1 yaJohane 5:20 - Siswati 1996 Bible

²⁰ Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.

1 yaJohane 5:20 Referencias Cruzadas

Isaya 44:6

“Naku-ke lokushiwo nguSimakadze, iNkhosi neMkhululi wema-Israyeli, Simakadze longuSomandla, utsi: Mine ngiwekucala newekugcina; ngaphandle kwami kute Nkulunkulu.

Isaya 54:5

Ngobe uMenti wakho yindvodza yakho, nguSimakadze longuSomandla libito lakhe, Longcwele waka-Israyeli unguMhlengi wakho, ubitwa ngekutsi nguNkulunkulu wemhlaba wonkhe.

Isaya 9:6

Ngobe tsine sitalelwe umntfwana, siphiwe indvodzana. Umbuso uyawubasemahlombe akhe. Uyawutsiwa nguMeluleki Lomangalisako, nguNkulunkulu Lonemandla, nguBabe Waphakadze, yiNkhosi Yekuthula.

Jeremiya 10:10

Kodvwa Simakadze nguyena Nkulunkulu sibili, unguNkulunkulu lophilako, iNkhosi yaphakadze. Nakatfukutsele yena, kutfutfumela umhlaba, tive atikhoni kumelana nelulaka lwakhe.

Jeremiya 23:6

Ngalawo malanga ayo Juda uyawusindziswa, na-Israyeli uyawuhlala aphephile. Leli libito lakhe layawubitwa ngalo, kutsiwe: Simakadze Kulunga Kwetfu.”

Matewu 13:11

Wabaphendvula watsi: “Nine ninikiwe lwati lwetimfihlakalo tembuso welizulu, kodvwa bona abakanikwa.

Lukha 21:15

ngobe phela ngiyawuninika emavi nekuhlakanipha lekuyawubate nome sinye setitsa tenu lesiyawuba nemandla ekumelana nekuphikisana nani.

Lukha 24:45

Wase uvula tingcondvo tabo, kuze bacondzisise imiBhalo.

Johane 1:18

Kute lowase wabona Nkulunkulu, ngaphandle kweNdvodzana letelwe yodvwa lenguNkulunkulu, lesesifubeni seYise, ngiyo lembonakalisile.

Johane 10:30

Mine naBabe simunye.”

Johane 14:20

Ngalelo langa nine niyakwati kutsi ngikuBabe nekutsi nine nikimi, njengobe nami ngikini.

Johane 14:23

Jesu wamphendvula watsi: “Umuntfu nakangitsandza, uyawugcina emavi ami. Babe uyawumtsandza. Tsine-ke naBabe siyawuta kuye, sihlale naye.

Johane 14:6

Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.

Johane 14:9

Jesu watsi kuye: “Senginesikhatsi lesidze nginani, kodvwa nanyalo awukangati, Filiphu? Lowo losabone mine, umbonile naBabe. Usho kanjani kutsi: ‘Sibonise uYihlo’?

Johane 15:4

Hlalani kimi nami kini. Njengobe ligala lingeke likwati kutsela titselo ngekwalo, kuphela nalihleti esicwini, kanjalo-ke nani kuphela nanihlala kimi.

Johane 17:14

Ngibanikile livi lakho; live labatondza ngobe bangesibo belive, njengobe nami ngingesiye walelive.

Johane 17:25

Babe lolungile, live alikwati wena, kodvwa mine ngiyakwati; nalaba bayati kutsi ngitfunywe nguwe.

Johane 17:3

Kuphila lokuphakadze nguloku: kutsi bakwati wena, Nkulunkulu longuye yedvwa weliciniso, bamati naJesu Khristu lomtfumile.

Johane 20:28

Tomase waphendvula watsi: “Nkhosi yami, Nkulunkulu wami!”

Johane 8:42

Jesu watsi kubo: “Kube Nkulunkulu abenguYihlo, ngabe niyangitsandza mine, ngobe ngefika ngiphuma kuNkulunkulu. Angikamane ngatitela nje, kepha ngitfunywe nguye.

Imisebenti yebaPhostoli 20:28

Ticapheleni nine kanye nemhlambi wonkhe lobekwe etandleni tenu nguMoya Longcwele, neluse libandla laNkulunkulu latitsengela lona ngengati yeNdvodzana yakhe.

KubaseRoma 9:5

Wona angumliba wabokhokho, lapho kwavela khona Khristu waba ngumuntfu, yena longuNkulunkulu, Losetikwako Konkhe, akadvunyiswe phakadze naphakadze. Amen.

1 kubaseKorinthe 1:30

Yena ungumtfombo wemphilo yenu kuJesu Khristu, lamenta waba kuhlakanipha kwetfu, nekulunga, nekungcweliswa, kanye nekuhlengwa.

2 kubaseKorinthe 4:6

Ngobe yena lowo Nkulunkulu lowatsi: “Akuvele kukhanya ebumnyameni,” nguye futsi lokhanyise etinhlitiyweni tetfu, kuze sikwati kubona inkhatimulo yaNkulunkulu ebusweni baKhristu.

2 kubaseKorinthe 5:17

Ngako-ke nangabe umuntfu akuKhristu, usidalwa lesisha; tintfo letindzala setendlulile, konkhe sekwentiwe kwaba kusha.

Kubase-Efesu 3:18

nibe nemandla ekucondzisisa kanye nalabangcwele bonkhe lokububanti, nebudze, nekuphakama, nekujula kwelutsandvo lwaKhristu,

KubaseFiliphi 3:9

ngitfolakale kuye ngite ngisho nalokuncane kulunga lokukwami, lokutfolakala ngekwenta lokufunwa ngumtsetfo. Kepha ngifuna kutfolakala nginekulunga lokuya ngekukholwa nguKhristu, ngisho kulunga lokutfolakala kuNkulunkulu ngekukholwa.

1 kuThimothi 3:16

Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.

kuThithusi 2:13

ngesikhatsi sisabheke kugcwaliseka kwelitsemba lelibusisekile, kubonakala kwenkhatimulo yebukhosi baNkulunkulu lomkhulu, uMsindzisi wetfu Khristu Jesu.

KumaHebheru 1:8

Kodvwa ngeNdvodzana utsi: “Sihlalo sakho sebukhosi, Nkulunkulu, sisaphakadze naphakadze. Kulunga yindvuku yebukhosi bakho lobusa ngayo bantfu bakho.

1 yaJohane 2:23

Lowo lophika iNdvodzana, ute Nkulunkulu uYise; kantsi lowo lovuma iNdvodzana unaye, Nkulunkulu uYise.

1 yaJohane 2:24

Loko lenakuva kusukela ekucaleni akuhlale etinhlitiyweni tenu. Nangabe-ke loko kuhlala kini, nani-ke niyawuhlala eNdvodzaneni kanye nakuYise.

1 yaJohane 2:6

Wonkhe umuntfu lotsi uhlala kuye, kufanele ahambe ngaleyo ndlela Khristu lahamba ngayo.

1 yaJohane 4:14

Tsine sitibonele, sifakaza kutsi uYise utfumele iNdvodzana yakhe kutsi itewuba nguMsindzisi welive.

1 yaJohane 4:16

Tsine siyalwati lutsandvo Nkulunkulu lasitsandza ngalo, futsi siyakholwa ngilo. Nkulunkulu ulutsandvo. Umuntfu lohlala elutsandvweni uhlala kuNkulunkulu, naNkulunkulu uhlala kuye.

1 yaJohane 4:2

Moya waNkulunkulu niyawumati ngaloku: Wonkhe umoya lovumako kutsi Jesu Khristu wefika waba ngumuntfu, yena unguMoya waNkulunkulu.

1 yaJohane 5:1

Wonkhe umuntfu lokholwa kutsi Jesu unguKhristu, ungumntfwana waNkulunkulu; umuntfu lotsandza umtali, utsandza nemntfwanakhe futsi.

1 yaJohane 5:15

Njengobe sati kutsi uyasiva kunobe yini lesiyicelako, siyati nekutsi sesikunikiwe loko lesikucela kuye.

1 yaJohane 5:18

Siyati kutsi wonkhe umuntfu lotelwe nguNkulunkulu akoni, ngobe iNdvodzana yaNkulunkulu iyamgcina, naLomubi akamtsintsi.

1 yaJohane 5:5

Ngubani umuntfu longancoba live ngaphandle kwalowo lokholwa kutsi Jesu uyiNdvodzana yaNkulunkulu?

Sembulo 15:3

Babehlabela ingoma yaMosi, sisebenti saNkulunkulu, nengoma yeliWundlu, batsi: “Tinkhulu tiyamangalisa tento takho, Nkhosi, Nkulunkulu, Somandla! Tilungile tiliciniso tindlela takho, Nkhosi yetive tonkhe.

Sembulo 19:11

Ngase ngibona lizulu livulekile, bekunelihhashi lelimhlophe. Lona bekaligibele abebitwa ngekutsi nguLotsembekile naLiciniso; umsulwa ekwehluleleni kwakhe nasekulweni kwakhe.

Sembulo 3:14

“ ‘Bhalela ingilosi yelibandla laseLawodisiya utsi: “ ‘Nali livi leliphuma kuye longu-Amen; nguye longufakazi lowetsembekile nalocinisile, ungumtfombo wendalo yaNkulunkulu utsi:

Sembulo 3:7

“Bhalela ingilosi yelibandla laseFiladelfiya utsi: “ ‘Nali livi leliphuma kuye longcwele, loliciniso, lonesikhiya saDavide, lovula kungavali muntfu, avale kungavuli muntfu, utsi:

Sembulo 6:10

Bamemeta kakhulu, ngelivi lelikhulu, batsi: “Nkhosi Somandla, longcwele naloliciniso, kuyawudzimate kube ngunini ungehluleli uphindzisele ingati yetfu kulabo labahleti emhlabeni?”