1 yaPhetro 4:16 - Siswati 1996 Bible

¹⁶ Kepha nakukhona lohlupheka ngobe angumKhristu, abobate emahloni, kodvwa akadvumise Nkulunkulu ngenca yalelo bito.

1 yaPhetro 4:16 Referencias Cruzadas

Isaya 24:15

Ngako-ke nine basemphumalanga, nikani Simakadze ludvumo, niphakamise Libito laSimakadze, longuNkulunkulu wema-Israyeli, nimphakamise etichingini taselwandle.

Isaya 50:7

Ngobe iNkhosi Simakadze iyangisita, ngingeke ngihlazeke, ngijabhiswe. Ngaloko-ke sengacinisa buso bami, baze baba njengelitje lemlilo, futsi ngiyati kutsi ngeke ngihlazeke, ngijabhe.

Isaya 54:4

“Ungesabi, ungeke ube nemahloni. Ungakwesabi kuhlazeka, ngeke wehliswe. Utalikhohlwa lihlazo lebusha bakho, ungaphindzi uwakhumbule emahloni ebufelokati bakho.

Imisebenti yebaPhostoli 11:26

Kwatsi lapho amkhandza, wamletsa e-Antiyokhi. Umnyaka wonkhe bobabili babehlanganyela nebantfu belibandla, babefundzisa sicuku lesikhulu. Kwakuse-Antiyokhi lapho bafundzi babitwa kwekucala ngekutsi ngemaKhristu.

Imisebenti yebaPhostoli 26:28

Agripha wase utsi kuPawula: “Cishe wangenta umKhristu ngesikhashana!”

Imisebenti yebaPhostoli 28:22

Kodvwa noko sifuna kuva ngawe umcondvo wakho, ngobe siyati kutsi live lonkhe likhuluma kabi ngalenkholo lohambisana nayo.”

Imisebenti yebaPhostoli 5:41

Baphostoli balishiya Liqoqo, batfokota kakhulu ngekwetfwala lihlazo ngenca yelibito laJesu.

KubaseFiliphi 1:20

Ngukulangatelela nekwetsemba kwami kutsi ngibete emahloni, kepha ngibe nesibindzi, njengobe bengivele nginaso ngaso sonkhe sikhatsi, kutsi Khristu entiwe abe mkhulu emphilweni yami, nome kwenteka ngemphilo yami nome kwenteka ngekufa kwami.

KubaseFiliphi 1:29

Ngobe ngenca yaKhristu nine nabelwa ngemusa angisho kukholwa kuye kuphela, kepha nekuhlupheka ngenca yakhe.

2 kuThimothi 1:12

kungako nje ngihlupheka nanyalo. Kodvwa ngite emahloni, ngobe ngiyamati lengetsembele kuye, futsi ngineliciniso kutsi yena unawo emandla ekukulondvolota loko lakubeke kimi, kuze kube ngalelo langa.

YaJakobe 2:7

Akusibo yini labo labahlambalata lelibito laKhristu lelihloniphekile lenibitwa ngalo?

1 yaPhetro 2:12

Philani imphilo yekulunga emkhatsini wemahedeni, khona kutawutsi nome banihleba ngekutsi nenta lokubi, kodvwa batsi bangabona imisebenti yenu lemihle, badvumise Nkulunkulu ngelilanga lekubuya kwakhe.

1 yaPhetro 4:11

Nangabe umuntfu akhuluma, akakhulume ngekwemavi aNkulunkulu; nangabe umuntfu akhonta, akakhonte ngemandla lawanikwa nguNkulunkulu, kuze kutsi kuko konkhe kudvunyiswe Nkulunkulu ngaJesu Khristu, lekukuye bukhosi nemandla phakadze naphakadze. Amen.

1 yaPhetro 4:14

Nibusisiwe nanetfukwa ngenca yelibito laKhristu, ngobe loko kukhombisa kutsi Moya webukhosi, lowaNkulunkulu, unifukamele.

1 yaPhetro 4:19

Ngako-ke labo labahlupheka ngekwentsandvo yaNkulunkulu abachubeke bente lokuhle, babeke imiphefumulo yabo kuMdali lowetsembekile.