1 yaPhetro 3:17 - Siswati 1996 Bible

¹⁷ Ngobe kuncono kuhlupheka ngekwenta lokuhle, nakuyintsandvo yaNkulunkulu, kunekuhlupheka ngekwenta lokubi.

1 yaPhetro 3:17 Referencias Cruzadas

Matewu 26:39

Yena wachubeka libangana, wawa phansi ngebuso, athandaza atsi: “Babe, nakungenteka, yendlulise kimi lendzebe yelusizi. Kepha hhayi ngekufisa kwami, kodvwa kuye ngentsandvo yakho.”

Matewu 26:42

Waphindze wahamba futsi kwesibili wathandaza atsi: “Babe, nangabe lendzebe ingeke yendlule kimi ngingakayinatsi, akwenteke intsandvo yakho!”

Imisebenti yebaPhostoli 18:21

kodvwa nasabavalelisa watsi: “Ngitawubuye ngite kini, Nkulunkulu nakavuma.” Wantjweza ngemkhumbi losuka e-Efesu.

Imisebenti yebaPhostoli 21:14

Sehluleka kumvimbela, sase siyamyekela satsi: “Akwenteke intsandvo yeNkhosi!”

1 yaPhetro 1:6

Ngaloko-ke niyajabula, nome kwanyalo nisadzatjukiswa tilingo letitinhlobonhlobo.

1 yaPhetro 2:15

Ngobe Nkulunkulu ufuna kona loko kutsi nibavale imilomo labo labatilima, ngekutsi nente lokuhle.

1 yaPhetro 2:20

Sikhona yini sibusiso lenifanele kusitfola, nanibeketelela kushaywa, ngobe nente lokubi? Kepha nanibeketelela kuhlushwa, ngobe nente lokuhle, Nkulunkulu utawunibusisa ngako.

1 yaPhetro 3:14

Kepha nangabe nihlushwa ngenca yekwenta lokulungile, nibusisiwe. Ningesabi muntfu, ningakhatsateki.

1 yaPhetro 4:15

Kodvwa akubete kini lohlupheka ngobe angumbulali, nome lisela, nome lowenta lokubi, nome lotigaca etindzabeni talabanye bantfu.

1 yaPhetro 4:19

Ngako-ke labo labahlupheka ngekwentsandvo yaNkulunkulu abachubeke bente lokuhle, babeke imiphefumulo yabo kuMdali lowetsembekile.