1 yaPhetro 4:18 - Siswati 1996 Bible

¹⁸ UmBhalo utsi: “Nangabe kulukhuni kutsi kusindziswe lolungile, kuyawuba njani-ke kulongamesabi Nkulunkulu nalosoni?”

1 yaPhetro 4:18 Referencias Cruzadas

Genesisi 13:13

Kepha bantfu baseSodoma babekhohlakele, bona kakhulu kuSimakadze.

Taga 11:31

Umuntfu lolungile utfola loko lokumfanele asesemhlabeni; kakhulu kangakanani-ke umuntfu lomubi nalosoni!

Jeremiya 25:29

Bukani, sengiyacala kwehlisela inhlekelele kulelidolobha lelineLibito lami, ngempela kungenteka yini kutsi nihlale ningajeziswa? Ningeke nihlale ningajeziswa, ngobe sengibita inkemba etikwabo bonkhe labahlala emhlabeni, kusho Simakadze Somandla.’

Hezekeli 18:24

“Kodvwa nangabe lolungile agucuka ekulungeni kwakhe ente sono, ente tintfo letifananako netalomubi letisinengiso, utsi kambe lonjalo angaphila? Cha, kute nakunye kwetintfo letinhle latentile lokuyawukhunjulwa. Ngenca yekungetsembeki lasanelicala lako, nangenca yetono layawube asatentile, uyawukufa.

Zakhariya 13:9

Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”

Lukha 15:1

Ngalelinye lilanga kwefika batselisi netilahlwa titewulalela Jesu.

Lukha 23:31

“Ngobe tintfo letinje natentiwa esihlahleni lesiseluhlata, kuyaba njani-ke kulesomile?”

Imisebenti yebaPhostoli 14:22

Bacinisa emakholwa bawakhutsata ekubambeleleni ekukholweni. Babafundzisa kutsi: “Sifanele sendlule ekuhluphekeni lokunyenti kuze singene embusweni waNkulunkulu.”

Imisebenti yebaPhostoli 27:24

yatsi: ‘Ungesabi, Pawula, ufanele ume embikwaKhesari; Nkulunkulu ukunikile bonkhe laba lohamba nabo.’

Imisebenti yebaPhostoli 27:31

Kodvwa Pawula watjela lendvuna yembutfo watsi: “Nangabe labashayeli balomkhumbi babaleka, kute lotawuphila lapha emkhunjini.”

KubaseRoma 1:18

Lulaka lwaNkulunkulu lubonakala luphuma ezulwini lwehlela etikwako konkhe kungamesabi Nkulunkulu nekungalungi kwebantfu labavimba liciniso ngekungalungi kwabo.

KubaseRoma 5:6

Ngobe kwatsi sisebutsakatsaka, Khristu wafela labangamesabi Nkulunkulu; wafa ngesikhatsi lesifanele.

KubaseRoma 5:8

Kodvwa-ke Nkulunkulu sewulukhombisile lutsandvo lwakhe kitsi ngekutsi sisetoni Khristu wafa esikhundleni setfu.

1 kubaseKorinthe 10:12

Ngako-ke lotsi umile, akacaphele kutsi angawi.

1 kuThimothi 1:9

Asikhumbule kutsi umtsetfo awubekelwa bantfu labalungile, kepha ubekelwa labangawugcini umtsetfo, nalabangalaleli, nalabangamesabi Nkulunkulu, netoni, nalabangenabungcwele, nalabate Nkulunkulu, nalababulala boyise nome bonina; ubekelwe lababulala labanye bantfu,

KumaHebheru 4:1

Ngako-ke asesabe, funa kube khona emkhatsini wenu lobonakala shangatsi sewusigejile lesitfuba, ngobe sisemile lesetsembiso saNkulunkulu sekungena ekuphumuleni kwakhe.

YaJakobe 5:6

Nimlahlile nambulala umuntfu lolungile; kantsi akamelani nani.

1 yaPhetro 5:8

Zitsani, nilindze. Sitsa senu, Sathane, siyajangaza emkhatsini wenu njengelibhubesi lelibhodlako, sitfungatsa lesingahle simmite.

2 yaPhetro 3:7

Kepha ngalo lelivi emazulu nemhlaba lokukhona nyalo kugcinelwe umlilo ngelilanga lekwehlulelwa, lapho kuyawubhujiswa khona labangamesabi Nkulunkulu.

YaJuda 1:15

Iyakwehlulela bonkhe bantfu, ibajezise labo labangamesabi Nkulunkulu. Iyawubajezisa ngenca yemisebenti yabo yonkhe yekwedzelela nekungamhloniphi Nkulunkulu, nangawo onkhe emavi lamabi lakhulunywe ngaye toni letingamesabi.”

1 Samuweli 15:18

Simakadze wakutfuma watsi: ‘Hamba ubabhubhise bonkhe labantfu lababi labangema-Amaleki, ubahlasele uze ubatsanyele baphele batsi nya.’