1 yaJohane 4:12 - Siswati 1996 Bible

¹² Kute umuntfu lowase wabona Nkulunkulu; nasitsandzana-ke, Nkulunkulu uhlala kitsi, nelutsandvo lwakhe luphelelisiwe kitsi.

1 yaJohane 4:12 Referencias Cruzadas

Genesisi 32:30

Jakobe lendzawo wayetsa libito watsi: “yiPheniyeli,” lokusho kutsi: “Ngibonene naNkulunkulu buso nebuso, noko umphefumulo wami waphephiswa.”

Eksodusi 33:20

Kodvwa ungeke ububone buso bami, ngobe kute umuntfu longabona buso bami abuye aphile.

Numeri 12:8

Kuye ngikhuluma umlomo nemlomo, ngikhulume ebaleni, ngingabi ngigega liguma; ubukana nesimo saSimakadze. Nine-ke nisitsatsaphi lesibindzi lesingaka sekukhuluma kabi ngenceku yami, Mosi?”

Johane 1:18

Kute lowase wabona Nkulunkulu, ngaphandle kweNdvodzana letelwe yodvwa lenguNkulunkulu, lesesifubeni seYise, ngiyo lembonakalisile.

1 kubaseKorinthe 13:13

Kutsatfu lokuyawuhlala kumile: kukholwa, kwetsemba, nelutsandvo. Kodvwa lokukhulu kunako konkhe lutsandvo.

1 kuThimothi 1:17

Kuyo iNkhosi yetikhatsi, lengabhubhi, nalengabonwa ngemehlo enyama, nalekungiyo yodvwa lenguNkulunkulu, akube ludvumo nebukhosi phakadze naphakadze. Amen.

1 kuThimothi 6:16

Nguye yedvwa longabhubhi lohlala ekukhanyeni lekungasondzeleki kuko, longazange asabonwe ngumuntfu, nalongeke abonwe ngumuntfu. Kuye akube ludvumo nemandla aphakadze. Amen.

KumaHebheru 11:27

Ngekukholwa Mosi wesuka eGibhithe, angesabi kutfukutsela kwenkhosi yakhona; wacinisela kwaba shangatsi uyambona longabonwa.

1 yaJohane 2:5

Kodvwa lowo logcina livi lakhe, lutsandvo lwaNkulunkulu luphelelisiwe kuye; ngaloko singaba neliciniso lekutsi sikuye.

1 yaJohane 3:24

Umuntfu logcina imiyalo yaNkulunkulu uhlala kuNkulunkulu, naNkulunkulu uhlala kuye. Nkulunkulu wasinika Moya wakhe, nguko lesibona ngako kutsi Nkulunkulu uhlala kitsi.

1 yaJohane 4:16

Tsine siyalwati lutsandvo Nkulunkulu lasitsandza ngalo, futsi siyakholwa ngilo. Nkulunkulu ulutsandvo. Umuntfu lohlala elutsandvweni uhlala kuNkulunkulu, naNkulunkulu uhlala kuye.

1 yaJohane 4:20

Umuntfu nakatsi: “Ngiyamtsandza Nkulunkulu,” kepha abe atondza umzalwane wakhe, ungulocalemanga; ngobe umuntfu longamtsandzi umzalwane wakhe lambonako, angeke amtsandze Nkulunkulu langazange asambone.

1 yaJohane 4:6

Tsine sibaNkulunkulu, lomatiko Nkulunkulu uyasiva, lowo longesiye waNkulunkulu akasiva. Siwehlukanisa ngaloko-ke umoya weliciniso nemoya wekweduka.