1 yaPhetro 3:3 - Siswati 1996 Bible

³ Kuhloba kwenu kungabi kwekubukisa ngemichino, nangekugaba, nangekufaka imihlobohlobo yegolide, nome-ke ngekugcoka.

1 yaPhetro 3:3 Referencias Cruzadas

Genesisi 24:22

Yatsi kube icedze lentfombi kunatsisa emakamela, lendvodza yatsatsa indandatho yegolide leyayinesisindvo sencenye yelishekheli yayifaka ekhaleni lalentfombi; yatsatsa emajiva egolide labenesisindvo semashekheli lalishumi yawegabisa lentfombi emikhonweni,

Genesisi 24:47

Ngase ngiyambuta ngitsi: ‘Wena uyindvodzakati yabani?’ Wangiphendvula watsi: ‘Ngiyindvodzakati yaBethuweli, umsa waMilkha naNahori.’ Ngako-ke ngase ngimfaka lendandatho ekhaleni lakhe ngamegabisa nalamajiva emikhonweni yakhe.

Genesisi 24:53

Lenceku yakhipha tintfo tesiliva netegolide, netingubo, yatipha Rebheka. Yaphindze yapha umnakabo nenina tintfo letingemagugu.

2 Emakhosi 9:30

Jehu wase uya eJezreyeli. Watsi kube akuve loko Jezebeli, wapenda emehlo akhe, walungisa tinwele takhe, wase uvela ngelifasitelo.

Esta 5:1

Kwatsi ngelilanga lesitsatfu lekuzila Esta wembatsa imijiva yakhe yebukhosi, wahamba waze wayawungena ngekhatsi esihoncweni sendlunkhulu. Wangena ngemphundvu lemacondzana nemnyango wendlunkhulu. Inkhosi yayingekhatsi ihleti esihlalweni sayo sebukhosi imacondzana nemnyango.

Tihlabelelo 45:9

Emadvodzakati emakhosi asemkhatsini wetintfombi takho telikhetselo; nangesandleni sakho sangesekudla kume indlovukazi levunule tembatfo tegolide yase-Ofiri.

Eksodusi 3:22

Wonkhe longumfati wem-Israyeli uyawucela kumakhelwane wakhe, acele nome ngukumuphi umfati lohlala ekhaya kakhe kutsi amuphe timphahla tekwembatsa kanye nemihlobiso yesiliva neyegolide. Emadvodzana kanye nemadvodzakati enu ayawuhamba nato letintfo; niyakuwaphundla kanjalo-ke emaGibhithe.”

Eksodusi 32:2

Aroni wakhuluma kubo watsi: “Khumulani lamacici egolide lasetindlebeni tebafati benu, netemadvodzana enu, netemadvodzakati enu, niwaletse lapha kimi.”

Eksodusi 33:4

Batsi kube bantfu beve onkhe lamavi labuhlungu, bakhala bonkhe, bayikhumula imihlobiso yabo.

Eksodusi 35:22

Beta bonkhe lababenetinhlitiyo letivumako, labadvuna nalabasikati: baletsa tonkhe tinhlobo temhlobiso, letatentiwe ngegolide, baletsa ticobosho temhlobiso, nemacici, netindandatho, nebuhlalu bekwegaba. Bonkhe baletsa igolide yabo, kwaba ngumnikelo wekujikitiswa kuSimakadze.

Eksodusi 38:8

Besaleli wakha umgezelo kanye nesibunu sawo, kokubili wakwembesa ngelitfusi; wakwakha ngetibuko tebafati lababekhonta ekungeneni kwelithende lekuhlangana.

Isaya 52:1

Vuka, vuka, wena Siyoni, yembatsa emandla. Yembatsa tingubo takho tebukhosi, wena Jerusalema, dolobha lelingcwele. Labangakasoki nalabangcolile bangeke baphindze bangene emasangweni akho.

Isaya 61:10

Ngiyajabula kakhulu ngaSimakadze; umphefumulo wami uyajabula ngaNkulunkulu wami. Ngobe ungembatsise ngetingubo tensindziso, wangihlobisa ngemjiva wekulunga, njengemyeni ahlobisa inhloko yakhe njengemphristi, nanjengamakoti lotihlobise ngebuhlalu bakhe.

Jeremiya 2:32

Intfombi iyabukhohlwa yini buhlalu bayo lobuligugu, nome makoti imihlobiso yakhe nakashada? Noko sive sami singikhohlwe emalanga lamanyenti langeke abalwe.

Jeremiya 4:30

Wentani wena lobhidlitiwe? Utembatsiselani ngaletibovu klebhu wegabe nebuhlalu begolide? Emehlo akho uwagcobiseleni ngapende? Utihlobisela lite. Emashende akho ayakwedzelela, afuna kukubulala.

Hezekeli 23:40

“Badzimate batfumela titfunywa kutsi tilandze emadvodza labephuma khashane kakhulu, atsi kube efike wageza, wagezela wona, wapenda emehlo akho, wegaba imihlobiso yakho.

KubaseRoma 12:2

Ningalilingisi lelive, kodvwa niguculwe ngekwentiwa kabusha kwengcondvo yenu, khona nitekwati kuhlolisisa loko lokuyintsandvo yaNkulunkulu, nikwati lokuhle, nalokwemukelekako, nalokuphelele.

1 yaPhetro 3:2

nakabona similo senu lesimsulwa lesinekwesaba Nkulunkulu.