1 yaPhetro 1:25 - Siswati 1996 Bible

²⁵ Kodvwa livi leNkhosi limile, kuyawudzimate kube phakadze.” Lelivi ngilo lelo lelashunyayelwa kini.

1 yaPhetro 1:25 Referencias Cruzadas

Tihlabelelo 102:12

Kodvwa wena, Simakadze, uyawuba khona kuze kube phakadze. Uyawukhunjulwa titukulwane ngetitukulwane.

Tihlabelelo 102:26

Kuyakwendlula konkhe, wena uhlale unjalo nje, konkhe kuyawuguga njengengubo. Yebo, njengengubo uyawukugucula kusakateke.

Tihlabelelo 119:89

Yebo, Simakadze, livi lakho lime kuze kube phakadze, lime licinile ezulwini.

Isaya 40:6

Livi litsi: “Memeta.” Mine ngitsi: “Ngimemete kutsini?” “Bonkhe bantfu banjengetjani, nako konkhe kudvuma kwabo kunjengembali yesiganga.

Isaya 40:8

Tjani buyabuna, netimbali tiyahhohloka, kodvwa livi laNkulunkulu wetfu limile kuze kube nguphakadze.”

Matewu 5:18

“Ngicinisile, ngitsi kini: Kuyakudzimate kwendlule lizulu nemhlaba seloku kute ngisho nalelincane nje lichashatana lelitawususwa emtsetfweni, kuze kufezeke konkhe.

Lukha 16:17

kodvwa kulula kutsi lizulu nemhlaba kwendlule kunekutsi lichashatana lemtsetfo lendlule liphele.

Johane 1:1

Ekucaleni kungakadalwa lutfo, abevele akhona Livi. Livi abekuNkulunkulu, Livi abenguNkulunkulu.

Johane 1:14

Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.

1 kubaseKorinthe 2:2

Ngobe ngatimisela kutsi angiyikwati lutfo lolunye emkhatsini wenu ngaphandle kwaJesu Khristu, naye ngimati abetselwe esiphambanweni.

Kubase-Efesu 2:17

Weta washumayela liVangeli lekuthula kini lebenikadze nikhashane, yebo, kuthula nakubo labo lababesedvute.

Kubase-Efesu 3:8

Mine, nome ngingulomncane kunabo bonkhe labangcwele, ngaphiwa lowo musa wekushumayela kubetive liVangeli lemcebo waKhristu longenawuphenyeka.

kuThithusi 1:3

Kodvwa ngesikhatsi lesifanele sekubonakaliswe evini lakhe ngekushumayela lengiphatsiswe kona mine ngekwemyalo waNkulunkulu, uMsindzisi wetfu.

KumaHebheru 6:5

Labo-ke labanambitse kulunga kwelivi laNkulunkulu baweva nemandla ekuphila lokutako,

1 yaPhetro 1:12

Bona bembulelwa kutsi tiphrofetho tabo tatingakacondzani nabo, taticondzene nani, njengobe babekhuluma ngaloko nani lese nikuve ngalabo labanishumayela liVangeli ngaMoya Longcwele lophuma ezulwini. Ngisho netingilosi tiyafisa kutibona letintfo.

1 yaPhetro 1:23

Phela senitelwe kabusha ngelivi laNkulunkulu lelingabhubhi, kodvwa leliphila phakadze naphakadze.

1 yaPhetro 2:2

Njengebantfwana labasandza kutalwa, langatelelani lubisi lwaMoya loluhlantekile nalolungakabhicwa nalutfo, lolulivi laNkulunkulu, lenitawutsi ngekulunatsa nikhule, nize nisindziswe.

2 yaPhetro 1:19

Ngaleyo ndlela livi lesiphrofetho laciniswa kancono kitsi. Nani nitawube nente kahle, nanililalele, naliva lakhanya njengesibane lesikhanya ebumnyameni, kuze kube ngusentsatsakusa nenkhanyeti yekusa ibonakale etinhlitiyweni tenu.

1 yaJohane 1:1

Lowo labekhona kusukela ekucaleni, lesamuva, nalesambona ngemehlo etfu, sambuka, samphatsa ngetandla tetfu bekunguLivi lekuphila.

1 yaJohane 1:3

Lowo lesambona samuva simemetela yena nakini, kuze nani nibe nebudlelwane kanye natsi. Tsine-ke sinebudlelwane neYise kanye neNdvodzana yakhe lenguJesu Khristu.

Sembulo 14:6

Ngase ngibona lenye ingilosi indiza emkhatsini esibhakabhakeni, iphetse liVangeli lelingunaphakadze lekushunyayelwa kulabo labahlala emhlabeni, etiveni tonkhe, nasemindenini yonkhe, nasetilimini tonkhe, nakubantfu bonkhe.