1 yaJohane 5:18 - Siswati 1996 Bible

¹⁸ Siyati kutsi wonkhe umuntfu lotelwe nguNkulunkulu akoni, ngobe iNdvodzana yaNkulunkulu iyamgcina, naLomubi akamtsintsi.

1 yaJohane 5:18 Referencias Cruzadas

Tihlabelelo 119:101

Ngiyatincandza tinyawo tami etindleleni letimbi, ngobe ngifuna kugcina livi lakho.

Tihlabelelo 119:3

Labo-ke abakwenti lokungakalungi, kodvwa bahamba ngetindlela takhe.

Tihlabelelo 17:4

Macondzana nemisebenti yebantfu mine ngitigadze ngekulalela livi lakho, ngaticwaya tindlela talabatidlova.

Tihlabelelo 18:23

Bengisolo ngite sici embikwakhe, ngitigcinile ngangete ngona.

Tihlabelelo 39:1

Ngacabanga ngatsi: “Ngiyawunakekela tindlela tami, kuze ngingoni ngelulwimi lwami, umlomo wami ngiyakuwufaka sifonyo, yingci nangisesembikwalomubi.”

Taga 4:23

Ngetulu kwako konkhe londvolota inhlitiyo yakho ngekunakekela konkhe, ngobe kuyo kugeleta tiyalu tekuphila.

Levithikusi 11:37

Nangabe sidvumbu saso siwela etikwenhlanyelo, leyo nhlanyelo iyawuhlala seloku ihlantekile.

Matewu 5:37

Nanivuma nibotsi: ‘Yebo’ nome-ke nitsi: ‘Cha’ nangabe niyala; ngobe lokwendlula lapho kuvela kuLomubi.”

Matewu 6:13

Ungasingenisi ekulingweni, kodvwa usisindzise kulokubi. [Ngobe umbuso wakho, nemandla, nebukhosi, kuze kube phakadze. Amen.]’

Johane 1:13

Abazange batalwe ngengati, nangenyama, nangentsandvo yendvodza, kodvwa batalwa nguNkulunkulu.

Johane 14:30

Angisenakukhuluma kabanti nani, ngobe nangu umbusi walelive aseta, akanamandla etikwami.

Johane 15:4

Hlalani kimi nami kini. Njengobe ligala lingeke likwati kutsela titselo ngekwalo, kuphela nalihleti esicwini, kanjalo-ke nani kuphela nanihlala kimi.

Johane 15:7

Nanihlala kimi nemavi ami ahlala kini, niyawucela lenikutsandzako, nikuphiwe.

Johane 15:9

Njengaloku Babe angitsandzile, nami nginitsandzile. Hlalani elutsandvweni lwami.

Imisebenti yebaPhostoli 11:23

Lapho efika wabona kutsi Nkulunkulu abebabusisile bantfu, watfokota wabancusa bonkhe kutsi betsembeke baciniseke eNkhosini ngetinhlitiyo tonkhe tabo.

YaJakobe 1:18

Ngekwentsandvo yakhe wasitala ngelivi leliciniso, khona sitekuba ngematubulo ato tonkhe tidalwa takhe.

YaJakobe 1:27

Kukholwa lokumsulwa lokungenasici embikwaNkulunkulu longuBabe ngunaku: kuhambela tintsandzane nebafelokati elusizini lwabo, nekutigcina ungangcoliswa live.

1 yaPhetro 1:23

Phela senitelwe kabusha ngelivi laNkulunkulu lelingabhubhi, kodvwa leliphila phakadze naphakadze.

1 yaJohane 2:29

Nanati kutsi ulungile, ningahlala nineliciniso lekutsi wonkhe lowenta kulunga, utelwe nguye.

1 yaJohane 3:12

Singabi njengaKhayini labe waLomubi, wabulala umnakabo. Wambulalelani-ke? Wambulala, ngobe imisebenti yakhe yayimibi, kantsi lena ya-Abela, umnakabo, yayilungile.

1 yaJohane 3:3

Wonkhe umuntfu lonalo lelo tsemba kuKhristu uyatihlambulula, njengobe naKhristu ahlambulukile.

1 yaJohane 3:9

Umuntfu lotelwe nguNkulunkulu akoni, ngobe simo saNkulunkulu sikuye; ngako-ke angeke one, ngobe ungumntfwana waNkulunkulu.

1 yaJohane 4:6

Tsine sibaNkulunkulu, lomatiko Nkulunkulu uyasiva, lowo longesiye waNkulunkulu akasiva. Siwehlukanisa ngaloko-ke umoya weliciniso nemoya wekweduka.

1 yaJohane 5:1

Wonkhe umuntfu lokholwa kutsi Jesu unguKhristu, ungumntfwana waNkulunkulu; umuntfu lotsandza umtali, utsandza nemntfwanakhe futsi.

1 yaJohane 5:15

Njengobe sati kutsi uyasiva kunobe yini lesiyicelako, siyati nekutsi sesikunikiwe loko lesikucela kuye.

1 yaJohane 5:19

Siyati kutsi sibaNkulunkulu nekutsi umhlaba wonkhe ungephansi kwemandla aLomubi.

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.

1 yaJohane 5:21

Bantfwabami, tikhweshiseni etithicweni.

1 yaJohane 5:4

Wonkhe umuntfu lotelwe nguNkulunkulu uyalincoba live. Kuncoba lesincoba ngako live: kukholwa kwetfu.

YaJuda 1:21

Tigcineni elutsandvweni lwaNkulunkulu ngesikhatsi nisalindzele iNkhosi yetfu Jesu Khristu, kutsi ngemusa wayo ininike kuphila lokuphakadze.

YaJuda 1:24

Kuye lonemandla ekunigcina, ningete nakhubeka, kuze aniletse ebukhosini bakhe, nite licala, nitfokota kakhulu,

Sembulo 2:13

Ngiyati lapho uhlala khona; uhlala lapho Sathane anesihlalo sakhe sebukhosi khona. Libito lami ulibambisisile, awuzange ungihlubuke ngisho namhlazane Antipasi, fakazi wami lowetsembekile, abulawa emkhatsini wenu, lapho kuhlala khona Sathane.