1 yaPhetro 2:23 - Siswati 1996 Bible

²³ Kwatsi etfukwa, wangete waphindzisela ngenhlamba; kwatsi ahlushwa, wangete wasongela. Kodvwa watinikela kuNkulunkulu lowehlulela ngekulunga.

1 yaPhetro 2:23 Referencias Cruzadas

Genesisi 18:25

Akube khashane nawe kwenta intfo lenje! Ungababhubhisi labalungile kanye nalababi, bese labalungile baba njengalabangakalungi! Akube khashane nawe loko. Angeke yini umehluleli wemhlaba wonkhe ente kulunga?”

Tihlabelelo 10:14

Kantsi wena uyabona, ngobe tinhlupheko netinsizi uyakunaka, kuze ukufumbatse ngetandla takho. Lohluphekile utinikela kuwe, ngobe wena ungumsiti wetintsandzane.

Tihlabelelo 31:5

Nginikela umoya wami esandleni sakho, ungihlengile wena Simakadze; unguNkulunkulu lowetsembekile.

Tihlabelelo 37:5

Nikela indlela yakho kuSimakadze, umetsembe, yena-ke uyawukutsatsela tinyatselo.

Tihlabelelo 7:11

Nkulunkulu ungumehluleli lolungile, yena unguNkulunkulu lophambana nebubi onkhe emalanga.

Tihlabelelo 96:13

embikwaSimakadze, ngobe uyeta, yebo, uyeta kutakwehlulela umhlaba. Uyakwehlulela umhlaba ngekulunga, yebo, ehlulele tive ngekwetsembeka kwakhe.

Isaya 53:7

Yacindzetelwa, yahlushwa, kodvwa ayizange iwuvule umlomo wayo; yaba njengelizinyane lemvu leliyiswa ekuhlatjweni, nanjengemvu lebindzile embikwebahhuli bayo, nayo ayizange iwuvule umlomo wayo.

Lukha 23:41

Noko, setfu silungile, ngobe sitfola loko lokusifanele ngalesikwentile; kodvwa yena kute lakonile.”

Lukha 23:46

Jesu wakhala ngelivi lelikhulu watsi: “Babe! Ngibeka umoya wami etandleni takho!” Wakusho loko wase uyafa.

Lukha 23:9

Ngako-ke Herodi wabuta Jesu imibuzo leminyenti, kodvwa Jesu akazange atsi vu.

Imisebenti yebaPhostoli 17:31

ngobe umisile lilanga lapho ayakwehlulela khona umhlaba wonkhe ngeliciniso lelimsulwa ngemuntfu munye lamkhetsile; ngaye sewuvete siciniseko kubantfu bonkhe ngekutsi amvuse kulabafile.”

Imisebenti yebaPhostoli 4:29

“Manje-ke, Nkhosi, ake ubukisise lokusesabisa kwabo bese uyasivumela, tsine tinceku takho, kutsi sikhulume livi lakho ngaso sonkhe sibindzi.

Imisebenti yebaPhostoli 7:59

Basachubeka bamgcoba ngematje Stefano, wakhala ngelivi lelikhulu watsi: “Nkhosi Jesu, yemukela umoya wami.”

Imisebenti yebaPhostoli 9:1

Ngaso lesikhatsi Sawula abesachubeka ngekusongela nekubulala bafundzi beNkhosi. Waya kumPhristi Lomkhulu.

KubaseRoma 2:5

Kodvwa ngebulukhuni nangenkhani yekungaphendvuki kwenhlitiyo yakho, utibekela lulaka lube lukhulu ngelilanga lelulaka. Ngalelo langa iyawukhanya indlela Nkulunkulu lehlulela ngayo kutsi imsulwa.

Kubase-Efesu 6:9

Baphatsi, nani yentani njalo kuto tisebenti tenu, niyekele kutisongela, nati kutsi iNkhosi yenu neyato isezulwini, nekutsi yona ayikhetsi muntfu.

2 kubaseThesalonika 1:5

Loku kusibonelo lesikhanyako ngekwehlulela kwaNkulunkulu lokunekulunga, nize nitfolakale ningulabafanele umbuso waNkulunkulu wona lowo leniwuhluphekelako.

2 kuThimothi 1:12

kungako nje ngihlupheka nanyalo. Kodvwa ngite emahloni, ngobe ngiyamati lengetsembele kuye, futsi ngineliciniso kutsi yena unawo emandla ekukulondvolota loko lakubeke kimi, kuze kube ngalelo langa.

2 kuThimothi 4:8

Manje sengihlalelwe kutfola umchele wekulunga, lengibekelwe wona yiNkhosi, uMehluleli lolungile. INkhosi iyawunginika lowo mchele ngalelo langa, hhayi mine kuphela kodvwa bonkhe labetsabele kubuya kwayo.

KumaHebheru 12:3

Mkhumbuleni yena lowo lowacinisela, nome toni setimhlukumeta ngenca yenzondo. Nanimkhumbula-ke, ningeke nidzinwe nome nidzangale etinhlitiyweni tenu.

1 yaPhetro 3:9

Ningaphindziseli lokubi ngalokubi, nome inhlamba ngenhlamba; kodvwa esikhundleni saloko busisani, ngobe nabitelwa loko kutsi nidle lifa lekubusiswa.

1 yaPhetro 4:19

Ngako-ke labo labahlupheka ngekwentsandvo yaNkulunkulu abachubeke bente lokuhle, babeke imiphefumulo yabo kuMdali lowetsembekile.

Sembulo 19:11

Ngase ngibona lizulu livulekile, bekunelihhashi lelimhlophe. Lona bekaligibele abebitwa ngekutsi nguLotsembekile naLiciniso; umsulwa ekwehluleleni kwakhe nasekulweni kwakhe.