1 yaPhetro 1:8 - Siswati 1996 Bible

⁸ Niyamtsandza, nome ningazange senimbone; niyakholwa kuye nome ningakamboni, futsi nitfokota ngenjabulo lengenawuchazeka ngemavi emlomo,

1 yaPhetro 1:8 Referencias Cruzadas

Ingoma Yetingoma 1:7

Ngitjele-ke, wena lengikutsandzako, ngukuphi lapho udlisa khona umhlambi wakho, nalapho tihlabulela khona timvu takho emini. Kudzingeke ngani kutsi ngifanane nemfati longaphansi kweveyili, ngehle ngenyuka ngasemihlambini yebangani bakho?

Ingoma Yetingoma 5:16

Umlomo wakhe ukunongotela cobo lwako; yena empeleni muhle ngalokuphelele. Lowo-ke ngulongitsandzako wami, ungumngani wami, nine madvodzakati aseJerusalema.

Ingoma Yetingoma 5:9

Unjani yena lona lotsandzekako wakho, uncono yini kunalabanye, wena lomuhle kunabo bonkhe besifazane? Kantsi lomkhwenyane wakho muhle kwendlula bonkhe yini, lokwekutsi ungaze usitjele kanjalo?

Matewu 10:37

“Lotsandza uyise nome unina kwengca mine, akangifaneli; nalotsandza indvodzana yakhe nome indvodzakati yakhe kwengca mine, akangifaneli.

Johane 14:15

“Naningitsandza, nitawugcina imiyalo yami.

Johane 14:21

“Lowo lonemiyalo yami futsi ayigcine, nguye-ke longitsandzako. Lowo lotsandza mine uyawutsandvwa nguBabe, nami ngiyawumtsandza ngitibonakalise kuye.”

Johane 14:24

Umuntfu longangitsandzi mine, akawagcini emavi ami. Lamavi leniwevile akasiwo emavi ami, kodvwa ngaBabe longitfumile.

Johane 16:22

Kunjalo-ke nakini, kwamanje niselusizini, kodvwa ngitawuphindze nginibone futsi, tinhlitiyo tenu tiyawujabula kakhulu. Kute futsi umuntfu loyakunemuka loko kujabula kwenu.

Johane 20:29

Jesu watsi kuye: “Uyakholwa ngobe sewungibonile? Maye, babusisiwe labo labakholwa bangakaboni!”

Johane 8:42

Jesu watsi kubo: “Kube Nkulunkulu abenguYihlo, ngabe niyangitsandza mine, ngobe ngefika ngiphuma kuNkulunkulu. Angikamane ngatitela nje, kepha ngitfunywe nguye.

Imisebenti yebaPhostoli 16:34

Wenyusela boPawula naSilasi endlini yakhe wabapha kudla, badla. Yena nebendlu yakhe bajabula kakhulu, ngobe bese bakholwe kuNkulunkulu.

KubaseRoma 14:17

Ngobe umbuso waNkulunkulu awusiko kudla nekunatsa, kepha ukulunga, nekuthula, nekujabula kuMoya Longcwele.

KubaseRoma 15:13

Shangatsi Nkulunkulu, longumtfombo welitsemba, anganigcwalisa ngako konkhe kujabula nekuthula ekukholweni, kuze niphuphume etsembeni ngemandla aMoya Longcwele.

1 kubaseKorinthe 16:22

Nangabe umuntfu angayitsandzi iNkhosi, akabe ngulocalekisiwe Wota Nkhosi!

2 kubaseKorinthe 1:22

wasibeka luphawu lwakhe tsine; wasipha Moya wakhe, etinhlitiyweni tetfu, losibambiso saloko lokutako.

2 kubaseKorinthe 12:4

kutsi wenyuselwa ePharadisi lapho efike weva tintfo letiyimfihlo, kangangekutsi kute umuntfu lekufanele atikhulume.

2 kubaseKorinthe 4:18

Tsine asibheki lokubonakalako kodvwa lokungabonakali, ngobe loko lokubonakalako kwesikhashana nje, kepha loko lokungabonakali kwaphakadze.

2 kubaseKorinthe 5:7

Siphila ngekukholwa, hhayi ngekubona.

2 kubaseKorinthe 9:15

Akabongwe Nkulunkulu ngesipho sakhe lesingachazeki.

KubaseGalathiya 5:22

Kodvwa titselo taMoya nguleti: lutsandvo, nekujabula, nekuthula, nekubeketela, nebubele, nekulunga, nekwetsembeka,

KubaseGalathiya 5:6

Ngobe kuKhristu Jesu kusoka nekungasoki akunamsebenti, kodvwa kuphela kukholwa lokusebenta ngelutsandvo.

Kubase-Efesu 3:19

yebo, nekulwati lutsandvo lwakhe lolwendlula konkhe kwati, kuze ngigcwaliswe kube kuphelela konkhe kwaNkulunkulu.

Kubase-Efesu 6:24

Umusa awube nabo bonkhe labatsandza iNkhosi yetfu Jesu Khristu ngelutsandvo lolungapheli.

KubaseFiliphi 1:25

Kuloko ngineliciniso, futsi nginelitsemba lekutsi ngisetawuphila. Ngisetawuhlala nani nonkhe nginisite kutsi nikhule ekukholweni kwengeteke injabulo yenu,

KubaseFiliphi 3:3

Ngitsi labasoke sibili, tsine lesikhonta ngaMoya waNkulunkulu, sitibonga kuKhristu Jesu, asetsembeli enyameni,

KubaseFiliphi 4:4

Tfokotani eNkhosini njalonjalo. Ngiyaphindza futsi ngitsi: Tfokotani.

KumaHebheru 11:1

Kukholwa kukuciniseka ngetintfo lesetsembele kuto, kukweneliseka ngetintfo lesingakatiboni.

KumaHebheru 11:27

Ngekukholwa Mosi wesuka eGibhithe, angesabi kutfukutsela kwenkhosi yakhona; wacinisela kwaba shangatsi uyambona longabonwa.

1 yaPhetro 1:6

Ngaloko-ke niyajabula, nome kwanyalo nisadzatjukiswa tilingo letitinhlobonhlobo.

1 yaPhetro 2:7

Ngako-ke kini lenikholwako liligugu; kodvwa kulabo labangakholwa umBhalo utsi: “Lelitje lelaliwa bakhi seligucuke laba litje lekusimisa indlu.”

1 yaPhetro 5:4

Mhlazana kubonakala uMelusi Lomkhulu, niyakwemukela umchele webukhosi longagugi.