1 yaPhetro 3:11 - Siswati 1996 Bible

¹¹ Akakhweshe kulokubi ente lokulungile; akajonge kuthula ngemandla akhe onkhe.

1 yaPhetro 3:11 Referencias Cruzadas

Jobe 1:1

Eveni lase-Usi kwakunendvodza, libito layo kunguJobe. Lendvodza yayimsulwa, ilungile, futsi imesaba Nkulunkulu, ikubalekela konkhe lokubi.

Jobe 2:3

Simakadze wabuta Sathane, watsi: “Uyibonile yini inceku yami Jobe? Kute namunye umuntfu longamtfola emhlabeni lofanana naye; umsulwa, ucotfo ngenhlitiyo, ungumuntfu lowesaba Nkulunkulu nalokubalekelako lokubi. Seloku usabambelele ekwetsembekeni kwakhe, nome wena bewungichukulusha ngekutsi ngimbhubhise ngaphandle kwesizatfu.”

Jobe 28:28

Wase ukhuluma kumuntfu, watsi: ‘Buka la, kwesaba Nkulunkulu libito lako kuhlakanipha. Kubalekela lokubi loko kukucondza.’ ”

Tihlabelelo 125:4

Simakadze, yenta lokuhle kulabo labalungile, bona labo labacotfo ngenhlitiyo.

Tihlabelelo 34:14

Khwesha kulokubi wente lokuhle; funisisa kuthula, ukubambisise.

Tihlabelelo 37:27

Khwesha ebubini, wente lokuhle; uhlale uphila njalonjalo.

Taga 16:17

Bantfu labalungile bahamba ngendlela lekugegako lokubi, ngekwenta loko basuke baphephisa timphilo tabo.

Taga 16:6

Ngekutinikela nekwetsembeka umuntfu uyawutfola kutsetselelwa, ngekwesaba Simakadze umuntfu uyawubalekela lokubi.

Taga 3:7

Ungatenti sihlakaniphi, yesaba Simakadze, ukuyekele lokubi.

Matewu 5:45

kuze nitewuba ngemadvodzana eYihlo losezulwini. Ngobe yena uphumisa lilanga lakhe kulababi nalabahle, anise imvula yakhe kulabalungile nalabangakalungi.

Matewu 5:9

Babusisiwe labalamulako, ngobe bayawutsiwa bantfwana baNkulunkulu.

Matewu 6:13

Ungasingenisi ekulingweni, kodvwa usisindzise kulokubi. [Ngobe umbuso wakho, nemandla, nebukhosi, kuze kube phakadze. Amen.]’

Makho 14:7

Labamphofu nihlala nabo onkhe emalanga, nome ngunini nanitsandzako ningabentela lokuhle; kodvwa mine aninawuhlala nami sonkhe sikhatsi.

Lukha 1:79

kuletse kukhanya kulabo labasebumnyameni nasetfuntini lekufa, acondzise tinyawo tetfu endleleni yekuthula.”

Lukha 6:35

Cha! Tsandzani titsa tenu nitentele lokuhle, nitjeleke ningabheki lutfo! Niyawuba nemvuzo lomkhulu ezulwini, nibe ngemadvodzana aLosetikwako Konkhe. Ngobe unemusa kulabangabongi nakulababi.

Lukha 6:9

Jesu wase utsi kubo: “Ase ngibute. Umtsetfo wetfu usivumela kutsi asenteni ngeliSabatha? Sisite nome silimate? Sisindzise imphilo yemuntfu nome siyibulale?”

Johane 17:15

Angiceli kutsi ubasuse eveni, kodvwa ngicela kutsi ubalondvolote bangatfunjwa nguLomubi.

KubaseRoma 12:18

Nakunekwenteka, yentani konkhe lokusemandleni enu kutsi nihlalisane ngekuthula nebantfu bonkhe.

KubaseRoma 14:17

Ngobe umbuso waNkulunkulu awusiko kudla nekunatsa, kepha ukulunga, nekuthula, nekujabula kuMoya Longcwele.

KubaseRoma 14:19

Ngako-ke, asilangatelele lokuletsa kuthula nekwakhana.

KubaseRoma 5:1

Njengobe sesentiwe semukeleka kuNkulunkulu kutsi silungile ngekukholwa, sesinekuthula naNkulunkulu ngeNkhosi yetfu Jesu Khristu.

KubaseRoma 7:19

Ngobe lokulungile lengitsandza kukwenta, angikwenti, kodvwa lokubi lengingafuni kukwenta, ngiyakwenta.

KubaseRoma 7:21

Ngako ngikhandza kutsi kunemtsetfo losebenta kimi: Nangifuna kwenta lokulungile, lokubi kunami shaqa.

KubaseRoma 8:6

Kunaka kwenyama kukufa, kodvwa kunaka kwaMoya kukuphila nekuthula.

KubaseGalathiya 5:22

Kodvwa titselo taMoya nguleti: lutsandvo, nekujabula, nekuthula, nekubeketela, nebubele, nekulunga, nekwetsembeka,

KubaseGalathiya 6:10

Ngako-ke njengobe sinematfuba nje, asente lokuhle kubo bonkhe bantfu, ikakhulu kubendlu yaketfu yekukholwa.

KubaseKholose 3:15

Kuthula kwaKhristu, lenabitelwa kuko emtimbeni munye, akubuse etinhlitiyweni tenu; futsi netayele kubonga.

1 kuThimothi 6:18

Ubatjele kutsi bente lokuhle, bacebe emisebentini lemihle, babelane, bephane.

KumaHebheru 12:14

Yetamani kuba nekuthula nabo bonkhe bantfu, nifune kungcweliswa, ngobe kute loyawuyibona iNkhosi angakangcweliswa.

KumaHebheru 13:16

Ningakuyekeli kwenta lokuhle nekuhlephunelana loko leninako, ngobe iminikelo lenjalo iyamtfokotisa Nkulunkulu.

YaJakobe 4:17

Ngako-ke lokwatiko kwenta lokuhle kodvwa angakwenti, uyona.

1 yaPhetro 3:12

Ngobe emehlo eNkhosi ayababona labalungile, netindlebe teNkhosi tiyayiva imithandazo yabo. Kodvwa iNkhosi iyemelana nalabo labenta lokubi.”

3 yaJohane 1:11

Wena lotsandzekako, ungasilandzeli sibonelo lesibi, kepha ubolandzela sibonelo lesihle. Umuntfu lowenta lokulungile waNkulunkulu; kepha umuntfu lowenta lokubi akazange asambone Nkulunkulu.

Tikhulu 11:14

Jeftha waphindza watfumela tigijimi enkhosini yema-Amoni,