1 yaJohane 5:3 - Siswati 1996 Bible

³ Ngobe kutsandza Nkulunkulu kugcina imiyalo yakhe. Imiyalo yaNkulunkulu ayimatima kitsi.

1 yaJohane 5:3 Referencias Cruzadas

2 Emakhosi 18:6

Hezekiya wabambelela kuSimakadze, akazange ayekele kumlandzela, wayigcina yonkhe imitsetfo yaSimakadze labeyinike Mosi.

Tihlabelelo 119:140

Tetsembiso takho tihlanteke ngalokuphelele, nenceku yakho iyatitsandza.

Tihlabelelo 119:45

Ngiyawuhamba ngekukhululeka, ngobe ngetamile kuhlonipha imitsetfo yakho.

Eksodusi 20:6

Kodvwa labangitsandzako nalabagcina imiyalo yami ngibehlisela umusa wami longapheli etinkhulungwaneni tetitukulwane netitukulwane tabo.

Taga 3:17

Tindlela tako kutindlela tekujabula, netindlela tako tonkhe ngetekuthula.

Danyela 9:4

Ngathandaza kuSimakadze Nkulunkulu wami ngivuma tono ngitsi: “Awu Simakadze, wena unguNkulunkulu lomkhulu nalowesabekako, logcina sivumelwane sakhe nelutsandvo kubo bonkhe labamtsandzako bente imiyalo yakhe,

Mikha 6:8

Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.

Matewu 23:4

Babopha imitfwalo lesindzako, bayibeke emahlombe alabanye bantfu, kepha bona abafuni kuyifukula, ngisho nangemuno wabo.

Johane 14:15

“Naningitsandza, nitawugcina imiyalo yami.

Johane 15:10

Nanigcina imiyalo yami, niyawuhlala elutsandvweni lwami, njengobe nami ngigcina imiyalo yaBabe, ngihlala elutsandvweni lwakhe.

Johane 15:14

Nine nitihlobo tami, nanenta loku lenginiyale ngako.

KubaseRoma 7:12

Kuyakhanya-ke kutsi umtsetfo ungcwele, nemyalo ungcwele, ulungile, futsi muhle.

KubaseRoma 7:22

Ngobe ngekwemuntfu longekhatsi ngitfokotela umtsetfo waNkulunkulu.

Dutheronomi 5:10

kodvwa ngentela lutsandvo kuto titukulwane letitinkhulungwane talabangitsandzako bagcine imiyalo yami.

Dutheronomi 7:9

Yatini-ke kutsi Simakadze Nkulunkulu wenu unguNkulunkulu; unguNkulunkulu lowetsembekile losigcinako sivumelwane sakhe selutsandvo kuto titukulwane letitinkhulungwane kulabo labamtsandzako bagcine imiyalo yakhe,

KumaHebheru 8:10

“Ngulesi-ke sivumelwane lengiyawusenta nendlu yaka-Israyeli ngetikhatsi letitako,” isho iNkhosi, itsi: “Ngiyawufaka imisetfo yami etingcondvweni tabo, ngiyibhale etinhlitiyweni tabo, ngibe nguNkulunkulu wabo, bona babe sive sami.

1 yaJohane 2:3

Nasigcina imiyalo yakhe, sineleciniso lekutsi siyamati yena.

2 yaJohane 1:6

Ngulolo-ke lutsandvo, kutsi sihambe ngekwemiyalo yakhe; ngiwo lomyalo lekumelwe kutsi nihambe ngawo, njengobe neva kwasekucaleni.