1 yaJohane 4:11 - Siswati 1996 Bible

¹¹ Batsandzekako, nangabe Nkulunkulu wasitsandza kangaka, natsi sifanele kutsi sitsandzane.

1 yaJohane 4:11 Referencias Cruzadas

Lukha 10:37

Sati semtsetfo saphendvula satsi: “Ngulona lowaba nesihawu kuye.” Jesu waphendvula ngekutsi: “Hamba, nawe wente njalo!”

Johane 13:34

Ngininika umyalo lomusha wekutsi: Njengobe nami nginitsandzile, nani tsandzanani.

Kubase-Efesu 4:31

Konkhe lokubabako, nelulaka, nekutfukutsela, nemsindvo, nekuhlambalata akususwe kini, kanye nako konkhe lokubi.

KubaseKholose 3:13

Nibeketelelane, nitsetselelane, nangabe umuntfu akhube lomunye; ngobe phela neNkhosi yanitsetselela, nani-ke yentani njalo.

1 yaJohane 2:7

Batsandzekako, anginibhaleli wona umyalo lomusha kodvwa wona lowo lomdzala lenawuva kusukela ekucaleni. Lomyalo lomdzala livi lenaliva.

1 yaJohane 3:11

Lona ngumyalo lenawuva kusukela ekucaleni kutsi kufanele sitsandzane.

1 yaJohane 3:23

Naku lasiyala ngako: kutsi sikholwe egameni leNdvodzana yakhe lenguJesu Khristu bese siyatsandzana, njengobe asiyala.

1 yaJohane 4:7

Batsandzekako, asitsandzaneni ngobe lutsandvo luvela kuNkulunkulu; wonkhe umuntfu lonelutsandvo usuke atelwe nguNkulunkulu, futsi uyamati Nkulunkulu.

2 yaJohane 1:5

Namanje ngiyakuncusa-ke, Make, kungesiko kutsi ngikushayela umyalo lomusha, kodvwa wona lowo lesawuva ekucaleni wekutsi sifanele sitsandzane.