1 yaPhetro 1:20 - Siswati 1996 Bible

²⁰ Yena watinchanti, live lisengakasekelwa, kodvwa wabonakaliswa kuletikhatsi tekugcina ngenca yenu.

1 yaPhetro 1:20 Referencias Cruzadas

Genesisi 3:15

Ngitawubeka butsa emkhatsini wakho nemfati, nasemkhatsini wentalo yakho nentalo yemfati. Yona iyawufihlita inhloko yakho, wena uyawuluma sitsendze sayo.”

Taga 8:23

Ngemiswa phakadze, ekucaleni, umhlaba ungakadalwa.

Mikha 5:2

Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”

Matewu 25:34

“Lapho-ke iNkhosi iyawutsi kulabo labangesekudla sayo: ‘Wotani, nine lenibusiswe nguBabe! Wotani nitewudla lifa lembuso, lenawulungiselelwa seloku kwasekelwa umhlaba.

Imisebenti yebaPhostoli 2:23

Nkulunkulu ngekwatinchanti kwakhe nangentsandvo yakhe abesakumisile kutsi Jesu uyawuniketwa kini; nine-ke nambulala ngekumbetsela esiphambanweni ngetandla tetoni.

KubaseRoma 3:25

Nkulunkulu wamnikelela kutsi abe yinhlawulo ngengati yakhe; lenhlawulo-ke yemukeleka ngekukholwa. Ngalendlela Nkulunkulu sewubonakalise kulunga kwakhe ngekutsi ngaJesu ahlawule tono letatentiwa kadzeni Nkulunkulu angakatehluleli,

KubaseRoma 8:29

Ngobe labo labatinchanti Nkulunkulu wabakhetsanchanti kutsi babe nesimo seNdvodzana yakhe kuze yona itewuba litubulo kubazalwane labanyenti.

KubaseGalathiya 4:4

Kodvwa kwatsi sikhatsi sesifike ngalokuphelele Nkulunkulu watfumela iNdvodzana yakhe leyatalwa ngumfati, yakhula ingephansi kwemtsetfo,

Kubase-Efesu 1:10

Wakubona kufanele kutsi lelisu alifeze ngesikhatsi lesingiso ngekutsi indalo yonkhe yalokusemhlabeni nalokusezulwini ayihlanganisele ndzawonye ngaJesu Khristu loyinhloko yako konkhe.

Kubase-Efesu 1:4

Kwatsi nemhlaba ungakasekelwa, Nkulunkulu wasikhetsa ngaKhristu, kuze sibe ngcwele, singabi nasici emehlweni akhe. Njengobe asitsandza,

Kubase-Efesu 3:11

Loku wakwenta ngekwenjongo yaphakadze layifeza ngaKhristu Jesu iNkhosi yetfu.

Kubase-Efesu 3:9

Ngaphiwa nekutsi ngibakhanyisele bonkhe bantfu kutsi lisebenta njani lisu lemfihlakalo, lebeyifihlakele kwaphakadze kuNkulunkulu lowadala tintfo tonkhe,

KubaseKholose 1:26

imfihlakalo yalo leseloku yafihlakala kusukela ekucaleni kwetikhatsi netitukulwane, kepha manje seyembulelwe labangcwele bakhe.

1 kuThimothi 3:16

Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.

KumaHebheru 1:2

Kodvwa kulamalanga ekugcina sewukhulume kitsi ngeNdvodzana yakhe ladala ngayo umhlaba nako konkhe lokukhona; wayimisa kutsi ibe yindlalifa yako konkhe.

KumaHebheru 2:14

Ngako-ke njengobe bantfwana baba bantfu, naye-ke Jesu waba ngumuntfu njengabo, kuze kutsi abhubhise Sathane labenemandla etikwekufa,

KumaHebheru 9:26

Kube Khristu akangenanga kanye, bekuyawudzingeka kutsi ahlupheke kanyenti kusukela ekusekelweni kwendalo yonkhe. Kodvwa esikhundleni saloko, ubonakaliswe kwaba kanye, kwenela, ekugcineni kwetikhatsi, kuze asuse sono ngenhlawulo lenguye cobo lwakhe.

1 yaPhetro 1:2

Ngekwatinchanti kwakhe Nkulunkulu uYise wanikhetsa ngekuningcwelisa ngaMoya Longcwele, kuze nilalele Jesu Khristu nihlantwe ngengati yakhe. Shangatsi umusa nekuthula kungandziswa kakhulu kini!

1 yaJohane 1:2

Yena lowo Sokuphila wabonakaliswa kitsi, sambona, sifakaza ngaye, simemetela kini Sokuphila waphakadze. Nguye labeneYise; wabe sewubonakaliswa kitsi.

1 yaJohane 3:5

Futsi niyati kutsi Jesu wabonakaliselwa kususa tono, nekutsi kute sono kuye.

1 yaJohane 3:8

Umuntfu lowonako waSathane, ngobe Sathane wona kusukela ekucaleni. Kodvwa iNdvodzana yaNkulunkulu yetela kona loko, kucitsa imisebenti yaSathane.

Sembulo 13:8

Bonkhe labahlala emhlabeni bayawusikhonta, bokhe labo lekwatsi umhlaba ungakasekelwa emabito abo angete abhalwa encwadzini yekuphila yeliWundlu lelahlatjwa.