1 yaPhetro 1:7 - Siswati 1996 Bible

⁷ Injongo yaletilingo kutsi kukholwa kwenu kuvivinywe, kuze kubonakale bungiko bako. Ngisho negolide lebhubhako ihlolisiswa ngemlilo bungiyo bayo, kanjalo-ke nekukholwa kwenu lokuligugu kunegolide kufanele kutsi kuvivinywe bungiko bako. Khona-ke niyawutfola kubongwa, nebukhosi, neludvumo ekwembulweni kwaJesu Khristu.

1 yaPhetro 1:7 Referencias Cruzadas

Jobe 23:10

Kodvwa yena uyayati indlela lengiyitsatsako; utawutsi angangivivinya, ngiphume sengiyigolide.

Jobe 28:1

“Ukhona umgodzi wekutapa isiliva, yebo, ikhona nendzawo lapho kucengisiswa khona igolide.

Tihlabelelo 17:3

Uvivinye inhlitiyo yami, wangivakashela utengihlolisisa ebusuku, kepha awutfolanga lutfo lolubi kimi. Nome ngicabange lokubi, kodvwa umlomo wami awuzange ukhulume lokubi.

Taga 16:16

Kuncono kuzuza kuhlakanipha kunekuzuza igolide; kuncono nekukhetsa kucondza kunekuzuza isiliva.

Taga 17:3

Isiliva negolide kuhlolisiswa ngemlilo, kodvwa Simakadze uvivinya tinhlitiyo tebantfu.

Taga 8:19

Labakutfola kimi kuncono kunegolide lecengiwe, sitselo sami sendlula isiliva lecengiwe.

Umshumayeli 5:14

nome-ke lomcebo bese ulahleka ngelishwa lelitsite, nendvodzana yalomnikati ingasatfoli lutfo.

Isaya 48:10

Bukani la, nginicolisisile, noko hhayi njengesiliva; nginivivinyile ngemlilo wetinhlupheko.

Jeremiya 48:36

“Ngako inhlitiyo yami ikhala njengemntjingozi, ikhalela iMowabi, intjilota njengemntjingozi ngenca yemadvodza aseKhiri Heresi. Umcebo labewutfola awusekho.

Jeremiya 9:7

Ngako-ke naku lokushiwo nguSimakadze longuSomandla, utsi: “Buka la, ngitabavivinya ngibacolisise, ngobe yini lenye lengingayenta macondzana nesono sebantfu bami?

Zakhariya 13:9

Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”

Malakhi 3:3

Uyawuhlala njengemcengi nanjengemhlanti wesiliva; uyawuhlanta emaLevi awacenge njengegolide nesiliva. Simakadze uyawuba nemadvodza layawuletsa iminikelo ngekulunga,

Numeri 5:28

Kodvwa nangabe lomfati angakatingcolisi angenacala, angeke alimale, kantsi futsi utawuchubeka atale bantfwana.

Matewu 19:28

Jesu watsi kubo: “Ngicinisile, ngitsi kini: Nine leningilandzelako, kuyawutsi nakudalwa kabusha tintfo tonkhe, ngesikhatsi iNdvodzana yeMuntfu seyihleti esihlalweni senkhatimulo yebukhosi bayo, nani niyawuhlala etihlalweni tebukhosi letili-12, nehlulele tive letili-12 taka-Israyeli.

Matewu 25:21

Inkhosi yaso yatsi kuso: ‘Wente kahle, sisebenti lesihle nalesetsembekile; wetsembekile etintfweni letincane, ngako ngitakubeka wengamele lokunyenti. Ngena ekujabuleni kwenkhosi yakho!’

Matewu 25:23

Inkhosi yaso yatsi kuso: ‘Wente kahle, sisebenti lesihle nalesetsembekile; wetsembekile etintfweni letincane, ngako ngitakubeka wengamele lokunyenti. Ngena ekujabuleni kwenkhosi yakho!’

Lukha 12:33

Tsengisani ngako konkhe leninako, bese nabela labeswele. Tiphatseleni tipatji letingagugi, nigcine umcebo wenu ezulwini, lapho ungeke unciphe khona, kute nelisela lelingefika kuwo, kute ngisho nemvunya longawudla.

Lukha 17:30

Kuyawuba njalo nangelilanga leyiyakwembulwa ngalo iNdvodzana yeMuntfu.

Johane 12:26

Lowo losikhonti sami akangilandzele, lapho ngikhona khona mine nesisebenti sami siyawuba khona. Losikhonti sami uyawutuswa nguBabe.”

Johane 5:44

Ningakholwa kanjani nine nidvumisana nodvwana nje, ningalufuni ludvumo loluvela kuNkulunkulu, lokunguye yedvwa?

Imisebenti yebaPhostoli 8:20

Kodvwa Phetro waphendvula watsi: “Wena nemali yakho hamba uyekufa; ucabanga kutsi ungatsenga sipho saNkulunkulu ngemali?

KubaseRoma 2:10

Kepha kuyawuba khona inkhatimulo, neludvumo, nekuthula kubo bonkhe labenta lokuhle, kucale emaJuda bese-ke kulandzela betive.

KubaseRoma 2:29

Kodvwa umJuda weliciniso ngumuntfu longumJuda ngekhatsi, lokusho kutsi, usoke enhlitiyweni ngaMoya, hhayi ngalokubhaliwe. Umuntfu lonjalo-ke ubongeka kuNkulunkulu, hhayi kubantfu.

KubaseRoma 2:7

Labanye bantfu bachubeka benta lokuhle, bafuna tibusiso, neludvumo nekuphila lokungabhubhi; labo-ke Nkulunkulu uyawubanika kuphila lokuphakadze.

KubaseRoma 8:19

Indalo yonkhe ilindzele ngekulangatelela lokukhulu kutsi Nkulunkulu embule emadvodzana akhe.

1 kubaseKorinthe 3:13

Kepha umsebenti walowo nalowo uyawuvela ebaleni; ngobe lilanga leNkhosi liyakuwuhlakata liwembule ngemlilo. Yebo, kuyawuhlolwa ngemlilo kutsi umsebenti walowo nalowo unjani.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

YaJakobe 1:12

Ubusisiwe umuntfu lociniselako ekulingweni; ngobe nasaphumelele ekuvivinyweni kwakhe, uyakwemukeliswa umchele wekuphila lowetsenjiswa yiNkhosi kulabo labayitsandzako.

1 yaPhetro 1:13

Ngaloko-ke bophani tinkhalo tengcondvo yenu, nititsibe, netsembe ngalokuphelele umusa lenitakwabelwa wona ekwembulweni kwaJesu Khristu.

1 yaPhetro 1:5

Nkulunkulu uyawunigcina ngemandla akhe, njengobe nimetsemba, kube kusindziswa lokutakwembulwa ngesikhatsi sekugcina.

1 yaPhetro 2:4

Sondzelani eNkhosini, ngobe yona ilitje leliphilile lelaliwa bantfu, batsi alinamsebenti, kepha lakhetfwa nguNkulunkulu njengelitje leliligugu.

1 yaPhetro 2:7

Ngako-ke kini lenikholwako liligugu; kodvwa kulabo labangakholwa umBhalo utsi: “Lelitje lelaliwa bakhi seligucuke laba litje lekusimisa indlu.”

1 yaPhetro 4:12

Batsandzekako, ningamangaliswa ngulokuvivinywa lokubuhlungu kakhulu lokunikhantingako, kube shangatsi nehlelwa yintfo lengakavami.

1 yaPhetro 4:13

Kodvwa tfokotani, ngobe ninesabelo etinhluphekweni taKhristu, kuze kutsi nitfokote kakhulu nakwembulwa bukhosi bakhe.

1 yaPhetro 5:1

Ngako ngiyabancenga babonisi labasemkhatsini wenu, njengobe nami ngingumbonisi kanye nabo, ngingufakazi wetinhlupheko taKhristu, nemhlanganyeli ebukhosini lobutakwembulwa, ngitsi:

2 yaPhetro 1:1

Lencwadzi iphuma kuSimoni Phetro, inceku nemphostoli waJesu Khristu. Iya kini lenemukele kukholwa lokuligugu njengekwetfu. Nikwemukele ngekulunga kwaNkulunkulu neMsindzisi wetfu Jesu Khristu.

2 yaPhetro 1:4

Ngaleyo ndlela siphiwe tetsembiso letiligugu naletikhulukati, kuze kutsi ngato nibe nenhlanganyelo nesimo sebuNkulunkulu, niphunyule ekubhujisweni kwelive lese lokheleke etinkhanukweni.

2 yaPhetro 3:14

Ngako-ke, batsandzekako, njengobe nisalindzele leto tintfo, yentani konkhe lokusemandleni enu, kutsi anikhandze ninekuthula, ningenasici ningenabala.

YaJuda 1:24

Kuye lonemandla ekunigcina, ningete nakhubeka, kuze aniletse ebukhosini bakhe, nite licala, nitfokota kakhulu,

Sembulo 1:7

Lalelani la, uyeta ngemafu, onkhe emehlo ayawumbona, ngisho nabo bonkhe labamgwaza, nato tonkhe tive temhlaba tiyawukhala tilile ngaye. Yebo, akube njalo. Amen.

Sembulo 2:10

Ungakwesabi loko lotakuhluphekela. Buka la, Sathane utawufaka labanye benu ejele, kuze nitewuvivinywa; nitawuhlushwa emalanga lalishumi. Yetsembeka kuze kube ngusekufeni, ngiyawukupha umchele wekuphila.

Sembulo 3:10

Njengobe uligcinile livi lami lekucinisela ngekubeketela, ngitakugcina ngesikhatsi sekulingwa lesitawufika emhlabeni wonkhe, sitewulinga bonkhe labo labahlala emhlabeni.

Sembulo 3:18

Ngako-ke ngiyakuyala kutsi utsenge kimi igolide lelolongwe ngemlilo, khona utewuceba, utsenge tingubo letimhlophe tekwembatsa, khona utewufihla bungcunu bakho kutsi bungabonakali, utsenge nemutsi wekugcobisa emehlo akho kutsi ubone.

1 Samuweli 2:30

“Ngaloko-ke Simakadze, Nkulunkulu wema-Israyeli, ukhuluma utsi: ‘Ngetsembisa ngatsi indlu yakho nendlu yeyihlo iyawukhonta embikwami phakadze naphakadze.’ Kodvwa nyalo Simakadze utsi: ‘Kungeke kusaba njalo! Ngobe labo labangihloniphako ngiyakubahlonipha, kodvwa labo labangedzelelako nabo bayakwedzeleleka.