waso kunguSimakadze, sive latikhetsele sona kutsi sibe lifa lakhe.

Tihlabelelo 74:2

Khumbula libandla lakho lowatikhetsela lona kwasemandvulweni, walihlenga kutsi libe sive lesilifa lakho. Khumbula iNtsaba iSiyoni, lapho wawuhlala khona.

Hezekeli 34:4

Anikaticinisi letibutsakatsaka naletigulako, anikatelaphi nabopha nemanceba aletilimele. Letedukile anikatifuni natibuyisa, nangete natifuna naletilahlekile. Nitibuse ngelunya, natiphatsa ngesihluku.

Mikha 7:14

Simakadze, bani ngumelusi wesive sakho losikhetsile. Nome bantfu bakho bahlala babodvwa ehlane, kodvwa batungeletwe live lelivundzile. Abasukume batondle emadlelweni laneluhlata lolunyenti, eBhashani nakaGileyadi, njengobe babenta kadzenidzeni.

Numeri 18:7

Kodvwa wena nemadvodzana akho niyawukhonta njengebaphristi kuko konkhe lokukwaselatini nangekhatsi kwendvwangu. Ngininika inkonzo yebuphristi njengesipho. Lowo longakafaneli loyawusondzela eceleni kwalelilati, uyawubulawa.”

Johane 13:15

Ngobe nginentele sibonelo, kuze nani nente njengobe nami ngentile kini.

Imisebenti yebaPhostoli 20:28

Ticapheleni nine kanye nemhlambi wonkhe lobekwe etandleni tenu nguMoya Longcwele, neluse libandla laNkulunkulu latitsengela lona ngengati yeNdvodzana yakhe.

1 kubaseKorinthe 11:11

Noko eNkhosini umfati akasilutfo ngaphandle kwendvodza, nendvodza ayisilutfo eNkhosini ngaphandle kwemfati.

1 kubaseKorinthe 3:5

Pho, uyini Apolosi? Uyini Pawula? Batisebenti nje taNkulunkulu lenakholwa ngato, letisebenta njengekwaba kweNkhosi kuleso nakuleso sato.

1 kubaseKorinthe 3:9

Ngobe tsine sitisebenti nje taNkulunkulu letibambisene naye, nine niyinsimi yakhe. Nine futsi niyindlu yaNkulunkulu.

2 kubaseKorinthe 1:24

Asisho kutsi tsine sitikhulu etikwekukholwa kwenu, kodvwa sibambisene nani ekusebenteleni kujabula kwenu, ngobe nisimile ekukholweni.

2 kubaseKorinthe 4:5

Asitishumayeli tsine, kodvwa sishumayela kutsi Khristu Jesu uyiNkhosi, tsine-ke sitisebenti tenu ngenca yakhe.

Dutheronomi 32:9

Ngobe sabelo saSimakadze sive sakhe, Jakobe losabelo lesilifa lakhe.

KubaseFiliphi 3:17

Ngilingiseni, bazalwane, nibabukisise labahamba njengatsi, tsine lesisibonelo kini.

KubaseFiliphi 4:9

Loko lenakufundza, nakwemukela, nakuva, nakubona kimi, kwenteni, Nkulunkulu wekuthula utawuba nani.

1 kubaseThesalonika 1:7

nadzimate naba sibonelo kubo bonkhe labakholwako eMasedoniya nase-Akhaya.

2 kubaseThesalonika 3:9

Loko asikwentanga ngobe site lilungelo lekufuna emaholo etfu, kodvwa kuze sibe sibonelo sekutsi nisilingise.

1 kuThimothi 4:12

Ungavumi kutsi busha bakho bedzeleleke kubantfu. Kodvwa bani sibonelo kulabakholwako; ube sibonelo ngekukhuluma, nangesimilo, nangelutsandvo, nangekukholwa, nangekuba msulwa.

kuThithusi 2:7

Wena-ke ube sibonelo lesihle ngato tonkhe tindlela. Ufundzise ngebucotfo nangekutimisela,

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.