1 yaJohane 5:16 - Siswati 1996 Bible

¹⁶ Nakukhona lobona umzalwane wakhe enta sono lesingaholeli ekufeni, kufanele amthandazele, Nkulunkulu utamupha kuphila. Loko kucondzene nalabo labenta sono lesingaholeli ekufeni. Sikhona sono lesiholela ekufeni, lengingete ngasho kutsi kungacelwa ngaleso.

1 yaJohane 5:16 Referencias Cruzadas

Genesisi 20:17

Abrahama wathandaza kuNkulunkulu. Nkulunkulu waphilisa Abimeleki, nemkakhe, netisebenti letisikati kuze bonkhe batale bantfwana.

Genesisi 20:7

Manje-ke, mncandzekise lomfati walendvodza, ngobe ingumphrofethi; itakuthandazela bese uyaphila. Kodvwa nawungamncandzekisi, ubovele wati kutsi utakufa, wena nebantfu bakho.”

Tihlabelelo 106:23

Ngako-ke watsi utababhubhisa, kepha Mosi, lokhetsiwe wakhe, wema emkhatsini, wabalamlela ngekubashweletela kuNkulunkulu, kutsi lulaka lwakhe lungababhubhisi.

Eksodusi 34:9

Wakhuluma watsi: “Simakadze, nangabe ngizuze umusa emehlweni akho, ngicela kutsi uhambe natsi, nome sisive lesinenhloko lelukhuni. Tsetselela kona netono tetfu, usente sibe lifa lakho.”

Jeremiya 11:14

“Wena-ke Jeremiya, ungabathandazeli labantfu, ungabaceleli, futsi ungabancuseli, ngobe ngingeke ngilalele nase bangibita ngesikhatsi selusizi lwabo.

Jeremiya 14:11

Ngako Simakadze wakhuluma kimi, watsi: “Ungakuthandazeli kuphumelela kwalabantfu.

Jeremiya 7:16

“Ngako-ke, wena Jeremiya, ungabathandazeli labantfu, futsi ungabancuseli, ungabancengeli; ungangincengi nami, ngobe ngingeke ngikuve.

Hezekeli 22:30

“Ngafuna umuntfu emkhatsini wabo labengakha lubondza eme embikwami esikhaleni, emele lelive, kuze ngingetikulibhubhisa, kodvwa angitfolanga namunye.

Numeri 12:13

Mosi wakhala kuSimakadze atsi: “Mphilise Nkulunkulu, ngiyakuncenga.”

Numeri 15:30

“ ‘Kodvwa umuntfu lowona ngemabomu, nome angewemdzabu nome angewetive, uyawuba nelicala lekungahloniphi Simakadze, uyawuncunywa esiveni sakubo.

Lukha 12:10

“Nome ngubani lokhuluma kabi ngeNdvodzana yeMuntfu, uyawutsetselelwa; kodvwa lowo lowetfuka Moya Longcwele, angeke atsetselelwe.

Johane 17:9

“Ngiyabathandazela, Babe; angithandazeli lona live, kodvwa labo longiphe bona, ngobe babakho.

2 kuThimothi 4:14

Alekzanda, umkhandzi welitfusi, wenta tintfo letinyenti letimbi kimi, iNkhosi iyawungenanela kuye.

1 yaJohane 5:17

Konkhe lokungakalungi kusono, noko kukhona sono lesingaholeli ekufeni.

1 Samuweli 12:19

Bonkhe bantfu bakhuluma kuSamuweli, batsi: “Thandaza kuSimakadze Nkulunkulu wakho, uthandazele tinceku takho singete safa, ngobe sesengete kuto tonkhe letono tetfu lesinye sono ngekutsi siticelele inkhosi.”

1 Samuweli 2:25

Nangabe umuntfu ona kulomunye umuntfu, Nkulunkulu uyammelela; kodvwa nangabe umuntfu ona kuSimakadze, ngubani loyakumncusela?” Kodvwa emadvodzana akazange alitsatse livi leyise; ngobe kwakuyintsandvo yaSimakadze kutsi abulawe.