1 yaPhetro 1:1 - Siswati 1996 Bible

¹ Lencwadzi iphuma kuPhetro, umphostoli waJesu Khristu; iya kulabakhetsiwe lababakhoseli labasakatekele ePhontusi, naseGalathiya, naseKhaphadosiya, nase-Asiya, naseBhithiniya.

1 yaPhetro 1:1 Referencias Cruzadas

Esta 3:8

Ngako-ke Hamani wabikela inkhosi, watsi: “Kukhona sive lesisakateke nalo lonkhe lelive lakho sigcwele tonkhe tifundza. Siyatehlukisa emasikweni etfu. Emasiko nemihambo yaso yehlukile, ayifani nemasiko ato tonkhe letinye tive; futsi asiyilaleli imitsetfo yalelive lakho. Ngako akukafaneli kutsi inkhosi isiyekele.

Tihlabelelo 44:11

Usente saba njengetimvu tekuhlatjwa, wasisakatela etiveni tonkhe.

Hezekeli 6:8

“ ‘Kodvwa ngitawushiya insali, ngobe labanye benu bayawuphunyula enkembeni ngesikhatsi nisakatekele emaveni ngemave, nasetiveni.

Levithikusi 26:33

Ngiyawunisakatela kuletinye tive, nginicoshe ngenkemba yami. Live lenu liyawuphundleka nemadolobha enu abe tindzala.

Matewu 10:2

Nankha emabito ebaphostoli lababeli-12: Wekucala nguSimoni, lotsiwa nguPhetro, nemnakabo Andreya; Jakobe nemnakabo longuJohane, emadvodzana aZebedi;

Matewu 24:22

Kube lawo malanga akafinyetwanga bekuyakubate longasindziswa; kepha ngenca yalabakhetsiwe lawo malanga ayawufinyetwa.

Matewu 4:18

Jesu asahamba ngaseLwandle lwaseGalile, wabona telamani letimbili letatibadwebi, Simoni labetsiwa nguPhetro, na-Andreya, umnakabo, babedweba tinhlanti ngelinetha.

Lukha 18:7

Pho, Nkulunkulu utakwehlulwa yini kubevela labakhetsiwe bakhe, labakhala kuye imini nebusuku bacela lusito? Uyawubina yini ekubasiteni?

Johane 11:52

kungesiso sive kuphela, kepha kuze atekubutsela ndzawonye bantfwana baNkulunkulu, labasakateke nemhlaba wonkhe, babe munye.

Johane 7:35

Ngako emaJuda ase akhuluma odvwana atsi: “Utakuya kuphi lapho singetimtfola khona? Kungabe utakuya kulabasakatekile bemaGriki ayewufundzisa bona yini?

Imisebenti yebaPhostoli 18:2

Lapho akhandzana neliJuda, libito lalo kungu-Akhwila lekutalwa ePhontusi belisandza kubuya eTaliyane nemkalo Phrisila, ngobe Klawudiyuse bekacoshe onkhe emaJuda kutsi akesuke eRoma. Pawula wase uyawubabona,

Imisebenti yebaPhostoli 18:23

Emvakwekuhlala sikhashana lapho wase uyesuka udzabula tigodzi tetifundza taseGalathiya naseFrigiya ahambe akhutsata bonkhe bazalwane.

Imisebenti yebaPhostoli 19:10

Loku kwachubeka iminyaka lemibili, kwaze kwatsi onkhe emaJuda nemaGriki labehlala e-Asiya aliva livi leNkhosi.

Imisebenti yebaPhostoli 6:9

Kodvwa labanye bantfu lababemphikisa babengemalunga elisinagoge leBantfu Labakhululiwe, lalilemaJuda labephuma eSirene nase-Alekzandriya. Bona nalamanye emaJuda aseSilisiya nase-Asiya bacala baphikisana naStefano.

Imisebenti yebaPhostoli 8:4

Lamakholwa lasakateka kuto tonkhe tindzawo, abehamba alishumayela lelivi.

1 kubaseKorinthe 16:19

Emabandla ase-Asiya ayakhonta kini nonkhe. Bo-Akhwila naPhrisila bakhonta kakhulu kini eNkhosini, kanye nelibandla lelikhontela endlini yabo.

2 kubaseKorinthe 1:8

Asitsandzi, bazalwane, kutsi ningete nati ngetinhlupheko tetfu letasehlela ngesikhatsi sisese-Asiya. Lapho satfolana nebulukhuni lobabungetulu kwemandla etfu kangangekutsi sacishe salahlekelwa nalitsemba lekuphila.

KubaseGalathiya 1:2

Iphuma kimi nakubo bonkhe bazalwane lenginabo. Iya emabandleni aseGalathiya.

Kubase-Efesu 2:12

Nikhumbule nekutsi ngaleto tikhatsi benehlukanisiwe naKhristu, ningephandle kwembuso waka-Israyeli, nitihambi letite sabelo etivumelwaneni tesetsembiso, nite litsemba, nite naNkulunkulu emhlabeni.

Kubase-Efesu 2:19

Ngako-ke anisesito tihambi nemihambima, kodvwa nyalo seningumndeni munye nalabangcwele, senibendlu yaNkulunkulu.

Dutheronomi 28:64

“Simakadze uyakunisakatela emkhatsini wato tonkhe tive, kusuka ngala kwemhlaba kuye ngale kwawo. Lapho-ke niyawukhonta labanye bonkulunkulu labentiwe ngelugodvo, nangelitje, leningazange senibati nine ngisho nabokhokho benu imbala.

Dutheronomi 32:26

Ngatsi ngiyawubasakata, ngesule nekukhunjulwa kwabo etingcondvweni tebantfu.

Dutheronomi 4:27

Simakadze uyawunisakatela etiveni letinye, bayawuba yingcosana benu labayawusala kuleto tive Simakadze layakube anisakatele kuto.

2 kuThimothi 1:15

Uyati kutsi bonkhe labase-Asiya bangifulatsela, boFigelusi naHemogenesi basemkhatsini wabo.

KumaHebheru 11:13

Bonkhe laba bafa bakholiwe bangakakwemukeli loko lababetsenjiswe kona, kodvwa bakubona bakwemukela kusekhashane, bavuma kutsi lapha emhlabeni babafokati netihambi.

YaJakobe 1:1

Lencwadzi iphuma kuJakobe, inceku yaNkulunkulu neyeNkhosi Jesu Khristu. Iya etiveni letili-12 letisakatekile. Ngiyanibingelela.

1 yaPhetro 2:11

Batsandzekako, ngiyanincenga, njengobe nitihambi nalabendlulako kulomhlaba, kutsi nitikhweshele tinkhanuko tenyama letilwa nemphefumulo.

2 yaPhetro 1:1

Lencwadzi iphuma kuSimoni Phetro, inceku nemphostoli waJesu Khristu. Iya kini lenemukele kukholwa lokuligugu njengekwetfu. Nikwemukele ngekulunga kwaNkulunkulu neMsindzisi wetfu Jesu Khristu.

Sembulo 1:11

litsi: “Bhala encwadzini loko lokubonako, bese uyitfumela emabandleni lasikhombisa: lase-Efesu, nelaseSmuna, nelasePhegamu, nelaseThiyathira, nelaseSadesi, nelaseFiladelfiya, nelaseLawodisiya.”