1 yaPhetro 4:7 - Siswati 1996 Bible

⁷ Siphetfo sato tonkhe tintfo sesisondzele. Ngako-ke tibambeni, nititsibe khona nitekwati kukhuleka.

1 yaPhetro 4:7 Referencias Cruzadas

Genesisi 19:35

Ngako-ke baphindza bamnatsisa uyise nakubo lobo busuku wadzakwa. Lona lomncane wahamba wafike walala neyise. Loti akamvanga nakangena nome asaphuma, ngobe bekadzakwe kakhulu.

Genesisi 6:13

Nkulunkulu watsi kuNowa: “Sengincume kutsi ngibacedze bonkhe bantfu; ngobe umhlaba ugcwele budlova ngenca yabo. Ngitawubabhubhisa, ngibesuse bonkhe emhlabeni.

Umshumayeli 7:2

Kuncono kuya endlini lapho kulilwa khona kunekuya endlini lapho kunelidzili khona, ngobe kufa kusiphetfo sabo bonkhe bantfu; labo labaphilako kufanele bakufake enhlitiyweni yabo loko.

Jeremiya 5:31

Baphrofethi baphrofetha emanga, baphristi baphetse ngeligunya labo, nebantfu bami bakutsandza ngaleyo ndlela. Kodvwa nitakwenta njani ekupheleni?”

Hezekeli 7:6

Kuphela sekufikile! Kuphela sekufikile! Sekufikile kulwa nawe. Sekufikile!

Matewu 24:42

Ngako-ke caphelani, ngobe anilati lilanga iNkhosi yenu leyawubuya ngalo.

Matewu 25:13

“Ngako-ke lindzani, ngobe lilanga nemzuzu ningakwati.”

Lukha 21:34

“Ticaphelisiseni! Ningatifaki kakhulu emadzilini nasekunatseni lokudzakanako, nasekunakeni tintfo talomhlaba, funa lelo langa linitume;

Lukha 21:36

Lindzani nithandaze onkhe emalanga, khona nitawuba nemandla ekuphunyula kuletintfo letitakwenteka nitekwati kuma embikweNdvodzana yeMuntfu.”

Lukha 22:46

Watsi kubo: “Nilaleleni? Vukani nithandaze kuze ningangeni ekulingweni.”

KubaseRoma 12:12

Tfokotani etsembeni, nibeketele elusizini, nicinisele njalo emthandazweni.

1 kubaseKorinthe 15:24

Emvakwaloko kuyawufika kuphela, mhlazana anikela umbuso kuNkulunkulu uYise, nasacitse yonkhe imibuso, nebukhosi bonkhe, nemandla onkhe.

1 kubaseKorinthe 7:29

Bazalwane, ngitsi: Sikhatsi sesinciphile; kusukela nyalo nalabanebafati ababe njengalabate bafati,

Kubase-Efesu 6:18

Khulekani ngaso sonkhe sikhatsi nikuMoya ngekukhuleka konkhe nekuncenga. Nilindzele ngesineke sonkhe, nangekuncusela labangcwele bonkhe.

KubaseFiliphi 4:5

Kubeketela kwenu ngebumnene akwatiwe bantfu bonkhe, iNkhosi isedvute.

KubaseKholose 4:2

Ciniselani ekuthandazeni, nilindze kuko ngekubonga.

2 kuThimothi 4:5

Kodvwa wena, zitsa etintfweni tonkhe, ubeketele ekuhluphekeni, wente umsebenti webuvangeli, utifeze tonkhe timfanelo telubito lwakho.

kuThithusi 2:12

Lomusa usifundzisa kutsi sikudzele kungakholwa, nekutsi sitilumule etinkhanukweni telive, bese siphila ngekuzitsa, nangekulunga, nangekumesaba Nkulunkulu kulomhlaba,

KumaHebheru 10:25

Singakuyekeli kuhlangana ndzawonye, njengobe labanye sebanemkhuba wekungahlangani; kodvwa asikhutsatane kakhulu, njengobe nani niyabona kutsi lilanga selisondzele.

KumaHebheru 9:26

Kube Khristu akangenanga kanye, bekuyawudzingeka kutsi ahlupheke kanyenti kusukela ekusekelweni kwendalo yonkhe. Kodvwa esikhundleni saloko, ubonakaliswe kwaba kanye, kwenela, ekugcineni kwetikhatsi, kuze asuse sono ngenhlawulo lenguye cobo lwakhe.

1 yaPhetro 1:13

Ngaloko-ke bophani tinkhalo tengcondvo yenu, nititsibe, netsembe ngalokuphelele umusa lenitakwabelwa wona ekwembulweni kwaJesu Khristu.

1 yaPhetro 3:7

Ngalokufananako nani, madvodza, hlalisanani kahle nebafati benu, nati kutsi umuntfu lomsikati unjengesitja lesibutsakatsaka; nibahloniphe, ngobe batindlalifa temusa wekuphila kanye nani; loku nikwente, khona ingetiwuvimbeleka imithandazo yenu.

1 yaPhetro 5:8

Zitsani, nilindze. Sitsa senu, Sathane, siyajangaza emkhatsini wenu njengelibhubesi lelibhodlako, sitfungatsa lesingahle simmite.

Sembulo 16:15

“Lalelani! Ngiyawufika njengelisela! Ubusisiwe lolindzile, agcine tingubo takhe kutsi angahambi ngcunu, kudzimate kubonakale lihlazo lakhe.”