1 yaJohane 4:18 - Siswati 1996 Bible

¹⁸ Lutsandvo lute kwesaba, kodvwa lutsandvo loluphelele luyakucosha kwesaba. Kwesaba kuhambisana nesijeziso; lowo lowesabako akapheleli elutsandvweni.

1 yaJohane 4:18 Referencias Cruzadas

Jobe 15:21

“Tindlebe takhe tigcwele imisindvo lesabisako, ngesikhatsi konkhe kubukeka shangatsi kuhle, umbhubhisi ngulapho amhlasela khona.

Tihlabelelo 119:120

Umtimba wami uyatfutfumela ngenca yekwesaba wena, netehlulelo takho ngiyatesaba.

Tihlabelelo 73:19

Maye! Bacitfwa ngekucwabita kweliso, bakhukhulwe tinhlupheko letesabekako.

Matewu 9:34

Kepha baFarisi batsi: “Ukhipha emadimoni ngembusi wemadimoni.”

KubaseRoma 8:15

Ngobe anemukelanga umoya webugcili wekutsi nibuye nesabe, kodvwa nemukela Moya losenta emadvodzana, sikhulume ngaye kuNkulunkulu sitsi: “Babe! Babe wami!”

2 kuThimothi 1:7

Ngobe Nkulunkulu akasiphanga umoya webugwala, kodvwa wasipha Moya wemandla, newelutsandvo, newekutekhuta.

KumaHebheru 12:28

Ngako-ke asibonge kwemukela umbuso longeke unyakatiswe, sikhonte Nkulunkulu ngalokwemukelekako, simhloniphe ngekutfutfumela;

YaJakobe 2:19

Uyakholwa kutsi Nkulunkulu munye? Wenta kahle; nemadimoni ayakukholwa loko, atfutfumele.

1 yaJohane 4:12

Kute umuntfu lowase wabona Nkulunkulu; nasitsandzana-ke, Nkulunkulu uhlala kitsi, nelutsandvo lwakhe luphelelisiwe kitsi.