1 yaPhetro 3:6 - Siswati 1996 Bible

⁶ Abenta njalo-ke naSara, ahlonipha Abrahama, ambita ngekutsi “yinkhosi” yakhe, lese naba bakhe nanenta lokulungile, ningesatjiswa lutfo.

1 yaPhetro 3:6 Referencias Cruzadas

Genesisi 18:12

Sara watihlekela nje, wadzimate watsi: “Manje sengimdzala kangaka, nenkhosi yami seyigugile, utsi ngingabe ngisaba nayo lenjabulo?”

Genesisi 18:15

Kodvwa Sara waphika ngenca yekwesaba watsi: “Angikahleki.” Kepha waphendvula watsi: “Cha, vele uhlekile.”

Tihlabelelo 45:11

Lobuhle bakho-ke buyawuyikhanga lenkhosi; uyitfobele, ngobe ingumyeni wakho.

Isaya 57:11

“Ngubani lona lebewumvevela kangaka, umesaba, uze ungetsembeki kimi, ungasangikhumbuli, futsi ungasangicabangi ngisho nasenhlitiyweni yakho? Akwentiwa kutsi sengithule sikhatsi lesidze yini lokutsi ungasangesabi?

Imisebenti yebaPhostoli 4:19

Kodvwa boPhetro naJohane babaphendvula batsi: “Nine ngekwenu ake senisho kutsi ngukuphi lokulungile ebusweni baNkulunkulu, kulalela nine yini nome kulalela Nkulunkulu?

Tikhulu 19:26

Kwatsi nasekusile lesingani sabuyela emuva kulendlu lapho bebangenise khona nalendvodza yaso, safike satijika emnyango, salala, satsi dzalakaca, kwaze kwaphuma lilanga.