1 yaPhetro 2:1 - Siswati 1996 Bible

¹ Ngako lahlani bonkhe bubi, nebucili bonkhe, nekutentisa, nemona, nako konkhe kuhleba.

1 yaPhetro 2:1 Referencias Cruzadas

Jobe 36:13

“Labangamesabi Nkulunkulu bafukamela lulaka, ngisho nome asababopha ngetinketane, abakhali bacele lusito.

Tihlabelelo 32:2

Ubusisiwe umuntfu Nkulunkulu langambaleli tiphambuko takhe, lonenhlitiyo lete inkhohliso.

Tihlabelelo 34:13

Lowo-ke akagcine lulwimi lwakhe ebubini, netindzebe takhe tingakhulumi emanga.

Tihlabelelo 37:1

Ungatihluphi ngalababi, ungahawukeli kulabenta lokubi.

Tihlabelelo 73:3

Ngobe nganginemona nalabatigcabhako, ngesikhatsi ngibona kuchuma kwalababi.

Taga 14:30

Ingcondvo lenekuthula iletsa imphilo emtimbeni; kodvwa umona ufanana nekubola kwematsambo.

Taga 24:1

Ungabi namona nebantfu lababi, futsi ungafisi kutsi babe bangani bakho.

Taga 24:19

Ungahlupheki ngebantfu lababi, ungabi namona nabo;

Taga 3:31

Ungabi namhawu ngemuntfu losidlova; ungacali ukhetse ngisho nome yinye yetindlela takhe.

Isaya 2:20

Ngalelo langa bantfu bayawulahla tithico tabo emagundvwaneni nasemalulwaneni; yebo, tithico tabo tesiliva kanye netithico tabo tegolide, lababetentele kutikhonta.

Isaya 30:22

Niyawube seniyatedzelela letithico tenu letembeswe ngesiliva, naletitfombe tenu letimbonywe ngegolide, niyakutilahla khashane, kube shangatsi tidvwedvwe letingcolile, nitsi kuto: “Sukani la.”

Matewu 15:7

Batentisi, waphrofetha kahle ngani Isaya nakatsi:

Matewu 23:28

Kanjalo nani nibonakala nilungile emehlweni ebantfu, kodvwa ngekhatsi nigcwele kutentisa nekuphambana nemtsetfo.”

Matewu 24:51

Iyawusijezisa kakhulu kanye nebatentisi. Lapho kuyawuba khona kukhala nekugedletelisa ematinyo.”

Matewu 7:5

Mtentisi, cala kucala ukhiphe lugodvo lolusesweni lakho, emvakwaloko-ke utakubonisisa kahle kutsi ukhiphe lutsi lolusesweni lwemzalwane wakho.

Makho 12:15

Kodvwa Jesu abati kahle bumbulu babo, watsi kubo: “Ningilingelani? Ase ningikhombise loluhlavu lwemali.”

Lukha 11:44

Maye kini! Ninjengemadliza langasabonakali, nebantfu sebahamba etikwawo ngobe bangasawaboni.”

Lukha 12:1

Tatsi lapho ticumbi tebantfu tisondzela madvutane, bantfu banyatselana ngenca yebunyenti, Jesu wase utsi kubafundzi bakhe kucala: “Caphelani imvubelo yebaFarisi yekutentisa.

Lukha 6:42

Ungasho kanjani kumzalwane wakho kutsi: ‘Awu, mzalwane, ase ngikukhiphe nalu lutsi esweni lakho’? Mtentisi! Cala kucala ukhiphe lugodvo lolusesweni lakho, khona utabe sewuyakwati kukhipha lutsi lolusesweni lemzalwane wakho.”

Johane 1:47

Jesu wabona Nathanayeli eta kuye, wakhuluma ngaye watsi: “Bheka, nango-ke um-Israyeli wangempela, lekute bucili kuye.”

KubaseRoma 1:29

Bagcwele tonkhe tinhlobo tebubi: kona, nekuhawukela, nekuzindlekela; bagcwele umona, nekubulala, nekulwa, nemacebo, nebucili, nenhlebo.

1 kubaseKorinthe 14:20

Bazalwane, ningaboba bantfwana ekucabangeni, kodvwa ebubini niboba tinswane, ekucabangeni nibe ngulabakhule impela.

1 kubaseKorinthe 5:8

Ngako-ke asigubhe umkhosi wetfu, hhayi ngembiliso lendzala yekushinga nebubi, kodvwa ngesinkhwa lesite imbiliso, lesinebucotfo neliciniso.

2 kubaseKorinthe 12:20

Ngobe ngesaba kutsi mhlawumbe ngiyawutsi ngiyefika lapho kini nginikhandze ningesiko loko lengibheke kutsi nibe ngiko, nami ningikhandze ngingesiko loko lenibheke kutsi ngibe ngiko. Ngesaba kutsi mhlawumbe kunekulwa, nemona, nekutfukutsela, nebugovu, nenkhani, nenhlebo, nekutatisa, nesiphitsiphitsi.

Kubase-Efesu 4:31

Konkhe lokubabako, nelulaka, nekutfukutsela, nemsindvo, nekuhlambalata akususwe kini, kanye nako konkhe lokubi.

1 kubaseThesalonika 2:3

Ngobe kushumayela kwetfu akusiko kwekuduka, nekwekungcola, nekwebucili.

1 kuThimothi 3:11

Kanjalo futsi nalabasikati bafanele kuzitsa, bangahlebi, batitsibe, betsembeke kuko konkhe.

kuThithusi 2:3

Kanjalo nabomake labadzala ubayale kutsi bahlonipheke ngesimilo, bangabi tinhlebi nome tigcili tekudzakwa, kufanele babe bafundzisi balokulungile.

KumaHebheru 12:1

Ngako-ke, njengobe situngeletwe sicumbi lesikhulu kangaka sabofakazi, asilahle konkhe lokusindzako, nesono lesigigelana njengelwanca. Asigijime ngekucinisela kulomncintiswano losembikwetfu,

YaJakobe 1:21

Ngako-ke lahlani yonkhe insila nalokubi lose kukunyenti, nemukele ngekutitfoba livi lelihlanyelwe kini, ngobe linemandla ekusindzisa imiphefumulo yenu.

YaJakobe 3:14

Kepha naninemona lobabako, nembango etinhlitiyweni tenu, ningatigabatisi; ngobe ngaloko liciniso nilenta emanga.

YaJakobe 4:11

Bazalwane, ningahlebani. Lowo lohleba umzalwane nome ehlulele umzalwane wakhe, uhleba umtsetfo ehlulele umtsetfo. Nangabe wehlulela umtsetfo, awusiye umenti wemtsetfo, kodvwa ungumehluleli wawo.

YaJakobe 4:5

Nome-ke nicabanga kutsi kulite yini loku lokushiwo ngumBhalo, kutsi: “LoMoya, lambeka kitsi Nkulunkulu uyafutselana, kantsi futsi unesikhwele ngatsi”?

YaJakobe 5:9

Bazalwane, ningasolani, khona ningetikwehlulelwa; nangu uMgwebi aseme emnyango.

1 yaPhetro 2:16

Nitiphatse njengebantfu labakhululekile, kodvwa ningakusebentisi kukhululeka kwenu kube simbonyo salokubi; kodvwa tiphatseni njengetinceku taNkulunkulu.

1 yaPhetro 2:22

UmBhalo utsi ngaye: “Akazange asasente sono, nasemlonyeni wakhe akuzange sekuphume emanga.”

1 yaPhetro 3:10

Ngobe umBhalo utsi: “Lowo lotsandza kuphila nekubona emalanga lamahle, akabambe lulwimi lwakhe kulokubi, nemlomo wakhe ekukhulumeni inkhohliso.

1 yaPhetro 4:2

Ngako ngesikhatsi nisesemhlabeni, ningabe nisaphila ngetinkhanuko talelive, kodvwa ngentsandvo yaNkulunkulu.

1 yaPhetro 4:4

Ayamangala kutsi anisahambisani ngani nawo kulomsindvo wekutiphatsa kabi, ayanetfuka.

Sembulo 14:5

Akuzange sekutfolakale emanga emilonyeni yabo, abanasici.