1 yaPhetro 5:1 - Siswati 1996 Bible

¹ Ngako ngiyabancenga babonisi labasemkhatsini wenu, njengobe nami ngingumbonisi kanye nabo, ngingufakazi wetinhlupheko taKhristu, nemhlanganyeli ebukhosini lobutakwembulwa, ngitsi:

1 yaPhetro 5:1 Referencias Cruzadas

Lukha 24:48

Nine nibofakazi baletintfo.

Imisebenti yebaPhostoli 1:22

kusukela embhabhatisweni waJohane kuze kube lilanga lekutsatfwa kwakhe emkhatsini wetfu, abe ngufakazi kanye natsi ngekuvuka kweNkhosi Jesu.”

Imisebenti yebaPhostoli 1:8

Kodvwa nine nitawugcwaliswa ngemandla, nasefikile kini Moya Longcwele, niyawuba bofakazi bami eJerusalema, naseJudiya lonkhe, naseSamariya, kuze kube ngusekugcineni kwemhlaba.”

Imisebenti yebaPhostoli 11:30

Bakwenta loko batfumela imali kubabonisi belibandla ngaboBhanabasi naSawula.

Imisebenti yebaPhostoli 14:23

Kulelo nalelo bandla babakhetsela babonisi, ngemithandazo nangekuzila babaletsa eNkhosini labayikholwako.

Imisebenti yebaPhostoli 15:4

Kwatsi nabefika eJerusalema, bemukelwa libandla, nebaphostoli, nebabonisi, babatjela ngako konkhe Nkulunkulu lakusebente ngabo.

Imisebenti yebaPhostoli 15:6

Baphostoli nebabonisi bahlangana ndzawonye kumungunya lendzaba.

Imisebenti yebaPhostoli 2:32

“Yena loJesu, Nkulunkulu wamvusa ekufeni, sonkhe sibofakazi balendzaba.

Imisebenti yebaPhostoli 20:17

AseseMilethusi Pawula watfumela umlayeto e-Efesu wacela babonisi belibandla kutsi bamhlangabete.

Imisebenti yebaPhostoli 20:28

Ticapheleni nine kanye nemhlambi wonkhe lobekwe etandleni tenu nguMoya Longcwele, neluse libandla laNkulunkulu latitsengela lona ngengati yeNdvodzana yakhe.

Imisebenti yebaPhostoli 21:18

Ngakusasa Pawula wahamba natsi sayawubona Jakobe. Kwakukhona nebabonisi bonkhe belibandla.

Imisebenti yebaPhostoli 3:15

Ngako nabulala uMtfombo Wemphilo. Kodvwa Nkulunkulu wamvusa kulabafile, tsine-ke sibofakazi baloko.

2 kubaseKorinthe 5:1

Ngobe siyati kutsi nangabe lifutwa lelidlangala lelingumtimba wetfu walapha emhlabeni, sinesakhiwo saNkulunkulu ezulwini, indlu yaphakadze lengakakhiwa ngetandla.

2 kubaseKorinthe 5:8

Ngesibindzi sitsi kuncono siwushiye lomtimba siyewuhlala neNkhosi.

KubaseFiliphi 1:19

Ngiyati kutsi ngemithandazo yenu nangekusitwa nguMoya waJesu Khristu, ngiyawukhululwa.

1 kuThimothi 5:1

Ungayikhahli indvodza lendzala, kodvwa uyiyale kube shangatsi uyala uyihlo; labadvuna labasebancane ubaphatse shangatsi uphetse bomnakenu.

1 kuThimothi 5:19

Ungakwemukeli kubekwa licala kwembonisi welibandla ngaphandle kwekutsi kube nabofakazi lababili nome labatsatfu.

2 kuThimothi 4:8

Manje sengihlalelwe kutfola umchele wekulunga, lengibekelwe wona yiNkhosi, uMehluleli lolungile. INkhosi iyawunginika lowo mchele ngalelo langa, hhayi mine kuphela kodvwa bonkhe labetsabele kubuya kwayo.

kuThithusi 1:5

Lokwangenta ngikushiye lapho eKhrethe kutsi usale ulungisa tintfo letitsite letifanele kulungiswa, ubeke babonisi kulelo nakulelo dolobha, njengobe ngakuyala.

kuFilemoni 1:9

kodvwa ngenca yelutsandvo ngiyakuncenga. Mine Pawula, njengemuntfu losamdzala nyalo, nalosasiboshwa ngenca yaKhristu Jesu,

KumaHebheru 12:1

Ngako-ke, njengobe situngeletwe sicumbi lesikhulu kangaka sabofakazi, asilahle konkhe lokusindzako, nesono lesigigelana njengelwanca. Asigijime ngekucinisela kulomncintiswano losembikwetfu,

1 yaPhetro 1:12

Bona bembulelwa kutsi tiphrofetho tabo tatingakacondzani nabo, taticondzene nani, njengobe babekhuluma ngaloko nani lese nikuve ngalabo labanishumayela liVangeli ngaMoya Longcwele lophuma ezulwini. Ngisho netingilosi tiyafisa kutibona letintfo.

1 yaPhetro 1:7

Injongo yaletilingo kutsi kukholwa kwenu kuvivinywe, kuze kubonakale bungiko bako. Ngisho negolide lebhubhako ihlolisiswa ngemlilo bungiyo bayo, kanjalo-ke nekukholwa kwenu lokuligugu kunegolide kufanele kutsi kuvivinywe bungiko bako. Khona-ke niyawutfola kubongwa, nebukhosi, neludvumo ekwembulweni kwaJesu Khristu.

1 yaPhetro 4:13

Kodvwa tfokotani, ngobe ninesabelo etinhluphekweni taKhristu, kuze kutsi nitfokote kakhulu nakwembulwa bukhosi bakhe.

1 yaPhetro 5:4

Mhlazana kubonakala uMelusi Lomkhulu, niyakwemukela umchele webukhosi longagugi.

1 yaJohane 3:2

Batsandzekako, nyalo sibantfwana baNkulunkulu, noko akukabonakali kutsi siyawuba yini. Lesikwatiko kutsi ngesikhatsi achamuka Khristu, siyawuba njengaye, ngobe siyawumbona njengobe anjalo.

2 yaJohane 1:1

Lencwadzi iphuma kuMbonisi. Iya kuMake lokhetsiwe nakubantfwabakhe, lengibatsandza ngeliciniso, kungesimi ngedvwana, kodvwa nabo bonkhe labalatiko liciniso,

3 yaJohane 1:1

Lencwadzi iphuma kuMbonisi. Iya kuGayusi lotsandzekako, lengimtsandza ngeliciniso.

Sembulo 1:9

Mine Johane, umzalwane wenu, nginesabelo kanye nani kuJesu ekuhlushweni, nasebukhosini, nasekuciniseleni. Ngangisesichingini, lesibitwa ngekutsi yiPhatmose, ngenca yekushumayela livi laNkulunkulu ngekufakaza ngaJesu.